Gipuzkoan eolikoen zurrunbiloak badarama denboralditxo bat jada. Hainbat herri munstro hauen instalazioaren aurka azaldu da. Adibide bat jarriko dut, bizi naizen herriarena: Urretxuko Udalean ordezkaritza duten alderdi politiko guztiak Irimo mendiaren magalean Green Kapital Power enpresak eolikoak jartzearen kontra azaldu ziren pasa den udaberrian (https://goierri.hitza.eus/2022/06/01/urretxuko-udala-irimo-eta-oletako-parke-eolikoen-aurka-azaldu-da/). Udara osoan zehar gure eskualdean Irimo utzi pakean leloa zeramaten kartel itxuroso eta erreibindikatibo batzuk ikusi ahal izan ditugu. Eta, honeraino, dena ondo (agian honengatik da zeharo susmagarria adostasun hori).
Baina istorioak jarraitu egiten du, haize errotak jarri nahi baitituzte Oleta eta Samiño mendien inguruan ere; beraz, egitasmoak Azkoitia, Zumarraga, Urretxu, Ezkio-Itsaso eta Azpeitiari eragiten die (izan ere, energia haize errotetatik estazio elektrikora garraiatzeko dorre elektrikoak eta kableak behar dira, eta horiek Irimotik pasako lirateke). Udazkenean sartu berritan, eolikoen aferak beste itxura bat hartzen du Urola ibaiaren bokalera gerturatzen garen neurrian (https://www.elsaltodiario.com/energias-renovables/debate-transicion-ecologica-irrumpe-en-euskadi-catalunya).
Nahikoa da “trantsizio ekologikoa” bezalako terminoak erabiltzea euskal sektore politiko oso bat onartezina dena onartzeko prest egoteko
Lehen dena primarioa eta zehaztu gabea baldin bazen, orain gidoia forma hartuz doa, eta pertsonaia gehiago gehitu zaizkio istorioari: Statkraft enpresa publiko norvegiarra, Fagor taldea eta Urola kostako EH Bilduk gidatutako hainbat udal. Dirudienez, gauzak aldatzen hasi dira: hasieran oposizioa zena, orain enpresa hauekin “eztabaidatzeko prest egotea” bihurtu da… Green Kapital Power edo Statkraft, EH Bildu Urretxu edo EH Bildu Azpeitia (EAJ-PSE tandema azkenean zerk/nork babestuko duen aipatu beharrik ere ez dago)… igual dit.
Kontua da, hemen, terminologia pixka bat bat aldatzea nahikoa dela euskal sektore batentzako onartezina litzatekeena onartzeko; nahikoa dela “aukera” hitza sartzea, edo hain boladan dauden “trantsizio ekologikoa” bezalako terminoak erabiltzea, edo “Euskal Herri energetikoki burujabea” bezalako kontzeptu ponposoak erabiltzea, euskal sektore politiko oso bat prest egoteko gure mendiak errota modernoz betetzeko… Eta zer esanik ez gure herriko kooperatibismo kapitalista hau! Orain eolikoak onak dira, beharrezkoak, ez dute ingurumen-inpakturik sortzen… Hori ez dute esango, noski!
Erretolika ezagutzen dut dagoeneko: batzuek erronka gisa aurkeztuko dituzte, besteek beharrezkotzat joko dituzte
Baina ez diet entzun ere egin behar, erretolika ezagutzen baitut dagoeneko: lehenengoek aukera ekonomiko gisa ikustea planteatuko dute (eta erronka bezala, nola ez!); bigarrenek, aldiz, jada negarrez energiaren garestitzea dela-eta, beharrezkotzat joko dituzte munstro hauek enpresen lehiakortasuna mantendu ahal izateko.
Honela, batzuen eta besteen artean, erraldoi kapitalistei (igual-igual dit hauek estatubatuarrak, txinatarrak edo norvegiarrak izatea) alfonbra gorria jartzen diete, epe ertainean gure Ama Lurra altzairuz estaltzen duten bitartean. Eta galdera interesgarria da: hau guztia zeinen mesedetan…?
“Deriva” totala alor guztietan. Globalismo kapitalistan integratu izanaren beste seinale bat, pandemian bezala, digitalizazio akritikoan bezala. Politikoki, umezurtz gaude.
Politikari hauei gogorarazi behar diegu EZETZ ! eta EZETZ ! Esaten ari garela hirugarren hamarkadaz zentral eolikoen proeiktu nazkante hauei.
