mozioak udaletan

Zinegotziek ondo bete dute alderdien buruzagiek agindutakoa, hau da, pandemiaren gaia estaltzea

Fikzio kobidianoa mantendu behar da, eta egia osteko hedabideak beren papera betez ari dira, baita euskal prentsa ere.

7

Angel Bidaurrazaga Vandierdonck

Medikuntzan doktorea, EHUko irakasle ohia. Bilbo

Osasun mozioak udaletxeetan

Bizitza plataformako kide baten ekimenez, Hego Euskal Herriko udaletxeei bi mozio eskaera bidali zitzaizkien, bata bakearen alde agertzeko eta bestea Covid txertoen eragina ikertzeko eskatuz. Lehenari buruz Joseba Argintxonak idatzi duenez, ni osasunaren inguruko mozio eskaeraz arituko naiz. Guk dakigula, inon ez dira mozio horiek onartu, Ordiziako salbuespenarekin, bakearen aldeko mozioa onartu baitzen han.

Osasunari dagokion eskaeran Jon Ander Etxeberriaren lana aipatzen da oinarri bezala. Usurbilgo udalbatzan, txosten hori aurkezteaz gain, dokumentazio gehigarriaz ere osatu zen. Durangoko udaletxean, nik neuk aukera izan nuen, bost minututan, beste argudio gehiago ere azaltzeko. Bai Usurbilgoan, bai Durangokoan, mozio bata zein bestea atzera bota ziren euskal alderdi abertzaleen botoekin gehien bat. Zeintzuk izan ziren kontra bozkatzeko argudioak? Nolabait laburtuko ditut hemen.

Sumisioa da botere-eskalan gora egiteko balio handienetarikoa

Batetik, pandemian erabakiak ondo hartu zirela, horretarako UPV/EHUk egindako balantze txosten baten aipamenarekin. Lortu dut txosten hori eta ohiko laudorio testu bat da, aldebakartasuna nabaria da bertan eta ez da argumentu zientifikorik ageri. Bestetik, txertoak bizitzak salbatzen zituela, lelo hori egia santutzat errepikatuz. Duela gutxi OMEk Covidagatik munduan hildakoak zenbatu ditu eta 7 milioi izan zirela agertu da hedabide guztietan, baina duela urtebete txerto genetikoek eragindako 17 milioiei buruz ez da hitzik agertu komunikabide berberetan. Udalbatzen beste argudio bat izan zen txostenak ez zituztela irakurri eta aurkezteko moduak ez zirela egokiak izan. Arazoa hain larria ez balitz barre (edo negar) egiteko gogoa ematen du, baina halakoa da gure udal politikarien maila. Hori bai, haiek beren erabakia aurretik hartuta zeukaten eta bozkaketak ia aho batez eta bulgariar erara besoak jasoz egin ziren. Beste udal askotan, eztabaidarik gabe ere, atzera bota dira mozioak. Euskal elitearen inguruko ikerketan aspaldi argitaratu genuenez, sumisioa da botere-eskalan gora egiteko balio handienetarikoa.

Argi dago zinegotziek ondo bete dutela alderdien buruzagiek agindutakoa, hau da, pandemiaren gaia estaltzea, bere garaian hartutako erabakiak defendituz. Duela hilabete bat AEBko kongresuak argitaratutako txostenean salatzen zen, hain zuzen, boterearen saldukeria pandemia garaian eta hartutako erabaki askoren faltsutasuna, baina hori ere estalita dago, fikzio kobidianoa mantendu behar baita: kutsaketen arriskua, musukoak, konfinamendua, Covid pasea eta abar. Egia osteko hedabideak beren papera betez ari dira, baita euskal prentsa ere.

