Ingurumen ekimena

U30 Aldaketaldia

Larreko Mahaiak sustatutako ekimena da hau eta honakoa du helburu: urtarrilaren 30aren bueltan, ahal den herri, auzo, ikastetxe eta lan-zentro guztietan klima-, bioaniztasun- eta, oro har, ingurumen-larrialdia salatzeko ekintzak antolatzea, betiere ikuspegi lokaletik.

20

Aitziber Sarobe

Biologoa, irakaslea eta ekologista (natur kontserbazionista). Zarautz

Larreko Mahaia 2019ko udazkenean sortu zen. Larrialdi ekologikoarekin kezkatuta gauden Gipuzkoako hainbat eragile sozial eta sindikalen elkargunea da, urtarrilaren 30an Donostian egingo den manifestaziora (eta bestelako ekintzetara) Bizkaiko hainbat eragile batu direlarik. Gaur egun, honako hauek osatzen dute Larreko Mahaia: ELA, LAB, CCOO, ESK, STEILAS, EHNE, Ikasle Sindikatua, Greenpeace, Eguzki, Errausketaren Aurkako Mugimendua, GuraSOS, Ernai, Fridays For Future eta Extinction Rebelion. Honako talde hauek ere bat egin dute U30 Aldaketaldia ekimenarekin: Haritzalde, Satorralaia, Uliako Lore Baratzak, Aire Garbia, Ipar Haizea, Landarlan, Ekologistak Martxan, AHTrik EZ, Grupo Oarso Taldea, Urola Bizirik, Mutriku Natur Taldea, Antikapitalistak, BizilagunEKIN, Ondarroa 12 Mila, Naturkon, Arkamurka eta beste batzuk.

U30 Aldaketaldia / Larreko Mahaia
U30 Aldaketaldia / Larreko Mahaia

U30 Aldaketaldia Larreko Mahaiak sustatutako ekimena da eta honako hau du helburu: urtarrilaren 30aren bueltan, ahal den herri, auzo, ikastetxe eta lan-zentro guztietan klima-, bioaniztasun- eta, oro har, ingurumen-larrialdia salatzeko ekintzak antolatzea, tokian-tokiko begiradatik eta irakurketatik.

Agintari politikoek, orain pandemiaren aitzakian, eredu ekonomiko eta sozial jasanezinean sakondu eta larrialdi-egoera areagotzen jarraitzen duten honetan, beharrezkoa da norabide aldaketa sakona exijitu eta trantsizio ekologiko eta sozialki justu baten alde urratsak emango dituen jendartea aktibatu eta saretzea. Argi dago bizitzaren aldeko norabide-aldaketa hori ez dela gauzatuko horren alde egiten duen euskal gizarte aktibo eta sareturik gabe.

Hori dela eta, urtarrilaren 30ean, edota aurreko zein ondorengo egunetan, larrialdi ekologikoari lotutako salaketa- eta aldarrikapen-ekintzak egitea proposatu da: hitzaldiak, elkarretaratzeak, bizikleta-martxak, kostaldean edo ibaietan plastiko-bilketak, zuhaitzak landatzea, proiektu erraldoiren batek mehatxatutako natur guneetan ibilaldiak….

Gainera, otsailaren 6an Zaldibarko zabortegia bertan behera erori zeneko urteurrena izango dela eta, U30 Aldaketaldia ekimenaren bidez gertaera hura salatu nahi da, Zaldibarkoak erakutsi baitu Euskal Herrian ingurumen-eraso eta ingurumen-arazoak ez direla ondo kudeatzen.

“Globalean pentsatu eta lokalean (tokian-tokian) ekin” leloa aspaldikoa du ekologismoak. Krisi ekologiko globala, planeta mailakoa, zientziak bere dimentsio osoan azaldu du. Baina, krisia gurean zertan den bistaratzea ezinbestekoa da, modu globalean gertatzen dena tokian-tokiko eraginen ondorioa baita; alegia, klima aldaketaren eta bioaniztasunaren galeraren eragileak gurean, planeta-mailan bezala, garraio-, hondakin-, bioaniztasun-, lurralde antolaketa- edo ibaien saneamendu-politikak dira.

