«Sars-Cov-2ak ez du Covid-19a sortzen»

Bartomeu Payeras biologoa eta mikrobiologian aditua da. Jorratzen duen gaiaren inguruko bideo mordoa publikatu du. Honako honetan 10 argudio hautatu ditu bere hipotesia frogatzeko: Sars-Cov-2a ez dela isolatu ez eta gaixoetan aurkitu ere.

Bartomeu Payeras-en “Sars-Cov-2ak ez du Covid-19a sortzen” bideoa / lbry.tv

LABURPENA:

Galdetuko banizu…

• …ea zergatik daramagun musukoa, koronabirusa dagoelako esango zenidake.
• …ea zergatik metro bat edo metro t’erdiko segurtasun neurria elkarri errespetatu behar diogun, koronabirusa dagoelako esango zenidake.
• …ea zergatik konfinatzen gaituzten, koronabirusa dagoelako esango zenidake.
• …ea zergatik jarri behar diguten txertoa, koronabirusa dagoelako esango zenidake.
• …ea zer den Covid19 delako hori, birus batek sorrarazitako pandemia dela esango zenidake.
• …ea zergatik egiten dituzten PCR frogak, koronabirusa dugun edo ez jakiteko esango zenidake.
• …ea zergatik dauden hainbeste hildako, koronabirusa dagoelako esango zenidake.

Eta galdetuko banizu ea telebistak, irratiak, prentsak, gobernuak… birusa dagoen frogatu duten, baiezkorik ezingo zenidake eman, ez baitute egin, zientziaren behatxulotik begiratuta bederen.

10 argudioak:

1. Stefan Lanka Doktore prestigiotsuaren adierazpenei jarraiki, birusa ez da isolatua izan. Hain zuzen ere, jatorrizko kultibo zelularraren ARN eta beste molekula batzuen zatiak jaso badira ere, eta Sars-Cov-2 birusaren ordenagailu bidezko irudikapena erakutsi badigute ere, horrek ez du adierazten, inolaz ere ez, birus berri baten aurrean gaudenik, ez baita, lehenik, berau isolatu; gero purifikatu, garbitu; ondoren sekuentziatu eta, orduan eta bakarrik orduan, bere sekuentzia genetikoa publikatu.

2. Behin birusa isolatua, purifikatua eta sekuentziatua izanik, aurkitu berri dugun birusak eta ez beste batek sortzen duela gaixotasuna egiaztatu beharko genuke, pandemiaren eragile nagusia bera dela ziurtaturik. Horretarako, Nobelaz saritua izan zen alemaniar mediku eta birologo Robert Koch-en ustetan organismo batek gaixotasun bat sorrarazten duen baieztatzeko bete beharko lituzken prozeduren arabera, alegia, Koch postulatuen arabera, birusa, kutsatutako gaixo batetik jaso, isolatu, purifikatu, sekuentziatu eta osasuntsu dagoen gorputz batera transferitu beharko litzateke, azken horrek aurrekoaren sintoma beraiek erreproduzitzen dituen ikusiz. Soilik modu horretan esan liteke birus berri baten aurrean ginatekeela eta pandemia berriaren kausa zuzena berau dela. Eta hori, munduko inongo laborategietan ez du inork egin.

3. Birus berri baten aurrean geundela esaten hasi zitzaizkigunerako 2020ko otsaila zen eta Txinako Wuhan aldetik zetorkigun zalaparta. Zientzialariak, baieztapenak erakusten zituen ahulgune zientifiko ezberdinak arrazoibide, kritiko azaldu baziren ere, martxoan koronabirus berri baten aurrean ginela zioen argitaratze berri batek aurrekoak esandakoa berresteaz gain, birus berri bat gaixotasunaren kausa zuzena dela baieztatzeko jarraitu beharreko Koch postulatuak ez zirela jarraitu esatera ere zetorkigun, eta hortaz, birus berria ez zela behar bezala isolatua, purifikatua ezta sekuentziatua ere izan. Egiazki, hala egin izan balute, ez parte bat bakarrik, birusaren genoma osoa ere litzateke argitara emandakoa.   

