ITURENGO ETA UNTZUEKO (NAFARROA GARAIA) UDALAK, GERRAREN AURKA
2024ko irailaren 24ko udalbatzan, Bizitza plataformak Hego Euskal Herriko udaletan aurkezturiko gerraren aurkako mozioa aho batez onartu zuen Iturengo (Nafarroa Garaia) udalak, oraintxe bertan jakin dugunez. Aspaldiko kontua da mozioarena, baina oraintxe egokitu zaigu emaitzaz ohartzea.
Mila esker Iturengo zinegotziei eta alkateari herritarron izenean, eta ea jokabide hau ugaltzen den.
Untzueko (Nafarroa Garaia) udalbatzak ere onartu du berriki, 2025eko martxoaren 13ko udalbatzan, Bizitzak Hegoaldeko udaletan aurkezturiko gerraren aurkako mozioa, aldeko hiru boto eta bost abstentziorekin.
Mila esker Untzuen mozioaren alde agertu ziren guztiei herritarron izenean, eta ea jokabide hau hedatzen den. Hala bedi!
ITURENGO UDALA, COVID 19 KUDEAKETAREN EBALUAZIO INDEPENDENTEAREN ALDE
Beste albiste bat da Bizitza plataformak Hego Euskal Herriko udaletan aurkezturiko Covid 19 kudeaketaren ebaluazio independentearen aldeko mozioa onartu zuela Iturengo udalak, 2024ko irailaren 24ko udalbatzan. Hori ere oraintxe jakin dugu.
Mila esker Iturengo zinegotziei eta alkateari jokabide honengatik ere.
Zorionak Joseba, eskerrik asko zure dedikazio eta kemenagatik.