Gure energia iturriak guk eta guretzat erabiltzea da burujabetza energetikoa. Nik nireak, guk komunitatean gureak, herriak bereak. Horrela herritarrak besteri argindar fakturarik ordaindu behar izan ez diezaion.
Sañun, Azpeitia, Zestoa eta Errezilgo muga inguruan STATKRAFT-ek ezarri nahi duen zentral eolikoa ez da herriaren proiektua, ez da gure argindar faktura merkatzeko edo ezabatzeko guk eta guretzat sortu dugun egitasmo bat, juxtu alderantzizkoa baizik.
Gure herriaren lur eremukoak diren energia iturriak lapurtzera datorren proiektu bat da, ondoren merkatuan argindarra guri beraiek nahi duten prezioan saldu ahal izateko. Herritarroi energiarekiko menpekotasuna edo dependentzia handiagotuko digun egitasmo bat, gure energia iturri baten jabe egingo baitira.
Independentzia hitza lau haizetara zabalduz dabilen alderdi baten laguntzaz burutu nahi da; baina gure dependentzian sakonduz. Jokaldiaren diseinua, borobila
Independentzia hitza lau haizetara zabalduz dabilen alderdi baten laguntzaz burutu nahi da; baina gure dependentzian sakonduz. Jokaldiaren diseinua borobila da, ingeniaritza soziala (faxismoa).
Multinazional jakin batzuen irabaziak biderkatzeko asmoz, herri soil batek dituen energia iturriak lapurtzeko ekimen bat da. Une oro herritarren interesek agindu behar luketen demokrazia batean lekurik ez duena.
Oñatiko udalak bere lur eremuko ur-jauziez baliatuz energia burujabetzan emandako urratsak, aldiz, bai izan zirela esanguratsuak zentzu horretan. Beraiek beraientzat modu deszentralizatu batean ustiatzen baitituzte ur-jauzien bidezko energia iturriak, landa eremurik desegin gabe. Herritarrek Iberduerori (edo Goienerri) fakturarik ordaindu gabe argindarra izan dezaten euren etxeetan. Burujabetza energetikoan horiek dira urratsak. Hau, ordea, alderantzizko norantza da.
Mendi-gainak txikitu, industrializatu, hegaztiak uxatu eta akabatu, ehiza galarazi, kristoren zarata eragin, paisaia hondatu, megalitoak txikitu eta bestelako kalte ugari egiteaz gain, guk eta guretzat erabili dezakegun energia iturri bat lapurtzera dator proiektu hau.
Ekimen hau bat dator Europan gertatzen ari denarekin. Europarren dependentzia energetikoa areagotzen dihardute bertako politikariek, multinazional jakin batzuen mesedetan. Hor kokatzen dira Sánchezek Argeliarekiko erakutsi duen jarrera, Estatu Batuek North Stream gas hodien aurka burutu duten leherketa, Errusiarekiko harremanen mozketa behartua (kontinente bereko energia iturri merkea galaraziz) eta abar luze bat.
Ez lehen, ez orain, hirugarren hamarkadaz jada: Zentral Eolikorik ez!
Aitor Unanue Albizuri
Makroproiektu energetikoen barruan, gobernu novergiarra eta Iberdrolaren arteko loturak ikusteko zenbait datu:
- Norges Bank Iberdrolako hirugarren akziodun nagusia da, kapitalaren % 3 gaindituta.
- Norges Bankek % 3ra igo du Repsolen duen partaidetza.
- Iberdrola, TotalEnergies eta Norsk Havvind enpresek Norvegiako itsas garapen eolikoengatik lehiatzeko partzuergoa sortu dute.
- Repsolek Norvegian abiatu du bere proiektu nagusia: YME.
- Vocentoren familiek lekua egin diote munduko funts subirano handienari: Norges Bank, Norvegiako funtsa.
Lapur handiak beren mega-proiektuekin Iritsi dira SAÑU aldera.
SAÑU
*AUS-SARA-ANU
“gailur goitiko gune”
eta AZPEITIA hartuko dute gune, beren gezurrezko azalpenak emateko.
AZPEITIA
*AZU-AN-BEITIA
“bailarako (AZU-AN) behe aldea (BEITIA)”
Kaka-desioa ene partez orori.
Oso artikulu ona, txapela kentzekoa!
Bete betean jo duzu Josu oraingoan ere.
Sañu, Arroita edo Arauntza gailurraren goitik kokatzen den gunea da.
Mila esker,
Abertzale deiturakoek herria eta lurra dute salgai, eta aberriaren izenean gainera. Perbertsioaren summum honetan, orain subiranotasunaren eta ingurumenaren izenean traizionatzen dute kortesano zahar eta berriek gure burujabetza, Sistemaren epelean bizi batira eroso, betiko tiranoek eta lapurrek jarrai dezaten gure lurraren eta biztanleen odola eta izerdia zurrupatzen.
Jendea “entzungo” omen dute, demokratak dira-eta betidanik, baina zu ez, ez bazaude haiekin ados, zeren haiek badakite eta zuk ez, eta lasai egon gaitezke azken urteotan egin duten bezala bada: ardi figurantearena egiten ez baduzu eta komeni ez zaiena esaten baduzu, ultra arriskutsu sailatuko zaituzte, negozioa izorratzen badiezu public enemy bat izango zara, edo eroa, edo sorgina, edo arrazista, edo mediebala, edozerk balio du zu kantzelatzeko. Iupi, energetikoki Nafarroa aspalditik den bezain burujabe-guay izango gara laster, ikusi duzue nafarren argindarraren fakturan burujabetza horrek eduki duen eragin miresgarria.
Mila esker Aitor artikulu honengatik. Nik ez dut ikusten gizartearen errepresentazioa omen daukaten parasito gezurti soziopata hauek guztiak kanporatzea beste merezimendurik. Desio dut Lurrak irents ditzala egin dadin justizia.
Hemen arazo zail samarra dakusat:
Herriko populua bera dagoela itsu, eta ez soilki agintariak.
Beraz, populuak ez ditu identifikatzen lapurrak, eta guk, artzain sentitzen garenok egiten badiogu dei artaldeari, ardiek ihes eginen diotela artzainari, antzinako elezahar batek dioenez
“Artzainak dei egin eta ardiak ihes”