Dagoeneko Gipuzkoako hogei herri baino gehiagotan ekintzak konprometituta daude ekimenaren barruan, tartean U30ean bertan Donostian egingo den manifestazio bateratua, 17:00etan Gladys Enetik atera eta Bulebarrean bukatuko duena.

Bukatzeko, esan oraindik ​ badela ​ekimenarekin ​bat ​egiteko ​aukera eta informazioa jaso edo bidali nahi izanez gero hauxe da Larreko ​ Mahaiarekin ​kontaktatzeko bidea: ​[email protected]

Hona hemen momentuz dauden konpromisoak:

  • Donostian U30ean, 17:00etan, ahal den manifestazio batu, animatu eta koloretsuena: Gladys Enea-Bilbo plaza-Getaria kalea- Bulebar. Denon artean.
  • Donostian Zuhaitz-landaketak: Txominen, otsailaren 7an. Haritzalde.
  • Donostian 29an Metroa salatzeko ekintza Kontxako hondartzan (12etan, Erlojuetan). Satorralaia.
  • Donostian Baratza komunitarioen egunean, osatu amarauna bat ingurumenaren aldeko erreibindikazioekin. Uliako Lore Baratzak.
  • Donostian U30ean 12etan, elkarretaratzea Udaletxe aurrean (Ijentean): Birziklatzea bai, errausketarik ez. Donostia Bizirik.
  • Lasarte-Orian U30ean, 12:30etan, Okendon elkarretaratzea: Zaldibar berririk ez, ez Zubietako erraustegian ez inon. Lasarte-Orian Aire Garbia.
  • Andoainen U30ean, saneamendu gabezien eta aire-kutsaduraren inguruko salaketak. Ipar Haizea, Eguzki.
  • Hernanin U30ean, 12etan, elkarretaratzea Plaza Berrin.
  • Altzon otsailaren 6an, zuhaitz-landaketa. Haritzalde.
  • Ordizian 26an, “5G-MORATORIA” hitzaldia (19:00tan, Kultur Etxeko bertso-gelan; Izena ematea beharrezkoa: 682463478). Landarlan.
  • Oreretan U30ean, ibilaldia Astigarraga-Lezo AHT bidean barrena (Irteera 10etan, Herriko Plazan. 13:00etan, Zumardian, elkarretaratzea. Eguzki, EM, GOT, AHTrik Ez.
  • Oiartzunen U30ean, 13:00etan, “Zaldibar gogoratuz” elkarretaratzea Done Eztebe plazan. Otsailaren 4an, “Zaldibar Zona Cero” liburuaren aurkezpena, 19:00etan, Udaletxeko batzar aretoan. Eguzki, EM, GOT, AHTrik Ez…
  • Zestoan, U30ean, Lagun eta familiei dei egiten zaie herriko naturgune bateko zaborra jaso eta argazki bat ateratzera. Gero, Danbolinen, argazki galeria aterako da. Urola Bizirik, Ekain guraso elkartea eta Agiro mendi kluba.
  • Azpeitian, Ibaiara joaten den zaborrari buruzko erakusketa, U25 eta U29 bitartean. U30ean, irteera Izarraitz parkera garbitzera. Hitzordua: 10etan herriko plazan. Urola Bizirik.
  • Azkoitian, U30ean, irteera eta garbiketa; hitzordua 10etan, Beilatokian. Otsailaren 1 eta 5 bitartean, Ibaiara joaten den zaborrari buruzko erakusketa. Urola Bizirik.
  • Urretxu-Zumarragan 23an, “Zalbiar Zona Cero” liburuaren aurkezpena; U30ean elkarretaratzea (konfirmatzeke). Hainbat talde.
  • Tolosan U30. 12etan, bizikleta-martxa.
  • Orion U30ean, protesta argazkia hondartza gaineko talaia: “Ez dugu onartzen erraustegirik!”. 11:30tan. Irriparra Berreskuratu, Erraustegiaren Aurkako Mugimendua.
  • Usurbilen, U27. Usurbilgo kutsadura-foku nagusien azalpena. U29. Lurgaia Fundazioaren aurkezpena. Biak ala biak Potxoenean, 18:30tan. Ingurumen Elkartea.
  • Bidasoaldean U31. Txirringa martxa eta Aldatsa baratza komunitarioan auzolana.
  • U28an hitzaldiak egingo dira, bai unibertsitatean, bai ikastetxeetan. Friday For Future, Ernai eta Ikama.
  • Proposamena: “Camino a la extincion” liburuaren inguruko hitzaldia online. Extinction Rebellion.
  • U26an, Ingurumen Hezkuntzaren Nazioarteko Egunean, eskoletan Aldaketaldiarekin bat egiteko deialdia egin du STEEILAS-ek.
  • Adierazpen bat lantokietan zabaldu eta deialdiekin bat egin. ELA.
  • Adierazpen bat lantokietan zabaldu eta deialdiekin bat egin. LAB.