1990eko hamarkada amaieran Bilbon Bizkaiako Mendi Federazioak Euskal Herrirako hainbat zentral eolikoren proiektuak salatzeko agerpena egin zuenetik, maketa argiztatu batekin. Euskal Herri osoari bira eman zion maketa, alarmak piztuaz herriz herri eta aurkako mugimenduak sortuaz. Aurka ziren: Mendizale taldeak, federazioak barne, natur taldeak, ekologistak, ehiztariak, hegaztien zaintzarako taldeak (SEO Bird life), auzo elkarteak eta abar eta abar.
Salaketarako mendi irteerak egin dira (Zumarragako alkatea ikusi genuen Izazpira igotzen bertako zentralaren aurkako ekimenean, Mandoegin, Elgean …), akanpada informatiboak egin genituen (Zelatunen, Atxolinen, Oletan, Elgean …), elkarretaratzeak Durangon, Pol-pol en …, hitzaldiak Orduñan, Azkoitian, Azpeitian, Arrasaten, Zarautzen … Baina jarraitu beharrean gara, berdin bai zaigu morrontzan Bildu edo Fagor erabili. Guk eredu honetako zentral eolikorik ez dugu nahi, ez aste klimaz girotua eta ez asto klimaz girotua etorrita ere, ez dugu nahi horrelako astakeria txikitzailerik.
https://www.berria.eus/paperekoa/1902/007/001/2022-09-28/statkraft-iberdrola-eta-eolikoen-premia.htm
Barriro.
Ezkerreko LEINU maitagarria,
EOLIKOAK. Lehen ezetz, orain baietz EOLIKOEI.
Ez al konturatzen beraiek direla: ELITEA betikoa bera, Petronor, Iberdrola eta Drola guztiak, negarrez oraingoan, Kapitalismo Berdearen izenean, baina betiko asmoarekin?
Lurrak eta Mendian jatera eta bereganatzea datorkigun OLIGARKIA, aurrean topatzen duen TXIKI ETA ERTAIN guztia irenstera datorrena, bere jabetza mundiala ezartzeko sekulorum sekulotan?
Horri RESETEOA deritzote, 2030.Agendaren lehengo fasea.
STOP FAXISMOARI.
Egoera onartezina eta are dramatikoa izaten hasi da. Lur-eremu handiak, hektarea asko, asko, errotek eta instalazio fotovoltaikoek hartzen dituzte, herriak eta herrixkak itoz. Are larriagoa da Europar Batasunak 2028rako dagoen ekoizpen-ahalmena bikoiztu nahi duela jakitea.
Okupatutako lurren zati handia herri-lurra da, eta, legez kanpo, udalek saltzen edo alokatzen dizkiete energia-enpresa handiei. Herriek mendiak, artzaintza-lurrak eta nekazaritza-guneak galtzen dituzte, baita ezkur eta beste hazi batzuekin landatzeko lekuak ere.
Ingurumenean kalte handiak eragiten dituzte, gurutze eta plaken toxikotasuna dela eta. Gainera, ur kantitate izugarria behar dute garbitzeko, eta ur horrek konposizioan dituzten produktu toxikoak arrastatzen dituelarik, lurra suntsituz, ura gero eta urriago dagoen une batean. Aerosorgailuen gainean dauden hormigoizko putzu handiak eta behar dituzten bide eta errepideak oso suntsitzaileak dira ingurumenerako. Urtero milloika hegazti hiltzen dira palen kontra jotzean, asko galtzeko arriskuan dauden espezieetakoak. Errota horiek masiboki kokatzen diren eremuetan, bizitza bizigaitz bihurtzen da zaratengatik, argiengatik, mantentze-ekipoen zalapartagatik, etab. Azkenik, paisaiaren eta estetikaren kalteaz zer esan, mendiak industria-faktoria berri, itsusi, zikin eta kutsatzaile bihurtzen baititu.
“Antikapitalista” izatetik urrun, Europar Batasunak sustatu eta finantzatzen ditu, eta energia-enpresa handiak gogotsu daude haiekin. Herrialde osoan hain hedadura handiak hartzen dituztenez, izugarri murrizten dute quercus edo beste espezie autoktono batzuekin landatzeko moduko azalera.
Arazo energetikoaren konponbidea ez da eremua suntsitzea, ezta toxikoz betetzea ere, baizik eta energia-kontsumoa errotik murriztea.
(Félix Rodrigo Mora)
EB parasitario eta kriminala, EEBBen potrosorria.
Bien artean mundu.gerrari egurra ezartzen, denak SU hartu dezan.