4. Estatu Batuetako Gaixotasunen Kontrol eta Prebentziorako Erakundeak, alegia, CDCak, bere jatorrizko Centres for Diseases Control and Prevention adieratik, ‘CDC 2019-Koronabirus Berria (2019-nCoV) Denbora Errealeko RT-PCR Diagnostikoaren Panela’ izenburupean 2020ko uztailean argitaratutako dokumentuan, Covid19aren birusik ez dutela isolaturik onartzen du.

5. 2020ko ekainean argitara eman eta Estatu Batuetako CDC gehiengotako eta erakunde prestigiotsu ezberdinetako 30 zientifikok sinatutako dokumentuan Covid19aren oinarrizko bi baieztapen nagusienak ezeztatzen dira, hots, koronabirus berria deskubritu izana eta hori bera izatea Osasun Mundu Erakundeak – OME – aurreko martxoaren 11n deklaratutako pandemiaren kausa zuzena. Azterketa, 1984. urtetik Anthony Fauci berak zuzentzen duen National Instituite Of Allergy and Infectious Diseases eta Texasko Unibertsitateak finantzatua zen. 

6. 2020ko maiatza eta ekaina bitartean egin eta azaroan Nature aldizkarian argitara eman den Wuhaneko Unibertsitate Zientifiko-Teknikoko 20 zientifikok sinatutako ikerketak zera dio: batetik, aztertutako 300 positibo asintomatiko eta sendatutako 34 mila pertsonetan ez dela Covid19aren arrastorik aurkitu, eta bestetik, PCR+ eman zutenen lagina kultibaturik, horren bideragarritasuna eta infektatzeko gaitasuna frogatutzat ezin eman daitekeela. Aipatu ikerketan 50 mila profesionalek parte hartu zuten, 10 milioi txinatarren laginaren gainean egina izan zen eta binakako berrikuspenaren teknika erabili zuen azterketan.  

7. Hainbat herrialdetako zientzialariak elkartu eta beraien gobernu eta instituzioengana jo dute galdezka, Sars-Cov-2 birus berriaren izatea frogatuko luketen azterketa-lan eta -emaitzen aurkezpenak eskatuz. Galdetuak izan diren erakunde guztietatik soilik Estatu Batuak, Canada, Australia, Erresuma Batua, Gales eta Eskoziako organizazio ezberdinek erantzun dute. Erantzun duten herrialdeetako erakundeetatik inork ez du birus berri isolatuaren deskribapena jasotzen duen dokumenturik beraien erregistroetan aurkitu, Covid19 gaixotasuna eragin lezaken zuzenean gaixo batetik jaso eta kutsatu gabeko isolaturiko laginen inongo erregistrorik ez dutela aurkitu diote. Espainian galdetu bai baina erantzunik ez da orain artean jaso.

8. Deigarria da Erresuma Batuko Gabinetearen Bulego Ofizialak emandako erantzuna, izan ere, gainerakoek esandakoaz gain, mikroskopio elektronikoaz ateratako Sarcs-Cov-2 purifikatuaren argazkirik ez dutela, bikoteka berrikusitako Sars-Cov-2 purifikatuaren inguruko artikulurik ez dutela eta birusak Covid19 gaixotasunaren iturri dela frogatzen duenik ez dutela baitiote.

9. Irlandan, bertako zientzialari taldeak eginiko eskakizunei erantzuten, isolatutako eta beste edozein material genetikoaz kutsatu gabeko birusen erregistrorik ez dela existitzen esaten dute hango HSE Agentziak eta National Public Health Emergency Team erakundeak.

10. Gogoratuko dugunez, Remdesivir medikamentu antibirala da, OMEak pandemiaren hasieran Covid19 gaixoei aplikatzeko gomendatzen zuen eta ospitale guztietan erabilitako tratamendua izan zen. Horrek 2.340 dolar balio zituen Gobernu edo administrazio publikoetarako, 3.120 dolar ospitale pribatuentzat. Bada urte honetako urriaren 15ean OMEk berak, gaixoen osasun baldintzetan hobekuntza nabaririk eragiten ez zuela argudiatuz, medikamentua merkatutik at uztearen erabakia hartu zuen. Ez ote da birusik ez dela?