Hauek dira orain arte jasotako konpromisoak, baina gehiago izango dira, noski. Izan ere, Oñati, Mutruku, Irun, Zarautz eta beste hainbat herritan ere lanean ari dira. Halaber, U30 Aldaketaldiak Gipuzkoatik kanpo izaten den harrerari dagokionez, ekintzak honako herri/eskualde hauetan behintzat egingo dituzte: Gasteiz, Bilbo, Arratia, Galdakao, Uribe-Kosta, Mungia, Morga, Ondarroa…

U30 Aldaketaldia / Larreko Mahaia

Argibide gehiago eskatu edo elkarrizketaren bat egin nahi baduzue, jo honako telefono hauetara: 669157866 (Lorea), 682463478 (Edurne) eta 656742051 (Juanmi).

Iruzkin atalean egunero jasaten den trolen bonbardeaketaren moderazioa neketsua da. Honetan erasotzaileren bat edo bi kolatu zaizkigu, izen faltsua erabilita, gune honek landu nahi duen pentsamoldea nahastuz. Erantzun dioten ohiko lagunei eskerrak. Haien lana errespetatuz, eta osatu duten elkarrizketa hankamotz ez uzteagatik, salbuespen moduan mezu iraingarri batzuk ere uztea erabaki dugu ondoren:

20 erantzun “U30 Aldaketaldia” bidalketan

  1. Bidenek egin duen lehenengo gauza ustez (eta esaten dut, ustez) boterera iritsi denean Parisko protokolora itzultzea da. Zergatik? Hau ere globalisten plan bat delako, bizi dugun pandemia prefabrikatua bezala.

    Aipatzen dituzun eragileetako askok, posizio zientifikoak baino, Sorosen plana jarraitzen dute. Aldaketa klimatikoaren ebidentziak eta birusaren ebidentziak, gaur egun, berdinak dira. Eta, kasualitatea, iturri berberek defendatzen dituzte.

  2. (Aipatzen dituzun eragileetako askok, posizio zientifikoak baino, Sorosen plana jarraitzen dute. Aldaketa klimatikoaren ebidentziak eta birusaren ebidentziak, gaur egun, berdinak dira. Eta, kasualitatea, iturri berberek defendatzen dituzte.)
    Ez dut ulertzen, Aitor, zure mezuarekin esan nahi duzuna baina gure kontsumo mailak, gure kultura agerian uzten duenak, dagokiguna baino bi t’erdi planeta geure egiten ditu eta hori erabat bidegabe eta injustoa izateaz aparte kutsadura itzela, pobrezia eta heriotza dakartza berarekin, hots, bizitzaren aurkako sufrimendu jasan ezina. Baina agian erratuta nago edo nabil

  3. Guztiz ados Aitor-ekin. Nire ustez “klima-aldaketaren” gaia suntsipen handiko beste arma isil bat da. Elite globalistek eta egun asmatu duten birusaren fartsa uztartuko dituena.

