Borroka
Guk burrukan esan ohi dugu. Jakitearren… Guk ere, gizakiok, haserrean burua erabili ohi dugu aharien antzera, dirudienez… Hobe izango genuke benetan buru argiz jokatzea. Baina badirudi ez dugula maila bikainik.
Hau guztia neure ustetan, noski.
Euskal politikariak ere, badirudi “borrokara” emanik direla. Ikusi egin behar burukoak nori emanez ari diren. Bildukoek ere Espainiako erregeari aurrea hartu zioten Sánchez lehendakari izendatzen. “Carlistek” ez zuten lortu Carlos Madriden ezartzerik; oraingo “Carlista – Sanchistek” bai. Orain, “Kalera irten eta borrokatu” beharrik ez dugu behintzat… Uste dut!!!
Oraingo jokoa zuzena bada, lehenagokoa okerra. Eta lehenagokoek zer egingo ote zuketen hau horrela izango zela jakin izan balute? … Bide okerrak norabidea galarazi egiten duela esango nuke. Eta galdutakoan zer? Ez da jakiten non eta noraka gabiltzan… Oiñ ze??
Ongi al zoaz, irakurle, zeure bidean?… Euskaldun guztiontzako bidean?… Bejondaizula!!!! Bejondaigula!!!
Norekin bildu izan dira (eta biltzen dira) oso aspaldi luzean gure politikariak (eta gainontzeko “eragile” esanguratsu denak) eta zertaz hitz egiteko (edo/eta zein agindu jasotzeko nortzuengandik?)
Zer “eragiten” ari dira “eragile” ohiek?Nahi du jakin horrelakorik herri honek? Galdetu nahi dio horrelakorik bere buruari? Bistan dago ezetz.
Jakin nahi ez duena baino tontoagorik ez dagoela esaten zuen gure aitak, eta ez entzun ez ikusi nahi ez duena baino gorrago edo itsuagorik ere.
Itsu-itsuan borreroen diskurtsoak eta aginduak betez, ezer jakin nahi ez duen gor-mutu batek, zein norabide hartuko du?
Baina, borreroekin biltzen al dira ba “gure” hauek ere, beraien aginduei “eusko labela” jartzeko eta ez besterik? Bai zera! Hori, ultraeskuindarren asmakizun zikin puta bat da! Faxista! Alde hemendik!
Azken esaldi hau, gutxi gora behera, testualki entzun izan nuen, hemen adierazten ari naizen baino elkarrizketarako askoz iradokizun apalagoekin hurBildu nintzenean (“herriari” irekita zegoen batzar batean, noski).
Ez zuten jakin nahi! Hori bai, dena balekite bezala saiatu ziren herri horretan egiteko zen hitzaldi bat boikoteatzen, hori bai.
Dena jakinik ezer jakin nahi ez dutenen eta zerbait jakin edo susmatu arren ezer esango ez dutenen artean dago gurutzeratua herri hau. Herririk balego, jakina, diodan honetaz aparte.
Azken lau urte hauen ondoren, ezetz esango nuke. Ea erratuta nagoen. Hala bedi.
……GALDURIK NOLA?
Urteetako iritzi eraketa baten menpe gaude. “Programaturik” gaudela alegia.
Oso gutxi dira “bere iritzia” garaturik bizi direnak. Ulertzeko ahaleginean bizi direnak, alegia.
Gehienetan, entzundako ustezkoen aldeko eta aurkako agerpen antzuetan galdurik jardun ohi dugula…. uste dut?. Bakoitzak bere “balkoitik txalokatzen” ustezko batzuk. Eta purrustaka, talde “guai” bateko partaide garelakoan….
Bitartean Biziak harturik goaz. Eta badirudi …… bizitzea zer den jakitera iritsi gabe!!
Besarkada haundi bat denoi.
Ezker abertzaleak, itxura, Katalunian ERCk hartu duen bideari segi nahi lioke.
Seguru, sozialismorik ez baldin bada ere, segi beharko dira langileen eskubideak defendatzen. Seguru, independentziarik ez baldin bada ere, konpetentzia batzuk eskuratzen segi beharko da…
Larriena da, kolore guztietako politikariek Progresoaren korrontearen alde igerian egitea. Korronte horrek bestelako abioan baitarama akaberarantz euskal herria.
Sikira, Madrilen soziorik bilatu barik, ezker abertzaleak eta eskuin abertzaleak bat egingo balute…
Batzarren gobernua antolatu bitartean.