Eta zer, horri guztiari, aurreko urteetan hain ohikoak genituen ospitaletako kolapsoak eta urgentzien ase-betetzeak eragiten zituen gripea, bat-batean, kolpe batez akabatutako euli gaixoaz ariko bagina bezala, desagertu dela esan digutela gehituko bagenio?

Baina…eta, orduan, hildakoak, zer? Espainiako Osasun Ministerioaren webguneak, urte honetako abenduaren 17an eguneratutako balioetan, honako datuak erakusten ditu: 2017. urtean 422.142 hildakoak guztira; 2018.ean, 427.967; 2019an, 418.556; 2020ko abenduaren 17ko datuekin, oraindik eguneratzeko zain, 366.163 zendu.

Eta birusa ez badago, zertarako orduan musukoa? Zertarako konfinamenduak? Zertarako ospitaletako medikamentu antibiralen bidezko birusen kontrako protokoloak? Zertarako PCR testak? Zertarako txertoa?

Fede ekintza bat egitea bada kontua, aurrera bada! Erlijio askatasuna ere bada horretarako eta. Baina, hau guztia, zientziaren ikuspegitik begiratuta, sostenga ezin den gaia da. 

Covid19a eta horren kontrako txertoa dira oraingo erlijio berria, mantra berria, sinetsi behar dugun dogma, fedea zor diegun irudi zaharrak. Egin-eginean ere arrazoia erabiliz gero, biraogile soiletan bilakatu eta sutara kondenatuak gara. Dagokigun honelako gai zientifiko batean fedea eta sinesmenak badira jarraitu behar ditugunak, inguruan zer jazotzen ari den ikusteko gai ez bagara, gure gaitasun mentala ezbaian jartzeko unea iritsi denaren uste apala dut. 

Psikopata hutsen eskuetan gaude. Zelatan ditugunak dira, egunetik egunera gu beldurrarazten ari zaizkigunak, gezurra ahoz aho darabiltenak, gure kasa pentsatzeko gaitasuna ere kentzen digutenak. 

Poliomielitisa birus batek sortua zela defendatzen zuten horietaz ari gara, DDT bezala ezagutua eta kultiboetan hain erabilia izan zen plagizida polioaren kausa nagusitzat jotzen zituzten frogak ezkutatu zituzten psikopata berberetaz. 

Koltza olioaren kutsaduraz etorri zitzaigun sindrome toxikoa birus batek sortua izan zitekeela esan ziguten horietaz ari gara, Bayer farmazia-etxeko herbizida batek zuen toxiko baten ondorioz eratorritako kutsadura izan zitekeela kausa nagusiena frogatu zela ezkutatu zuten psikopata berberetaz. 

A gripearen iruzurra hedatu zutenetaz ari gara, psikosia zabaldu, txertoak banatu eta, nahiz eta azken hauen arriskuez jabetuta guztia saiakera hutsean geratu, saldutakoa ederki poltsikoratu zuten psikopata berberetaz. 

Farmazeutika handiaz eta bere inguruaz ari gara. Inpunitate osoz ari den industria farmazeutiko iluna. Sorrarazten dituen kalteengatik erantzuten ez duen subjetua. Gure osasunarekin, ekonomiarekin eta giza harremanekin jolasean dabilen hori. Gure eskubide oinarrizkoenak ere batetik-bestera darabilzkite, Covid19 delakoaren aurrean ezartzen ari diren osasun itxurarik ez duten osasun neurri modura datozen talkei eutsi ezinean.

Burbuila batean sarrarazi gaituzte eta soilik bi aterabide irudika ditzakegu: hilkutxan kanpora garamatzatela ala amesgaizto politiko honetatik gure kabuz esnatu eta duintasunez ateratzea.