Koroa Biluzik

Urkullu-Otegi, Otegi-Urkullu, ergelkerian lehiakide

Urkullu jauna, pandemiaren estatistikak irizpide logikoekin kalkulatzen hastea nahiko nuke, eta ez, osasun-erabakiak baino gehiago, zure erabaki politikoak direnak ziurtatzeko erabat manipulatuak dauden irizpide alderdikoiekin.

12

Jon Ander Etxebarria Garate

Euskadiko Biologoen Elkargoko Dekanoa. Bilbo

Alde batetik Urkullu jaunak, Espainiako Estatuko erregeordea bailitzan Euskadin, geroz eta antza gehiago duena errepublika bananero bateko diktadoretxoarekin, inolako argudio zientifikorik gabe erabaki du orain IA (intzidentzia metatua) arriskutsua 100.000 biztanleko 400ekoa dela, eta ez hasiera batetik ezarri zuten 500ekoa.

Urkullu jauna, zure adituek azaltzea nahiko nuke: Zein dokumentu zientifikotan oinarritu dira orain itxierak 400eko IA batekin ezartzeko, are gehiago denok dakigunean manipulatua dagoela?

Urkullu jauna, pandemiak urtebete bete ondoren, orain IA-ren arriskua 400ekoa dela dioten ikerketak badituzu, gustatuko litzaidake zure aditu taldeak azalpenak ematea orain arteko jardun arduragabeagatik, izan ere duela gutxira arte 500eko arriskugarritasunarekin eduki gaituzue, eta ez al da hau nahikoa arrazoi, zuen dimisioa aurkezteko herritarren osasuna arriskuan jarri izanagatik?

Urkullu jauna, pandemiaren estatistikak irizpide logikoekin kalkulatzen hastea nahiko nuke, eta ez, osasun-erabakiak baino gehiago, zure erabaki politikoak direnak ziurtatzeko erabat manipulatuak dauden irizpide alderdikoiekin.

Urkullu jauna, gustatuko litzaidake PCR proba bat egiten den bakoitzean idatziz informatzea emaitzari buruz honakoak zehaztuz: batetik, analitikaren handitze-zikloak zenbatekoak izan diren; eta emaitza positiboa izan duten pertsonetatik ehuneko zenbat diren sintomarik gabekoak. Zeren zuen informazio propioarekin, herritarrei zabaltzen ez diezuena, positiboen % 70a asintomatikoa da eta erabiltzen duzuen ziklo kopurua 35 eta 40 artean dagoenez, ziklo kopuru horietan positibo faltsuen tasa % 70ekoa da. Horregatik justuena litzateke, gardentasunari begira positibo horiek IA-ren kalkulutik deskontatzea.

Urkullu jauna, txertaketa kanpainarekin zaudetenez, gustatuko litzaidake PCR positiboen banakatzea ematea, IA-tik deskontatuz txertatutako pertsonen positiboak, zeren hauek populazio guztia txertatu nahi izatearen erabakiak eragin ditu, eta erabaki hau zuek hartu duzue. Zein da hau ez egitearen arrazoia? Segur aski IA 400era jaitsi dute, txertoarekin eman daitezken positiboak mozorrotzeko, era berean herritarrak askatasun murrizketa berriekin zigortuz. Ez al da hau nahikoa arrazoi zuen dimisioa aurkezteko IA nahieran manipulatzeagatik? Ez al da hau nahikoa arrazoi zuen dimisioa aurkezteko, zuen erabaki okerrak hainbat sektore produktibori ordainarazi izanagatik?

Bestalde Otegi jauna daukagu, pandemia honekin politikari gisa zuen ospea xahutu duena, Urkullu bezala alarma egoera luzatzearen alde dagoela esanez, eta Espainiako Estatuko bigarren erregeordearen mailara igoz Euskadin hau ere.

Otegi jauna, hamaika ikusteko jaioak gara eta tamalez, egun zu gure eskubideak eta askatasuna murrizten ari diren alderdi politiko eta gobernuen ondoan ikusten zaitugu, are gehiago koska bat igoz diktadoretxoen arteko liderra izan nahian.

