Bilboren zama sinbolikoa jasangaitza bilakatzen ari zait. Dirudienez han pilatuta bizi den jendetzak baldintzatu behar du gizartea zulotik ateratzeko edozein asmo. Bueno, hobeto esanda hango jendetza gobernatzen duen jendilajeak baldintzatu behar du, baina beti ere guztien izenean.
Azkenaldian beste jendarte eredu baterantz abiatzeaz ari naizenean beti Bilborekin egiten dut topo:
Elikagai industria eramangaitza eta pozoitsuari alternatibak bilatu behar zaizkiola? Beti dago jakintsuren bat parean galdetzen – Baina beste ekoizpen modu haiek balio al dute Bilbotarrentzat?
Energiaren erabilera murriztea eta ekoizpen eredu deszentralizatu eta burujabeagoak aldarrikatzen dituzula eta praktikan ezarri nahi? —Eta Bilborentzat balio al du?
Hiri handien bizimodua jasangaitza dela eta ezinezkoa modu demokratiko eta parekide batean kudeatzea? —Zer nahi duzu, Bilbotar guztiak landaguneetara eramatea?
Bizimodu osasuntsuago, orekatuago eta baketsuagoa, hezkuntza integralagoa, herri euskaldunagoa, naturarekiko desjabetza prozesua abiatzea…. dena da ezinezkoa Bilbo dagoelako hor, ase ezin eta konponezin, datorkigunari erantzunik emateko ezgai, menpekotasun anitzen sarean bahituta, amesteko gaitasuna ere galduta, burujabetza aukerarik txikiena ere bahituta.
Eta eskubitik ameskeriaz akusatuko gaituzte, aurrerakeriari galga ezartzeaz, eta ezkerretik elitismoz, gure alternatiba posibleek asko jota pribilejiatu batzuentzat balio dezaketelako, ez herri langilearentzat, pro-letargoarentzat.
Bilbo kontuan ez hartzea aurpegiratzen zaigunean pentsa dezakegu gizarte eredu hau eraginkorra dela gure ametsekin alderatuz, emankorra dela eta albo-kalteak eragin arren badakiela ondo kudeatzen eskura dituen baliabideak.
Aztertu dezagun gainetik Bilbo ereduaren eraginkortasuna:
Bilbok ezin du denborarik galdu ezer ekoizten, indar guztiak behar dituelako modu posible guztietan Mundua zurrupatzen. Errepideak behar ditu kontsumitu behar duen guztia irensteko, errepideak behar ditu ekoizten duen zabor guztiaz oka egiteko. Errepideei gehitu hodiak, kableak, haize-errotak, antenak, nasak…
Lur garbi eta emankorrak behar ditu munduko edozein txokotan, merke erabili eta agortzeko lurrak, horretarako behar diren lapurreta eta krimen guztiak barne. Ur garbia behar du nondik eta nola axola gabe. Era guztietako mineralak, haurrek jositako arropak, geroz eta petrolio gehiago, gasa… labur esanda, DENA.
Bilbo bera ez da aski Bilborentzat, inguruko herriak ere ez zaizkio aski han pilatu behar duelako behar duen morroi/neskame jendetza eta haiek bixitzeko behar duten azpiegitura osoa. Bilbok bere lau kale dizdiratsuei eusteko ez du aski Euskalherri osoarekin ere. Munduko edozein leku izan behar du menpean etengabe, behar duen guztia zurrupatzeko, janaria dela, mineralak, jendea edo oxigenoa. Jakintsuek dioskue lurtarrok hiruzpalau planeta beharko genituzkeela bizimodu honi eusteko, baina zenbat Bilbo behar ditu Bilbok? Bost mila?
Eta bost mila Bilbok zenbat Bilbo behar dituzte?
Bilbok ipurdia garbituko dion jende pila behar du, hemengo esklabuak garestitxo zazkio eta hobeto datozkio kanpotarrak, eskubiderik gabeko jende deserrotua, azpijende hori behe mailako zabor txuriarekin nahaspilatu eta nahiko lan izango dute elkar ulertzen goikoen aurka jo baino lehen. Bide batez bertako hizkuntza molestoa zokoratzen joango gara hizkuntza unibertsalen loriarako.
Ipurdi garbitzaileak baino garestitxoagoak zaizkio aurpegi garbitzaileak.
Pentsulari aurpegi garbitzaileek kongresu internazionalak egingo ditzute jakintsuz jantzita, topaketak, ikerketak eta multikultur ekitaldiak edo zinemaldi trangresoreak.
Gobernuz Kanpoko Erakundeetako funtzionariek bideratuko dute jendartearen bihotz ona eta Unibertsitateetan ekoiztutako hiruzpalu lelo xinplerekin gidatuko dute, hedabideetatik, ”iritzi publikoa”, suntsipen makina denak emanda dabilen artean, gure pribilegioak aurpegiratuz etengabe.
Eta pribilegio akusazio hauek entzun edo irakurriko ditu, bere lanpostu prekariora nazkarilla jantzita metroan pilaturik dihoan langileak edo Malmasinen harrapatuta dagoen kotxe gidariak eta eskerrak emango dizkio bere jauntxoari, gose eta egarri ez bizitzeagatik, koltxoi bat gela ziztrin batean edukitzeagatik, munduko aberatsen parte izategatik.
Hau da Bilbo neurria, gure iraultza, erreforma eta onbideratze asmoak mugarritzen dituen esparrua. Bilborentzako moduko soluzioak eskatzen dizkigunak ez duelako onartu nahi arazoa Bilbo dela.