  4. Kapitalismo gaiztoak eragindako Klima-(krisia)aldaketaz edo horretarako baliabide guziak dituen eta aspalditik horretan diharduen Elite eugenesiko baten kontzientea aurkako erasoaz ari gara?
    Gure hatzak berak ez digu ilargia ikusten uzten.
    Nori zuzendu behar zaio gure erantzun zuzena eta aktiboa?

  5. Beraz, zuen ustez, Aitor eta Odlok, ez gaude planetaren berotze prozesuan sartuta, ez gaude larrialdi klimatiko batean, dena konspirazio hutsa da, planetaren poloetan ez da izotz urtze masiborik izan etc… hori da?

  6. Nire iritziz klaseen arteko borrokaren paradigma, gizakia gizakiaren alde esplotatzearena, naturaren beraren erreserben aurka egiten den kalteena, inperio berrien agerpenarekin blokeen arteko liskarra… zaharkitua eta obsoletoa geratu dira 2020ko Martxoaren 14 hartatik.
    Gainean dugunak fikzioa gainditzen du eta hain tematua, lotsagabekeriaz eta sarkasmoz gure aurpegira botatzen diguten esaldi hori ona egiten du: “Mundu Ordena Berri batean gaude.”

  7. Gorka, nire iritzietan ez dut inondik han hori ukatzen, esaten dudana da ea nora apuntatzen dugun… Gaurko egoera ez da orain arte ezagutu dugun egoera.
    Non daude sindikatu eta mugimendu horiek gure haurrekin eskoletan egiten ari direna salatzeko?
    Denon askatasunaren aurka egiten ari diren krimenak eta haien ondorioak salatzeko?
    Haien isiltasuna konplizea da.
    Argi dago lehentasunak beste batzuk direla eta haiek oso ondo dakite hori, Elite kenduta, egoera denontzat berdina delako baina ez dira ausartzen Elite boteretsuei aurre egiten, zain duten kontuan.
    Egia esan betiko borrokan jarraitzea bezala ikusten dut, ezer larririk gertatzen ari ez balitz bezala. Ez dut parte-hartzaileengatik esaten, fede onez joango baitira, deitzen dutenengatik baizik eta hala ere gauza nagusian isilik egoten dira.

  8. Bizi baliabideen suntsiketa azeleratua ez ikusteko itsu egon behar da edo gezurretan ari.
    Beste gai bat da horren gainean egiten diren erabilera politiko ekonomikoak, kapitalismo berdea, ekofaxismoa eta txiringito protekzionistak.
    Ideologia guztiak irensteko eta kakazteko gaitasun aparta du kapitalismoak, gure etxean horregatik sentitzen gara geroz eta urrutiago etiketa guztietatik. Horrek ez du esan nahi ideologiek ez dutela probetxuzko ezer,hor dago koxka,kit osoak erosten ditugula eta zabor pila dakartela.
    Lagun batek zioen bezala: Bakarrik txorixoarengatik geratuko al haiz zerri osoarekin?
    Edo serioxeago: Kontu izan haurra bainatzerakoan ur zikina botatzen estoldatik,ez haurra.

  9. Gorka: Noski ez gaudela. Birusik ez dago. Aldaketa klimatikorik ez dago. Aldaketa klimatikoa eta birusa daudela diotenek argudio eta medio berdinak dituzte. Eta “txerta zaitez” eta “ez berotu planeta” esaten duten eragileak berdinak dira. Garaia da esnatzeko eta ebidentziari heltzeko: ez dago birusik, ez dago aldaketa klimatikorik, eta horiek biak erabiltzen dituzte eliteek gauza berbererako: mugimendu globalistak ezartzeko, politika globalak behar ditugula esateko eta gure bizimodua zapaltzeko.

