Txertaketa esperimentala

Covidari buruzko eztabaida lehen aldiz Osalden, 2023ko azaroan

Eztabaida da zientziaren motorra, eta hori da zentsurak moztu diguna. Aspaldi lurrundu zaigu prentsa askatasunaren ideia, baita gure euskal prentsan ere. Akaso, jarrera aldaketa baten hasieran gaude orain.

8

Angel Bidaurrazaga Vandierdonck

Medikuntzan doktorea, EHUko irakasle ohia. Bilbo

Azkenean, Covida hasi zenetik lehen aldiz, 2023ko azaroaren 18an, eztabaida publikoa izan dugu RNAm “txertoaren” arrisku-onuraz Bizkaiko bi lekutan: bata Bilbon, Bizkaiko Medikuen Elkargoaren egoitzan, OSALDEk antolatutako ekitaldi batean; eta bestea Algortako Telletxe plazan, BIZITZA plataformak sustatuta.

Osalderen jardunaldietan, goizeko hamarretan Juan Erviti Farmazian doktoreak bi ordu erabili ditu etxe farmazeutikoak larrutzeko; haien entsegu klinikoen (Pfizerrenak bereziki) gezur eta akats metodologikoak azalduz eta txertoen segurtasuna gezurtatzen duten argudio ugari emanez. RNAm-an oinarritutako terapiak eragindako gaixotasun ugarien zergatiak azaldu ditu: nola terapia horrek arantza (spike) proteinak etengabe jariarazten dituen, gure genomaren funtzionamendua aldatuz, prozesu genetiko oso konplexu eta zehatzak hankaz gora jartzen dituen sekulako anabasa eraginez gure gorputzeko ia atal guztietan, bihotzetik burmuineraino.

RNAm terapiak prozesu genetiko oso konplexu eta zehatzak hankaz gora jartzen dituen sekulako anabasa eragiten du gure gorputzeko ia atal guztietan, bihotzetik burmuineraino

“Txertoen” eta herrialde askotako gain-hilkortasunaren grafikoak lotu ditu Erviti doktoreak, eta bidean azaldu du nola Amerikako Estatu Batuetako txertoen kalteak batzen dituen webgunea (normalean urtean 60.000 kasu jasotzen dituena) aurten blokeatu egin dela, milioi bat kasu ezin kudeaturik. Labur egin zaigun saioan, bere ondorioa hau izan da: utzi egin behar zaio “Covid txertoak” emateari, Danimarkan eta Suitzan egin duten bezala.

Ondoren bost minutu izan ditut, etenaldiaren aurretik, irailaren 20an Bizkaiko bost medikuk sinatu genuen eskutitz irekiaren eraginaz hitz egiteko. Gutun hori idatzi eta bidali genuen txertaketa kanpainarekin bukatzeko. Batetik, esan behar dut testua Euskal Herriko 60 hedabidetara bidali arren ez zela ia inon argitaratu (Independentea salbuespen). Urriaren 6an Bizkaiko Medikuen Elkargoak txertaketaren aldeko idatzi bat zabaldu zuen, adieraziz gure komunikatuak alarma soziala eragiten zuela eta ez genuela argudio zientifikorik. Ervitiren hitzaldiaren ondoren hau barregarri geratu da, lotsagarri geratu ez bada. Bestetik, Osasun sailak, bere aldetik, txertaketa kanpaina astebete aurreratu zuen. Alexandra Henrion-Cauderen Les apprentis sorciers (Azti ikasleak) liburua irakurtzea gomendatu diet Osaldekoei, liburu horren salmentaren irabaziak frantziar estatuan txertatu ez diren osasun langileentzat izango direla jakinaraziz.

Osalderen jardunaldietan, mediku batek adierazi du berak artatutako gaixo asko ospitalera ez bidaltzeari esker salbatu zituela

Etenaldiaren ondoren Fernando García epidemiologoak hitz egin du Osalderen jardunaldietan. Hau txertoen eraginkortasunaren alde agertu da, baina albo ondorioak gutxietsiz, Covid gaixotasunaren larritasunarekin konparatuz. Bere hitzaldian estatistika ugari sartu ditu eta laburragoa izan da eztabaidari eskainitako tartea, baina argi geratu da osasun publikoaren bermatzaileak ahul eta botererik gabe daudela Bigfarmaren aurrean eta, horren ondorioz, txertaketa kanpaina ebidentzia oso bigunetan oinarritu zela. Covida pasatu ondoren txertatzearen derrigortasunaren arrazoia erantzun gabe geratu da eta beste mediku batek adierazi du berak artatutako gaixo asko ospitalera ez bidaltzeari esker salbatu zituela, nahiz eta adinekoak izan. Kezka agertu da Covidagatik edo Covidarekin hildakoen zenbaketekin, oraindik argitu gabe dagoena.

Bitartean, Algortan, antzeko zerbait gertatu da. Aurretik txertaketaren kontrako argudioak eman ondoren, hirugarren txerto dosia hartuz geroztik paralisi krisi ez jarraituak jasaten dituen emakume baten testigantza entzun dugu. Baita Covid oso larria izan duen mediku baten testigantza ere; azken horrek txertoaren onurak defendatu ditu. Bitartean, beste partaide batek zientzialari horiek eskertu ditu behingoz EZTABAIDArako aukera emateagatik, hori baita zientziaren motorra, azken urteotan zoritxarrez zentsurak moztu diguna. Aspaldi lurrundu zaigu prentsa askatasunaren ideia, gure euskal prentsan ere bai, baina uste dut, gaurtik aurrera, jarrera aldaketa baten hasierako lehen urratsa eman dugula.

Angel Bidaurrazaga Vandierdonck

2023-11-18

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

8 erantzun “Covidari buruzko eztabaida lehen aldiz Osalden, 2023ko azaroan” bidalketan

  1. Angel, eskerrik asko kronikagatik, hala bedi! Etsigarria, itogarria, tentelgarria eta hilgarria zaigu-eta zentsurapean edo elkarrizketarako uzkur bizitzea!

    Iritzi ezberdinak elkarrizketan, hori bai elkarrengandik ikasteko eta hazteko motorea.

    Eta modu autoeratuan eta talde txikika eginez gero, denbora hartuz eta jendea aske mugituta batetik bestera, zer esanik ez!

  2. Aurreko iruzkinek esandako bera errepikatzera nator: Eskerrik asko kronika honengatik, Angel.

  3. Gehiago, COVID-19arekiko ziztadei lotutako munduko gain-hilkortasun tasari buruzko azterketa (2023-11-27koa), ezagutu berri dudan Fernando Vizcaíno Carles-en eskutik:
    https://diario16plus.com/estudio-sobre-el-exceso-de-mortalidad-en-el-mundo-en-relacion-a-la-inoculacion-de-la-vacuna-covid-19/

    Oso lan baliokoa egin duela dirudi.

    Fernandotaz xerka, hauxe aurkitu dut, Bilboko Arriaga Plazan elkarrizketa esanguratsua 2022-12-10ean, Joseba Intxaurragagaz, hemen: https://odysee.com/@OsasunaLibertad:9/Fernando-Vizcaino:2

    Eskerrik asko, Joseba eta Bizitza!

  4. Eskerrik asko, Angel, plazerra da idazten duzuna irakurtzea, eta sentitzea, sartu diguten izua gorabehera, oraindik itxaropena dagoela jendea esnatzen hasi baita.

Utzi iruzkina, izen eta abizenez

Azken artikuluak