Statkraft, Norvegiako energia enpresa nagusia, %100ean bertako gobernuarena da.
Suedian gauza bera gertatzen da, bertako energia enpresa nagusia %100ean da gobernuarena. Danimarkan, aldiz, %50.1; Austrian %51. Euskal Herrian, Espainian bezala, %0 da gobernuen parte hartzea bertako energia enpresa nagusietan.
Oñatiko etxebizitza guztiak argindarrez hornitzeko gaitasuna duen Oñatiko Ur Jauziak enpresa norena da? Udalarena %81ean.
Zer lortzen du gobernu batek bere lurraldeko energia enpresen jabe izatearekin? Besteak beste, energia iturrien salmenta prezioak (gasaren edo argindarraren faktura) kontrolatzea, gizartearen beharretara egokitzea eta irabaziak bereganatzea. Energia guztion ondasuna baita.
Norena da Iberdrola? Norges Bank, Norvegiako banku zentrala, Iberdrolan hirugarren akziodun nagusia da.
Zenbatekoak izan ziren Iberdrolaren diru-irabazi garbiak 2021ean? 3.885 miloi eurotakoak. Nora doaz bere inbertsio nagusiak? Estatu Batuetara.
Alemaniako eta Frantziako gobernuek, energia iturrien prezioei eutsi ahal izateko, berriki bere egin dituzte EDF eta Uniper energia enpresak.
Bere herritarrentzat nahi ez duen energia-eredu hau zergatik ezarri nahi dio Norvegiako gobernuak Euskal Herriari? Hori da Independentzia? Burujabetza energetikoa?
Zer kode etiko du norvegiar enpresa eta gobernu honek, Norvegian onartzen ez duen energia-merkantilismo hau gure herrian ezarri nahi izateko? Norvegiarren kolonia bat izan nahi dugu?
Iparreko errubixoekiko konplexuak jota dago barruan txertatuta daramagun españoltxoa. Haiek bai onak, garbixak,zintzoak eta lixtoak.