Hona hemen Iparra kolektibo eratu berriaren
PRENTSA-OHARRA:
Euskal gizarteko zientzialariek eta osasun arloko profesionalek osatutako lantalde batek www.iparra.eus webgunean jasota dagoen ekimen hau aurkeztu nahi du.
Pandemia garaiko krisialdian osasun arloak galduriko iparra berreskuratzea da helburu.
Bi ekimenekin hasi gara:
Alde batetik, Covid «txertoekin» lotutako patologia edo ondorio kaltegarri batzuei buruzko datuak eskatu dizkiegu osasun-agintariei; bai EAEn, bai Nafarroan, gero azterketa epidemiologiko bat egin ahal izateko.
Mundu osoan argitaratzen ari dira hainbat azterlanen emaitzak, datu kezkagarriekin, eta uste dugu beharrezkoa dela arlo horretan lan egitea, baita gure lurraldean ere.
Beste alde batetik, eta aurrekoarekin lotuta, «txerto» genetikoetan oinarritutako txertaketa kanpainaren etena eskatzen diegu bi autonomia erkidegoetako osasun-sailburuei, bai Covidari dagokiona, bai haurrei emandako gripe txerto intranasalari dagokiona. Uste dugu txerto horien arriskuak eta segurtasunik eza handiegiak direla haiekin jarraitzeko.
Azkenik, gure webgunean erakusten den bezala, osasun-langileei eta ikertzaileei dei egiten diegu beren babesa adieraz dezaten. Gurekin lan egitera animatzen diren profesionalak ongi etorriak izango dira.
Aurrerago, hurrengo urratsak adieraziko ditugu.
Bere garaian, ekimen hori prentsaurreko batean aurkeztuko da.
ATXIKITZEAK:
iparra@iparra.eus
Zorionak eta eskerrik asko!!!
Milesker zuen ekimenagatik!!!
Aurrera! 👏👏👏👏👏👏👏
Zorionak kontu larriak bere horretan geldi ez daitezen ari zareten guztioi, kasu honetan, iniziatiba garrantzitsu honen bultzatzaileei. Sistema honek interes handiegia du fokoa etorkizunean jar dezagun eta iragana ahaztu, baina iraganak du kasu honetan benetako garrantzia, iragan horren ondorioak gaur egunean eragiten baitute beraz, ez dezagun ahaztu.
Eskerrik asko!
Eskerrik asko ekimenagatik!
Oso ondo, baina pandemia garaia deitu ordez, ez al da zuzenagoa entzierro garaia deitzea?