Hori da Juan Erviti mediku nafarrak joan den apirilaren bukaeran txertoei buruz eskainitako hitzaldian eman zuen aholku nagusia. Hitzaldi horren bi ordu badituzue hemengo loturan: https://odysee.com/@Facilita.eU:d/videoconferencia-Juan-Erviti.-Balance-vacunas-dos-a%C3%B1os-despu%C3%A9s:9
“Bi urteren buruan zer dakigu Covid txertoei buruz?” izenburua duen bideoa ikus dezakezue lotura horretan. Nire ustez, osasun langile bazara, ikusi beharrekoa. Ikuspegi zientifikoaz eta ebidentzietan oinarrituta, etxe farmazeutikoak (Pfizer bereziki) beren jokaera lotsagarriagatik larrutzen ditu, baita farmakoen erregulazio agentziak ere (amerikarra eta europarra), ezinbesteko laguntza eman dietenak mundu osoaren kontrako itzelezko iruzur mediko eta politikoa burutu dutenei.
Ikerketa eta artikulu ugaritan oinarriturik, banan-banan azaltzen ditu saio klinikoetako faltsukeriak, txertoek eragindako gaixotasun amaigabeak, gain-hilkortasunaren datuak, ikerketa ofizialetan egindako tranpa epidemiologikoak, txertatu eta ez txertatuen arteko ikerketa apurrak, RNAm teknologiaren arriskuak gure sistema immunologikoan zein genetikoan (!?!) eta nola, ebidentzia hauekin guztiekin, Europako estatu bitan (Danimarka eta Suitza) utzi egin zioten, udaberrian, txertoak emateari.
Beste mediku batek aitortzen dio izua dagoela sendagileen artean
Hain larria da salatzen duena, ezen hitzaldi osteko galderetan beste mediku batek aitortzen baitio izua dagoela sendagileen artean, eta bideokonferentzian parte hartzen ari direnen aurpegiak ikustea besterik ez dago larritasunaz jabetzeko.
Orain dela urtebete, mediku batzuek txertoek eragindako larrialdi sanitarioa munduan zabaltzeko deia egin zuten; gogoratzen ditut Arriaga plazan bildutako apurrak. Salaketa hori egian oinarrituta zegoela argitzen du Ervitik, eta oraindik etortzeko dagoenak, datorkigunak, logura kentzen digu askori.
Totalitarismoaren laguntzaile guztiak haien karguetatik kendu behar dira, ez da halakorik errepikatu behar, inoiz gehiago ez.
Angel Bidaurrazaga Vandierdonck
PD: Artikulua idatzi nuenetik, Espainiako gobernuak ( eta Jaurlaritzak, nola ez) Aste bat aurretatu dute gripe/COVID txerto kanpaina. Erbitirena ikusten baduzue, sekulako astekeriaz ohartuko zarete. Arren, otoi, mesedez ez utzi ezagunei txertoa jartzen!!
Soilik eskerrak ematea halako medikuei eta gainerako osasun-langileei, beren postua eta ospea jokoan izanda gai direlako ahotsa altxatzeko, gai horri buruz duten iritzia ematenez.
Covid txertoen eta horien ondorioen ikerketa sakona egin beharko litzateke.
Nire inguruan infartuak, iktusak eta minbizia ikusi ditut hasiera batean osasuntsu zeuden eta nahiko gazteak ziren pertsonengan.
Harrigarria da osasun-agintarien pasibotasuna.