Txertoak kaltetua

Txertoa hartu eta hiru urtera, oraindik ere aurreko bizitza berreskuratu ezinean

Administrazioari, Osakidetzari eta Farmakobijilantziari berriro esaten diet: hau gertatu da eta hemen gaude! Ea behingoz gai zareten dagokizuen erantzukizuna hartzeko.

Tora 22, collage, 2021 / Yumikrum

4
Eneritz Zubiaurre Ituarte

Eneritz Zubiaurre Ituarte

Irakaslea. Txertoak kaltetua. Deba

Astrazeneca Txertoak Kaltetutako pertsona bat besterik ez naiz, baina hemen nago txertoa hartu nuela hiru urte bete behar ditudan honetan, oraindik ere aurreko bizitza egitera errekuperatu ezinean. Bi urte pasa dira Debako Berriketan aldizkarian nire bizipena kontatu nuenetik. Artikulu hark nahi gabean sortutako oihartzuna ikaragarrizkoa izan zen.

Bada, orain ere hemen nago Farmakobijilantziaren deiaren zain, administrazioaren zain, Osakidetzaren zain… Norbait etorri al da gure etxeetara ate joka ea nola gauden galdezka? INOR ERE EZ.

Hemendik besarkada estu bat bidali nahi diet COVID txertoaren inokulazioaren albo-ondorioren bat jasan duten pertsona guztiei eta bidean txertoagatik norbait galdu duten familia eta lagunei.

Administrazioari, Osakidetzari, Farmakobijilantziari hemen gaudela adierazi nahi diet: hemen gaude, bai, ea gai zareten dagokizuen erantzukizuna behingoz hartu eta erantzunen bat emateko. Berriro ere diot: hau gertatu da eta hemen gaude!

Bide batez, eskerrak eman nahi dizkizuet bidean lagundu didazuen guztioi. ESKERRIK ASKO BIHOTZEZ! Borroka hau, luzea eta gogorra izanda, xamurragoa izaten laguntzegatik. ESKERRIK ASKO, LAGUNAK.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

4 erantzun “Txertoa hartu eta hiru urtera, oraindik ere aurreko bizitza berreskuratu ezinean” bidalketan

  3. Eskerrik asko zuri Eneritz zure egoeraren berri emateagatik. Eta gogoratzeagatik hau gertatu dela eta gertatzen dela. Ezin ahaztu nire herrikidea Eli Mitxelena bezalako biktima, eta beste hainbat eta hainbat lagun. Adierazgarriena iruditzen zait “hau gertatu da” idatzi behar izatea, ikaragarrizko zirko mediatikoan bizi garen bitartean. Aluzinantea. Akojonantea. Hau gertatu dela, aizue. Eooo. Eta behintzat poztu gaitezen zutaz ahazten direlako Administrazioa, Osakidetza eta Farmakobijilantzia, hauek gauzak beti okertu ditzazkete gehiago erreztasun askorekin. Zaurituta baina bizirik Eneritz, eta zentzu batean oso bizirik. Garbiketa osoa egiteko aukera duena zure gorputza. Lasaitasuna, umorea eta baraua. Eutsi goiari

  4. Zein deiadar ona, Eneritz, hemen gaude eta zuen (Osakidetza, farmakobigilantzia…) deiaren zai. Animo eta besarkada bat, zurekin gaude!!!

Utzi iruzkina

Azken artikuluak