Iazko irailean, Juan Erviti farmakologo eta ikerlariak Covid txertoak ez hartzea gomendatzen zigun jada, 2021etik aurrera (hau da, urte eta erdian) lortutako frogei esker jakina zenez, RNAm-an oinarritutako terapeutika genikoaren arriskuak direla-eta.
Orain dela astebete, plandemiatik hiru urtera, Ervitiren ondorio nagusia hau da: “txerto” horiek merkatutik ezabatu behar dira, aski frogatuta dagoelako txertatutako pertsona askok minbizi, tronbosi eta zenbatu ezinezko eragin kaltegarriak dituztela haien bizitzan (ikusi Ervitik azalpen horiek ematen dituen bideoa hemen).
Ervitiren ondorioa argia da: “txerto” horiek merkatutik ezabatu behar dira
Mundu mailan ezagunak diren onkologoek ere, Angus Dalgleish britainiarrak, Fukushima japoniarrak eta Gabriel Oon singapurtarrak, bat egiten dute ondorio horrekin eta alarma jo dute, baita Peter McCullough kardiologo estatubatuar famatuak ere, edota Maarten Fornerod nederlandar biologo molekular eta minbiziaren goi mailako ikerlariak. Horiek guztiek eskatzen dute RNAm terapia genikoa geldiarazteko eta debekatzeko.
Joan den maiatzaren 24an eman zuen ordubeteko hitzaldian, Juan Ervitik azken urtean argitaratutako ikerketa ugariren berri eman zigun. Iazko hitzaldietan susmoak ziren asko orain ziurtasunak dira: orain badakigu txertoek gure immunitate sistema zeharo ahultzen dutela gaixotasun arruntenen aurrean, eta turbo-minbizien azalpen biokimikoak daude, gure DNAren aldaketak, arantza (spike) proteina patologikoen mugagabeko ugalketa gaixoengan eta horrek zirkulazio sisteman duen eragina, RNAm gizonezkoen hazian agertzen da, ugalkortasun arazoak daude emakumeengan, kalteak emakume haurdunengan… eta abar. Ervitiri berari ere motz gelditu zitzaion hitzaldiko denbora gure agintariek “derrigorrez” sartu diguten txertaketa masiboaren katastrofea azaltzeko.
Ez badugu hau orain gelditzen, RNAm “txertoetan” oinarritutako beste plandemia bat izango dugu laster
Gain-hilkortasuna munduan igo egin da txertaketa hasi zenetik, eta are gehiago herrialde txertatuenetan. Japoniako lan bat aipatzen du Ervitik, hilkortasunaren eta txertaketa-maiztasunaren arteko lotura zuzena adierazten duena. Beste herrialde askotan albo-ondorioak jakinarazteko eta biltzeko dauden zailtasunak aipatzen ditu. Adibidez, pediatra estatubatuar batek bi urte daramatza bere paziente nerabe baten infartu bat salatzen; txertoak eragindako infartua. Badirudi Isiltasunaren Legea ezarri dela gai honen inguruan, gure Euskal Herritik bertatik hasita.
Berriz ere, osasun-profesionalei gomendatzen diet Ervitiren azken hitzaldia ikustea, ausartu daitezen txerto horien ondorioak salatzera. Ez badugu hau orain gelditzen, RNAm “txertoetan” oinarritutako beste plandemia bat izango dugulako udaren bueltan… OMEren Pandemia hitzarmena gelditu egin da oraingoz, baina gure datu medikuen xurgapena aurrera daramate, eta, orduan bai, etxe farmazeutikoen boterea mugagabe bihurtuko da eta ez dugu damutzeko aukerarik izango.
Gora Juanjo, Jon Ander eta zu, Angel! Ez zizueten kasurik egingo, baina zerbait geratuko da haien kontzientzietan. Bertolt Brecht parafraseatuz, zuek zarete ezinbestekoak. Eskerrikasko!
Gora zuek, bai!!
Europar Batasunak une honetan esistitzen ez den Hegazti Gripearen aurkako 40 milioi dosi enkargatu dizkio Pfizerri, auskalo zenbat milioi euro ordainduta.
https://www.byoblu.com/2024/06/11/ue-milioni-di-vaccini-contro-laviaria-dopo-gli-intrallazzi-con-mr-pfizer/
Elkarrizketa txit interesgarria frantsesez. Joseph Tritto mediku eta ikerle italiarra. Geneva, 2024ko ekainaren 4a. OMEren jokabideaz ari da, besteak beste.
https://essentiel.news/creation-armes-biologiques-militarisation-oms/
Eskerrik asko