Ño! Zapla erdi-erdian.
Hi, TOLOSAR AIAko basozale,
Suposatzen diat “BILBOKRAZYAN” ez gaituala sartuko Bilbotar oinezkook, ezta?
Harritu egin nau analisi honek, baina asko gustatu zait, oso egokia dela uste dut. Nik esango nuke Bilbo elitista honetan “Bilboko” galtzadarrien azpiraino poliziak daudela, batez ere atzerriko esklabo pobreak dauden lekuetan. San Frantzisko auzoan badira kolektibo hori integratzeko irtenbide hobeak, gizatiarragoak, eraginkorragoak. Euskara benetan egokitu eta ikas dezaten, ez erakundeen pantomima gisa. Baina ez zaie interesatzen, hobe da auzo gatazkatsuari eustea; horrela, gainerako auzoak pribilegiatuta sentitzen dira eta ez dute beren gainbehera ikusten. Polizia gehiago justifikatzeko ere balio du, herritar formalaren segurtasunagatik dela esanez “, eta dena eta guztiak erabat kontrolatzeko da. Eta San Mames errematatzeko, guztion diruarekin, nahiz eta futbola ez gustatu, baina erosteko ahalmen dezentea duten bazkideen gozamenerako, eta hori futbolari profesionalek irabazten duten diruari gehituta, baita Athleticekoek ere, pertsona gehienen soldaten batez bestekoarekin alderatuta. Bai, Bilbo hiri jasanezin baten lokarria duen bilgarri bat da.
Bilbo hain Jasanezina bada, zein hiri EZ DA Jasanezina zuontzat?
Dana dala, puskatu egiten duzue BOTXEROEN esaera:
“Bilbo ez balitz, asmatu egin beharko litzateke!”
Aupa Josu, noski ez diadala ezer Bilbotarren aurka, zentzu metaforikoan ari nauk HIRIARI buruz, hemen hiria BILBO da, ala ez? , baina norbait zirikatzeko itxaropena nian. Eskerrika asko.
Harritu nauena nire Tolosar erroak ezagutzea izan da.
Josu, Bilbao maite dugula, txo! jeje. Baina alde batetik pijodromo bat bihurtzen hari zaizkigu.
Asier, txapela dakent.
Norbaitek esan behar zuen!
Aspaldi da Bilbon jendilaje in.nobleak agintzen duela, baina ez bakarrik Bilbon, baizik eta Donostia ederretan eta Tolosan ere, hi AIAtar basozale Asier.
Lar den beste aspaldi agintzen PNV eta PSE bikote korruptoan, beren TXANTXUILU eta TXANTXUILAKIN (txantxulo handi eta txikiak, hurrenez hurren)
Bankuen eta euren mesederako gobernatzen duten, publikoa oro pribatu bihurtuz…, PLANdemia eta PERIMETRALAK euren arabera antolatuz, GURE aiton.amonei Adineko Egoitzetan hiltzen utziz .(aurrekontu murrizketak medio) eta.
Baina haiek omen dira “kudeatzaile onenak”
Eta jende gehienak hauei emongo die hurrengo botoa ere.
Nori eta Urkullu berari “al Señor de los Anzuelos”, Alderdi eta Diputazio berari (zaharrak hiltzen utzi zituenari berari)
Eta hemen nire galderak:
GEUK HAUTATZEN AL DITUGU BENETAN?
ALA AURRETIAZ IDATZITA AL DAGO DIRU ETA BOTERE GEHIEN IRABAZTEN DUELA BETIEREKO BETIEREAN? (Ezen Dirua daukanak jiske guztia erosi ahal du (hedabide “salduenak”, mertzenario jendaila oro…)
Baina honek gainez egiten dio Bilboko Botxoari. Erne.
Beraz, PNV/PSEk aginteak BILBOren auzia handitu egiten dau. Eta jendeak barriro hautatuko dauz, máxime Urkulluren look harriarekin (bizartxo erakargarria)
Dan.dana ote da palo.puntan esekitako kakatxoa?
Baina ez hemen bakarrik, gainera: entzun barri dugu EE.BBek Nord.Streem eztandarazi duela. Europaren kontrako atentatu koldarra, besteak beste.
Eta Ipar Itsasoko eremu osoa kutsatuko duen atentatua…
Baina Europak OTAN hautatuko dau barriro ere.
Eta hemen nire galderak:
Zergatik?
Zergatik ez dute altxatuko ahotsa eta deiadarra zeruraino EKOLOGISTA alemaniar, daniar, suediar, norvegian, finlandiarrek Itsasoa kutsatu dietelako petrolioz?
Atentatu larri hori egin dutenak ONAK izan direlakotz?
Mendebalde gureak, haiek emanen die botoa barriro, hemengoek Urkullu eta Cíari bezala.
Palo.puntan beste kakatxoa bat.
Oraingoan ez du merezi galderarik ere.
“ONAK”: OTANeko BAKEROAK,
ezen ez ERRUSSIYAKO KOMANTZEAK!!!
KOMANTXEZALEA nauzue mundu nahasi honetan.i
Lehenik, komantxeak ez direlako izan Nord.Streem bonbaz leherrarazi dutenak (ez baitira kapaz halako moduz Europa eta ingurugiroa hondatzeko.
Horretarako gai den bakarra EEBBak dira, edozein krimen egiteko prest daudenak, baldin bere lurraldeetatik at bada.