  10. Horri klima-aldaketa deitzen dioten batzuek erantzungo liekete ez dela Klima-“aldaketa” bat klima-gerla bat baizik.
    Berriz ere, bere aintzindari eta protagonistek geure burua erruztatzea lortzen dute “arduragabeak” garelako.
    Existitzen ez den “birus berria”ren estrategia bera eta helburu bera: egin ez dugun delitu batengatik garesti ordaintzea eta txertoekin batera goseteak sortzea euren ustez planeta honetan soberan dagoen guzia kentzeko. Bi hitzetan: Agenda 2030.

  11. AHTren aurka borrokatzea eliteen alde borrokatzea da, Aitor?
    5-G-ren aurka borrokatzea, globalismoaren alde egitea da???
    Mesedez…

  12. Tira, tira, arlo anitzeko hondamendi ekologikoan sartuta gaudela ukaezina da. Nahikoa da edonondik buelta bat ematea, oinez, igerian, kotxez ala hegan hori ikusteko. Bizitzaren aurkako gerra batean gaude murgilduta buru belarri eta abiada azeleratuan.
    Beste kontu bat da,birusarekin bezala,ze erabilera ematen zaion krisi horri botere guneetatik,ze mezu igortzen zaizkigun eta zein den atrazoari eman beharreko erantzuna, estatuen eta erakundeen zilegitasuna, obedientzia hala herri boterea e.a.
    Kapitalismoak idelologia guztiak irentsi eta kakazteko gai dela erakutsi digu. Guk horregatik geroz eta gehiago egiten diegu ihes etiketa ideologikoei, badirudielako ideia pack osoak erosi behar ditugula eta barruan zabor pila saltzen digutelako.
    Honen inguruan bi ideia hausnargai:

    Haurra bainatzean kontu izan estoldan behera ur zikina botatzen, ez haurra.
    eta.
    Txorixoarengatik bakarrik geratuko al haiz zerri osoarekin?

  13. Erraustegien aurka eta Zero Zaborraren alde borrokatzea, hori da eliteek nahi dutena?

    Onartzen dut aldaketa klimatioaren diskurtsoa eliteek hartu dutela eta horren aitzakiarekin kapitalismoa eta faxismoa indartu nahi dutela. Guztiz ados nago horrekin baina Aitor eta Odlok, mesedez, hobeto pentsatu eta argudiatu zuen erantzunak.

  14. Gizakiok, eta bizitzak, bizirauteko beharren artean badu ekosistema jakin baten beharra ere, beste gauza askoren artean (gizakion arteko, zein beste espeziekiko harreman gizatiarragoak tartean). Ekosistema honen degradazioa, gainbehera edo txikizioa errealitate bat da, eta gizabanako bakoitzaren bizi kalitatearekin batera doa. Uka ezina da, planeta batean bizi garela, eta gure ekosistema ulertzeko ikuspegi globala hartzean soilik ikusi ahal ditugula degradazioa azaleratzen duten hainbat ebidentzia zientifiko. Horraino uste dut ez dagoela eztabaidarik. Dudarik gabe ikuspegi global hori eremu oso manipulagarria dela, erabilgarria, labaingarria, gutako bakoitzak ez bai dugu eskura aldi oro ikuspegi global hori, baina horrek ez du kentzen badirela esanguratsuak diren ebidentzia globalak gure ekosistema degradatzen ari dela diotenak. Hemen planteatzen diren ekimenak lokalak dira, herritarrek behetik gora, joan ikusi eta eskuartu genezakeenak edonork. Bat egiteko gune bat aurkitu izana, elkar elikatzeko bide bat aurkitu izana, txalogarria, mesedegarria guztiontzat, bejodnaizuela.