Osasunari buruzko datu andana eta ebidentzia zientifiko ugari dago pandemiaren iruzurra azaltzeko; orain justiziaren ordua heldu da

Antzera salatu dute Médicos por la verdad elkarteko kideek eta, besteak beste, kaleratutako eta zigortutako osasun-langileen birkontratatzea eta txerto genetikoen biktimentzako konpentsazioak eskatu zituzten. Osasunari buruzko datu andana eta ebidentzia zientifiko ugari dago pandemiaren iruzurra azaltzeko; orain justiziaren ordua heldu da eta honaino ekarri gaituzten arduradunek erantzukizuna hartu behar dute, baita egindakoa ordaindu ere, hala dagokienean. AEBn hasi dira bidea egiten; hemen oraingoz pentsaezina da euskal parlamentuetako osasun-batzordeek horretan jardutea (Bizitza plataformak aspaldi eskatu badu ere), udaletakoa ikusita.

Iparra kolektiboa sortu da osasungintzaren arloan iparra berreskuratzeko, baina berdintsu jokatu beharko litzateke kulturan eta politikagintzan ere. Laster EAJ-k eta EH Bilduk beren biltzar nazionalak izango dituzte, eta harro daude lortutako emaitzekin. Mozioek aipatutako gaiak (munduko bakea eta pandemia) ez dituzte izendatu ere egingo haien txosten politikoetan, eta burujabetzaren helburua goraipatuko dute, berriz ere, baina 2020. urtean inor baino menpekoagoak izan ginela gogoratu gabe, badaezpada ere.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

7 erantzun “Zinegotziek ondo bete dute alderdien buruzagiek agindutakoa, hau da, pandemiaren gaia estaltzea” bidalketan

  1. Zein ideologiak agintzen du gizadiaren aurkako krimenak eztaltzea? Ezkerrekoak? Eskubikoak? Abertzaletasunak agian?

    Eta herritarrak hil eta gaixotuko dituen, gazteak antzutuko dituen zerbait hartzera “de facto” derrigortu ondoren, sarraski horren ondorioen aurrean ez ikusiarena egitea, zein ideologiak agintzen du?
    Ezkerrekoak? Eskubikoak?
    Abertzaletasunak agian?

    Ez ikusiarena egiteko, bi begiak itxi behar dira, baina bi begiak itxita dituen herriak, bide laburra izango du.

    Itsuen herrian, itsuak alkate (eta zinegotzi)?

    Agian denok izango gara ultraeskuindarrak?

    Zergatik pentsa behar dut beste hainbat arlotan, beste hainbeste egiten ari ez zaizkigunik?

    Egia esanda, beste ezer pentsa dezaket neu ere itsutu ez banaiz?

    Mila esker, Angel

  2. Iraingarria da guri negazionista deitzea, haiek pertsonifikatutako ukazioa direnean. Argi dago, denak plan batengatik baldintzatuta daudela eta ez dute diskurtso istituzionalen bidez zuzenduko; beraz, ez du merezi aurkezten diren mozioetan itxaropenik jartzea. Hala ere, aitortu behar dut hori bera frogatzeko behintzat balio dutela, aktiboki eta pasiboki dena ukatuko dutela, baita beren programa politikoen aurka joanda ere. Hori bada mozioetan bilatzen dena, helburua lortuta. Gizartean pitzadurak ireki daitezke, nahiz eta arazoa oso itxia egon. Gizarteak modu oso masiboan hartzen badu parte zerbaitetan, koalizioek eta alderdi politikoek 180º-ko bira eman dezakete gauetik goizera. Esperientziak hori baieztatzen digu. Jakina, argudio serioak, kontrastatuak, ukaezinak, Jon Anderrenak bezalakoak, arlo medikoan beste asko bezala, eta beste batzuk geo politikoan bezala. Norbaitek fantasiazko gaiak, mezu xenofoboak eta horrelakoak nahasten baditu, sinesgarritasun guztia kentzeko aukera ematea besterik ez dugu lortzen. Beraz, mezu esplizitu bat eman behar da, non teoria absurduak, xenofoboak, poliziaren errepresioaren aldekoak immigrazio behartu masiboaren gaia konpontzeko eta horrelako zentzugabekerien aurka. Izan ere, estrategia horrek funtzionatzen die gure aldetik bidaltzen ari gatzaizkien mezua inork sinistu ez dezan. Muntaia hau guztia ikusten dugunok egin dezakegun informazio egiaztatuaren barne-kontsumoak informazio egokia emateko, kontrastatzeko, pentsatzeko, hausnartzeko eta ondorio propioak ateratzeko balio dezake, gero partekatzeko eta eztabaidatzeko. Eta indarrak hartzeko, batuta eta komunitatean mantentzeko. Prestigioa kentzeko eta baztertzeko egiten dizkiguten erasoei eusteko, eta, batez ere, aktibismo antolatura igarotzeko; baina hor bakarrik geratzea, aurrera pausorik eman gabe, antzua da. Jakina, pertsona guztiei ezin zaie maila eta inplikazio-mota bera eskatu. Tximino bat hobe den bezala zuhaitz bat eskalatzen, eta arrain bat igerian, pertsonak desberdinak gara bata bestearengandik, eta bakoitzak bere eskuetan dagoen guztia eman beharko du, bere ezagutza eta aukera errealistetatik % 100era, nahiz eta gerta daitekeen talde mailan beste batzuekin alderatuta % 10 baino ez ematea. Ezin diegu mila arrazoirengatik denei gauza bera eskatu, ekitatiboa izan behar du, norberak bere burua edo eta gorputzaren ahalik eta gehien ematen badu, horrekin dena eman du. Bestela, egungo gatazka soziopolitiko honetara ekarri gaituen gizarte honen akats berberetan eroriko ginateke berriro.

