Gerra-hotsak entzuten dira berriro Europan. Bigarren Mundu Gerraz geroztik, heriotza eta miseria esportatu ditugu beste kontinente batzuetako herrialde azpigaratuetara, eta oraingoan gainera datorkigu gure ongizatearen gizarte baketsu hipokritarekin erein duguna. Guretzat ongi-izatea, itsuok gu, ez baitugu hatzik mugitu herriak gure izenean eta gu gizentzeko erortzen ari ziren bitartean. Orain, sortu dugun piztia hurbiltzen ari da, hurreratzen ari da eta ez dirudi inor edo inor gutxi horretaz jabetzen denik.
Ezinezkoa da borroka antimilitaristak ez gogoratzea, milaka gazteren sakrifizioarekin Espainiako Estatuan derrigorrezko soldadutza errauts bihurtzea lortu zuten urte haiek. Oraingo gazteek haien aditzea besterik ez dute, eta oso urrun geratzen zaizkie. Ondorioz, ez dira jabetzen gainera datorkienaz; eta, bere garaian egin zen bezala mobilizatzen ez badira eta soldadutzari eta gerrari EZ esaten ez badiote, egokituko zaienaz.
Duela gutxi Garan agertu zen Kontxita Beitia Oiarbideren artikulua bizi dugun unearen oso adierazgarria da.
Gerraren aurkako mozioetan abstenitu egiten dira eta isiltasun gorgarri bat mantentzen dute, harritzen, tristatzen, gogaitzen eta haserretzen gaituena
Garan horrelako ekarpen garrantzitsu eta beharrezkoa ateratzen zaigun bitartean, egoera arraro batean gaude, non amnesia kolektibo moduko bat ezarri dela ematen duen. EH Bilduren Idazkari Nagusiak, Arnaldo Otegik, gastu militarraren handitzearen eta gerraren aurka egoteaz hitz egin digu, baina gero alderdi politiko hori abstenitu egiten da herritar taldeek udaletan aurkeztutako mozioetan. Dirudienez, ez zaie gustatzen nork aurkezten dituen gerraren kontrako mozio horiek, edo ez datoz bat punturen batekin. Aitzakia horrek, ordea, ez du balio; mozioa aurkezten duenak aurkeztuta ere, ados egonez gero, babestu egiten delako; ez litzateke lehen aldia EH Bilduk PPrekin batera mozioak onartzen dituena edo Euskal Herriko udal askotan gai zehatzetan antagonikoak diren beste batzuekin batera onartzen dituena. Gainera, punturen batean ados ez badaude, testu alternatibo bat proposa lezakete gerraren aurka eta derrigorrezko soldadutza berriro ezartzeko entzuten diren mezuen aurka. Baina ez, abstenitu egiten dira eta isiltasun gorgarri bat mantentzen dute, harritzen, tristatzen, gogaitzen eta haserretzen gaituena.
Ezinezkoa zirudiena lortu zuten sentimendu eta borroka horien leherketaren isla dira kantu hauek
Nik, Kontxita Beitia Oiarbidek proposatzen duen transmisio lokarriari eutsiz, soldaduen eta gerren aurkako abestien zerrenda bat jarriko dizuet hemen; kantu antimilitaristak. Euskal Herriko eta Espainiako Estatuko intsumiso mugimendua gazte musikan punk-rocka nagusi zen garaian sortu zenez, zerrendako abesti gehienak genero horretako abestiak dira, agian guztien gustukoak ez direnak, baina garai hartan ezinezkoa zirudiena lortu zuten sentimendu eta borroka horien leherketaren isla dira. Eta badira batzuk, punk estilokoak ez izanik ere, eta kopuruz gutxiago izan arren, punk kantek bezainbesteko indarra eta sendotasun handia dutenak.
Borroka hura belaunaldi berriei transmititu behar zaie, bururatzen zaizkigun era guztietan: musika, dokumentalak, liburuak, solasaldiak, seme-alabekin, ilobekin, bilobekin hitz eginez. Metxa piztu behar zaie; izan ere, garaiotan eta egungo gizartean gailendu den manipulazioagatik, txinpartak nola sortu ikasteko eskubidea ukatu diete gazteei, metxa piztuko duen txinparta, hain zuzen. Metaforikoki, erakutsi behar zaie txinparta bat ateratzeko harri gogor bat (suharria edo silexa, adibidez) burdina duen beste harri baten kontra (pirita edo markasita, esaterako) jo behar dela. Txinparta hori gazteengan pizten bada, ez da egongo itzaliko duenik. Intsumisioa!!! Desobedientzia!
Pauso bat!
Lore bat hazi nahi nuen,
tanke batek zapaldu zuen,
ta beste bat jarri genuen.
Muxu bat nahi nizun eman
ta sartu ninduten kartzelan,
muxu gehiago eman ditut han.
Gerra egin nahi zenuke zuk,
nik bertso bat egingo dizut,
kantatzea asko maite dut.