  15. Ane: ekimen hau antolatzen duten talde gehienek agenda globalistarekin (Agenda 2030, Soros, Munduko Osasun Erakundearen diktadura…) bat egiten dute, eta ez da kasualitatea. Aldaketa klimatikoa dagoela esateko dauden argudio berberak daude birus bat dagoela esateko: gutxi eta soilik globalistek kontrolatzen dituzten komunikabide eta aldizkari zientifikoen bidez. Greta Thumberg bezalako txontxongiloak dira gure aurrean jarri dituztenak pentsatzeko ongia nahi dutela. Eta ez. Baliteke Aitziber Sarobe egileak fede onez idaztea guzti hau, pentsatuz planeta salbatzen ari dela; ez dut dudarik. Baina helburua faxismo global bat ezartzea da.

    Datuak eskatzen dituzue: 2002an Clive Hamiltonek kritikatu zuenean Lavoisier taldea, Cooler Heads Koalizioak argitaratu zuen ebidentzia ehundaka “klima-zientzialarik” (orain horietako batzuk epidemiologo baietz izan!) euren datuak aldatu zituztela babesteko euren soldata, bestela ez zutelako ikertzen jarraituko.

    2007an John Colemanek demostratu zuen klima aldaketa historiako timorik handiena dela (birusarena baino gehiago, hau entsegu bat baino ez da datorrenaren aurrean). Hitzez hitz: “Unibertsitateak beste guztiengandik isolatu egin dira. Bada kultura bat, jarrerak, balioak eta presioak oso desberdinak dira campusean… Denek zeharka begiratzen diete besteei, beren nagusitasunaz ziur… Zientzialari horiek badakite ikerketak egiten badituzte eta emaitzak ez badira kezkagarriak, beren ikerketak hautsak bilduko dituela apalean eta ikerketa ibilbideak ahulduko direla. Baina alarma-itxura duten ikerketak egiten badituzte, ezagun egingo dira, errespetatuak izango dira eta ikasketa-sariak jasoko dituzte, eta ikerketa dolar gehiago etorriko dira. Beraz, ikertzaile hauek 90 urtean zehar klima aldaketaren ikerketak egin zituztenean aurkikuntzak egiteko irrikan zeuden, garrantzitsuak izango zirenak, eta oso nabariak, eta ikerketarako finantziazioa katigatzen zuten. Erraz manipulatzen zituzten datuak, eta, emaitzak lortzeko, titularrak sortu nahi zituzten eta, aldi berean, ingurumeneko agendak gidatu. Gero, doktoregoko lankideek bezala, beren lana errepasatu zuten, eta berehala egin zuten aurrera, inolako zalantzarik gabe.” Gaur egungo koronatimoa bezala, ezta?

    Frederick Sweitzek 1996an demostratu zuen IPCC talde masoiak (klima aldaketaren timoa zuzentzen duena) ez zuela uzten argitaratzen klima aldaketa zalantzan jartzen zuen ezer ere.

    Oklahomako senataria James Inhofek, batzorde baten aurrean adierazi zuen “histeria guztiarekin, beldur guztiarekin, zientzia faltsu guztiarekin… esan al daiteke jada klima aldaketa dela inoiz egindako timorik handiena herriaren aurka?”. Noski, 2003an esan zuen hau… baliteke koronatimoa izatea okerrago orain.

    Kyotoko protokoloa… nork babesten du? Jacques Chirac izan zen bultzatzailea. Chirac globalista sutsua izateaz gain, masoi deklaratua da. Loturak harrapatzen goaz?

    Martin Durkinek plandemia baino lehen erakutsi zuen, “The Great Global Warming Swindle” dokumentalean klima aldaketarena negozio borobila zela, industrializazioaren aurkako ekologista fanatikoek egina. Hemen ere, industriaren aurkako asko badaude, ekologistaz mozorrotuta benetan munduko dominazio planean hartzen dutenak parte.