  3. Eskerrikasko Angel zure ikuspuntua azaltzearren eta hain komenigarria den iritzi kritiko hori zabaltzeagatik. Ez baita erreza gizartearen gehiengoarentzat engainatua izan dela onartzea, are gutxiago aginte postuetan gaudenontzat engainu horretan lagundu dugula onartzea. Azkenean norbere arduratik ahal duguna egiten saiatzen garela uste dut eztabaida hori berriz hartu, ikuspuntuak alderatu eta mozio hauek diotenarekin bat egiteko. Baina ez da erreza, ez da erreza ardi beltza izatea, ez da erreza zure ingurua izan den horretatik ateratzea, edo talde politikoen egitura piramidal horretan krak bat eragitea. Zeren azken finean herrian bizi behar dugu, denok elkarrekin, eta aurrera begirako proiektuak ere elkarrekin egitea komeni da. Nik espero dut, gutxienez, lehen baino ardi beltz gehiago elkartzea eta pasatakoa ikasgai bat izatea aurrera bide horretan. Eta hala ez bada, nire modukoekin biltzen saiatu beharko dut, herritik kanpo.

  4. Ez dezagun ahaztu Espainiako Legebiltzarrean ordezkaritza duten alderdi politiko guztiek, estatuko hedabide guztiek bezala, gobernu espainiarraren aldetik diru-funtsak jaso zituztela Covid-19ari buruzko narratiba eta neurriak babestearen truke. Eta gainera, artikuluan esaten denez (eta ados nago), sumisioa botere eskalan gora egiteko balio handienetarikoa bada, jai dugu alderdi politikoetatik, berdin abertzaleak edo espainolistak, ikerketa bat eskatzea espero badugu.
    Patrikek dioen edo iradokitzen duen bezala, mozio hauek balio izan dute alderdi politikoen konplizitatea eta itsukeria ageriago gelditzeko. Orain zalantza gutxiago daukagu.
    Ez dakit zer lehertu beharko litzatekeen EH Bilduk eta Eaj-k hartutako neurriak txarto egon zirela onartzeko, uste izango baitute etxeko teilatura harriak botatzea bezala litzatekeela. Boterean egotea baino ez zaie interesatzen, Madrilgo gobernuak uzten dien eremua kudeatzea eta hortik bizitzea eta ondo bizitzea herriaren beharrak bost axola. Burujabetza eta erabakitzeko eskubidea botoak ematen dituzten mantra batzuk dira eta gainera kontzientziak lasaitzeko ere balio dute.

Utzi iruzkina

Azken artikuluak