Ekartzen dute petrikilo bat gezurrak esaten dituena bata bestearen atzetik, inork inoiz frogatu ez dituen “hipotesiak”, kasualitatez txertoaren beharra justifikatzen dutenak.
Adibidez, ukimenaren bidez kutsatzen dela. Nork baieztatu du hori eta zein frogaren arabera, dioten bezala birusak txikiegi direnean ikusteko?
Nik dakidala INOIZ ez da frogatu inolako birusa inolako moduan kutsatzen denik, ez ukimen bidez, are gutxiago aire bidez.
Baina interes politiko-ekonomikoen arabera, esango dizute delako birusa delako moduan kutsatzen dela.
Zein kapritxosoak eta ahalguztidunak diren birusak, nahieran kutsatzen direla, batzuk airez, besteak ukimen bidez. Setiatuta bizi gara, orotariko biolentzia eta diskriminazioek setiatuta, eta gainera BIRUSAK TRUMILKA. Eskerrak hor ditugun farmazeutika handiak, birus bakoitzeko txerto batekin. Aleluia!
Lagun maite bati besapea handitu zitzaion covidaren lehen txertoarekin. Laranja baten neurriko kozkorra. Beste bi dosi sartu zituen. Orain beso hori ahulagoa dauka eta ganglio hori beti pixka bat handitua, pixka bat minbera. Antitxertook gorroto gaituenez ez diot esan antitxertoa naizenik eta hori da egiaren eta gezurraren arteko indar korrelazioa egun. Disonantzia kognitiboa garaile, egiaren erruz sufritzen dugun gizagaixook galtzaile eta errudun.
Gaur gizona ikusi dut Hondarribiko Marinan, banku batean jarrita, aho-sudurrak musuko batez estalita.
Ez dakit alegiazko birus batez edo itsasoko kresalaz babesten, agian itsasoko marrazo eta marmokez, auskalo.
Aurrekoan Oreretan emakume bat, kalean, berdin.
Ez al diete BEHINGOZ gobernuak edo “osasun autoritateek” esango alfer-alferrik dabiltzala beren burua supliziatzen?
Lagun maite horri hori gertatu zaio, beste batzuri bestelakoak gertatu… askorengan beldurraren bidezko fedea handitu, beste batzuk beldur estrarik ere ez dute behar izan… izugarriak gertatu dira eta gertatuko, jazarpen eta diskriminazioak lagun, orain arte bezala. Okerrena da halako eraso nazi-sanitaristek osasungintza alopatikoari ere kalte egiten diola. Osasun metodo guztiak dira baliogarri eta integragarriak baina ez, helburua beste dat izan da eta da.
Ongi izan, Zigor, babes gaitezen nazi sanitarismo ultra-kapitalistarengandik eta zain ditzagun umeak, besteak beste.