Guk lo egiten dugu lasai,
guk ez dugu obeditu nahi,
ez dugula nahi, jai! jai!
Pauso bat desobedientzirantz
Euskal Herriaren desmilitarizaziorantz
Heriotza zibilari ez!
Kartzelaren legeari ez!
Zatoz eta anima zaitez!
KANTU ANTIMILITARISTEN ZERRENDA
(Hemen ez dagoen baten bat baldin badakizu, iruzkinetan jarri. Mila esker!)
Oskorri – Insumisoarena
Kojon prieto y los huajolotes – Insumisión
Baldin Bada – La mili
Gorka Knörr – Azken agurraren negarra
R.I.P. – Antimilitar
Oskorri – Ia guriak egin du
Pikutara – Soldaduska honi ez!
Txorromorro – Zure Soldaduska Ere Ez (Pikutararen abestiari eta Jarrai, HBko gazte erakundeari erantzuten)
Danba – Somos Presos
Ultimatum – Lucha Por Tu Patria
BAP!! – Juventud Engañada
Mortaja – Un Año Perdido
Zarama – Kolpeka Beti
Eskorbuto – Soldados
Barricada – Ninguna bandera
Basura – No Quiero Ir A La Mili
Potrotaino – Puta Mili
Porkeria T – Mili No
M.C.D. – Insumisión
Zer Bizio? – Secuestro
La polla records – Moriréis como imbéciles
Tijuana in blue – Rebelión Medieval
Parásitos – Por Un País
Tarzan – No!
L’Odi Social – Odio Obedecer
Monstruación – Basta De Hiroshimas
SK – Siguiendo Los Pasos De Tu Padre
Máximo Volumen – Locura De Guerra
Último Gobierno – Soldados
El Juanra, El Feli, El Izqui Y El Otro – Canción Antimilitar
EDS [Ejército de Salvación] – Insumisión
Reincidentes – Secuestro legal
Último Gobierno – Buscado por la autoridad
B.O.2 – Antimilitar
Desakato Dada – No Voy
A.S.C.O. – Insumisión Total
Maniática – Venta Segura
Anti-Régimen – Su guerra
Kuero – Desde niño
Guerrilla Urbana – Insumisión
Boikot – Insert coin
Hemen nator zirika baina diozun hau(Guretzat ongi-izatea, itsuok gu, ez baitugu hatzik mugitu herriak gure izenean eta gu gizentzeko erortzen ari ziren bitartean), errelato amnesikoa elikatzea da, Euskal herria presente egon delako eskuzabalki mundu zabaleko XXgarren mendeko borroka askotan, lagun batzuk bizitza emateraino. Beste kontu bat da zein kontraesan on edo oker egin diren.
Ez diezaiegun lagundu gutaz hixtoria egin nahi dutenei.
“Jaun baruak” Benito Lertxundi
“Jauna, maite banauzu,
erraiten duzun bezala,
kita ezazu erregeren zerbitzua, eta maita herria,
uken dezagun plazerra”
Horixe, NATO eta ‘armada’ guztiak pikutara, soldaduskarik ez!
Asier, orokorrean esaten dut. Egia borroka askotan egon dela Euskal Herriko parte txiki bat zorionez, baina masiboki ez. Kovidaren “plandemiaren” kontra egon gara gutxi Euskal Herrian, baina orokorrean, masiboki ezta ere. 🤷♂️
Polita bai Benitoren Abestia Leire, mila esker!
Jokatuko nuke hemengo irakurle gehienak ez direla enteratu, eta ez interes faltagatik; hedabideetan ez delako ia agertu ere egin. Espainiako Ministroen Kontseiluak apirilaren 22an aurrekontu militarra % 2ra igotzea erabaki zuen, 10.471 milioi gehiago urtean. Neurria ez da parlamentutik pasako.
https://rtvc.es/el-gobierno-aprueba-un-plan-de-seguridad-y-defensa/
Imaginatzen dut Sanchez EHB, ERC, Sumar edo Podemosekin banan-banan elkartu zenean. “Zuek lasai, badakit zuentzat marroia dela bozketaz onartu beharra, zuen militantziak eragozpenak jarriko lituzke. Lasai, dekretuz ezarriko dugu eta kito. Eta ahalik eta publizitate gutxien egingo dugu. Eta nahi beste protestatu dezakezue”, keinu eginez ezkerreko begiaz.
Hain zuzen ere, Juan Martín, euren artean zuritzen dira euren parrokien aurrean agerian ez jartzeko.
Hemen ikusten dena da goi maila blindatu bat eraikitzen ari direla erabakitzen dutenak eta haien morroi leialek nahieran funtzionatzeko eta gu soto etiko itsuan gorde gaituztela haiek irudiak direlarik argi bakarra.
Barkatu hizkuntza kolonia baino…
.
https://desinformemonos.org/la-izquierda-es-una-droga-sistemica/