    Eta berriro ere Txina aurkitzen dugu hemen. Txinak ez du ezer ere sinatzen klima aldaketaren inguruan. Jarraitzen dute produzitzen. Koronabirusaren buloa bota duten bezala, klima aldaketarena ere bultzatzen dute mundu osoan, besteek sinatu eta euren industriaren konpetentzia gal dadin, mundu osoan euren herrialdeko bezalako diktadura bat ezartzeko. Gerra global horretan, Txinak zientzialariak erosten ditu eta guk amen esaten diogu.

    Begiak irekitzeko ordua da. Ekologismoaren azpian, birusaren paranoia berbera dago: eugenesia (populazioa gutxitu), geldialdi ekonomikoa eta gosea, eta gobernu gero eta zentralagok neurriak hartzea eta guztiok ixiltzea, ezkerreko ekologista hauen bultzadarekin.

  16. Oiartzualdean gertatutakoa, zoritxarrez, ez da bide zuzena. Hainbat talde elkartu da ekimen hau aurrera eramateko, baina nolabaiteko betoa egon da problematika batzuk azaltzeko orduan. Izan ere, Oreretako udalak herriaren inguruko eremu berde natural batzuk urbanizatu nahi ditu, baina ezin izan da gai hau plazaratu, eragile batzuei Bilduk eta Podemosek gobernatzen duten udala kritikatzea ez zaielako gustatzen.

  17. “industrializazioaren aurkako ekologista fanatikoak”kontxo! ze bidailagun bitxi egiten diren bizitzan.
    gosea? torlojoak ez dira jaten, ibai kutsatuek ez dute arrainik, zabortegiek kutsatu egiten dute, baliabideak zabor bihurtzean datza “progresoak”.
    Ez egidazue zientziaren manipulazoioaz hitzegin, irten kaletik, pantailetatik, paperetatik, saiatu jaten,edaten inguruan dugunarekin, zer aurkituko dugu? kaka, pozoia,porlanmortua eta bizitza geroz eta urriagoa.
    Ze pelikula ikusten du jende batek? Gezur ofizialei aurre egitea ez da justu kontrako aldean jartzea, harek gezurra orekatu eta indartu baino ez duelako egiten.
    Hala hasi zen gure belaunaldia, pentsatuz justu esan zigutenaren kontrakoa zela egin behar genuena, horrela etsaiaren gidoia jarraitu genuen ustez kontra egiten geniolakoan,nire lagun minenak heroinak eraman zituen hogeitabost urte bete gabe.

    Aurreko mezuak repe xamar geratu zaikit gaizki bidali ditudanaren kezkaz. Mila esker Independentea ahots ixilduei lekua egiteagatik.

  18. Nik ez diot birusa ez denik existitzen ez dakidalako, izena duena ba omen delako. Beste kontu bat da haren kontrako gerrarik egin behar ote den eta babestu beharko bagina nola babestu,ez dut onartzen estatuaren eta medikuntza ofizialaren zilegitasuna inposatzen ari zaizkiguna agintzeko. Burujabetza indibidual zein kolektiboaren aldekoa nauzu eta justu kontrako bidean gaituen orok kezkatzen nau.
    Klima aldaketaz ere ez dakit asko eta orohar nire erabaki eta eskuetatik kanpo dagoenari ez diot buelta gehiegi ematen.
    Hori bai,hondamendi ekologikoa egunero ikusten dudan arazoa da, larriagotzen ari dena eta zibilizazio honen erroetan somatzen dudana, antropozentrismoan alegia. Horregatik gure bizitzaren helburu nagusietakoa Bizidun komunitatearekiko desjabetzea da, bernaturalizatu gogoz eta izatez,fetitxismorik gabe eta hilko garenaren jakitun.

Utzi iruzkina

Azken artikuluak