Otegi jauna, Urkullu jaunari esan dizkiodan desira eta dimisio eskaera guztiak zuri ere esaten dizkizut. Zure kasuan baina, are lazgarriagoa da ni bezalaxe aurrerakoiak izateaz gain abertzaleak ere bagarenontzat, “arazoa alarma egoera propioa ezartzeko burujabetzarik ez dugula” esaten entzutea. Otegi jauna, gure eskubideak eta askatasuna murrizten dituen burujabetza izateko, hobe ez izatea; ea zortea dugun eta estatuko gobernua zentzudunagoa den eta alarma egoera kentzen duen. Nork esango zigun etxeratze-aginduak eta alarma egoera defendatzen ikusiko zintugula…Ez al dizute hainbeste borrokatu genituen diktadura frankistako salbuespen egoerak gogorarazten?

Bestalde, gizarteak esnatzeari ekin behar diola pentsatzen dut eta bere eskubideen eta askatasunaren alde borrokan hasi behar duela desobedientzia baketsua erabiliz, adibidez idatzizko txostena eskatuz PCR proba egitean, bertan erabilitako hedapen zikloak zehaztea exijituz, eta 22 ziklora egiten ez denean edota idatziz jasotzen ez denean emaitza, telefonoz jasotzen den informazioa balekoa ez dela kontsideratu eta ondorioz konfinamendua ez betetzea; baita idatzizko informazioa eskatzea txertoaren albo-ondorioei buruz, eta medikuei behartu idatziz jartzera, bere izen-abizen eta Mediku Elkargoko kide zenbakiarekin batera, zure osasunerako txertoa hartzea komenigarria dela, betiere herritarraren esku utziz txertoa hartzeko edo ez hartzeko askatasuna eta erabakia.

Herritarrok argi izan behar dugu politikariak gure zerbitzura dauden pertsonak direla eta euren patronala gizartea dela. Patronal horren parte eta kide naizen aldetik, bai gobernuak baita politikariek ere beren soldataren % 20a beheratzea proposatzen dut, beren erabakiekin hainbat sektore profesionaletan eragin dituzten kalteak ordaintzeko diru horrekin. Herritarrok eredugarriak eta arduratsuak izatea nahi badute, has daitezela beraiek eredu izaten.

12 erantzun “Urkullu-Otegi, Otegi-Urkullu, ergelkerian lehiakide” bidalketan

  1. Aupa Jon Ander! Borrokalari nekaezina, Dabidek garaituko du Goliat, egiak gezurra, duintasunak saldukeria, gizatasunak doilorkeria….
    .

  2. Eskerrik asko, Jon Ander zure ausardiagatik!
    Egunero, gure agintariek ahoa beteta daukate gardentasuna hitzarekin, baina beste gauza askorekin bezala, hitz hutsak baino ez dira.
    Arazo pandemikoan, noski, gardentasuna ez da inondik agertzen. Idatzi duzunez, herritarrok ez dakigu zenbat ziklo aplikatzen zaien PCR probei, positiboen artean zein den asintomatikoen ehunekoa eta txertoen kasuan, ez digute inoiz esaten zenbat izan diren positibo eta zenbat ospitaleratuak edota zenbat ziu-etan, adibidez. Eta nire ustez, informazio hori funtsezkoa da zer ari den pasatzen jakin ahal izateko.
    Amaitzeko, gaizki deitutako oposizioaren papera salatu nahi nuke ez baitute ezer egiten Gobernuaren estrategia aldatzeko edo, gutxienez, izkutatzen diguten informazioa eskatzeko. Tamalgarria!

  3. Noraino iritsi diren sasi-independentista hauek, iruzurgile hauek.
    Orain beren herria suntsitzen dihardute, itotzen eta bere eldarnioen esklabotzat hartzen. Ez dago beste biderik: Nuremberg 2.0.

  4. Eskerrik asko, Jon Ander!
    Erabat beharrezkoa zure artikulua. Norbaitek esan behar zuen hau guztia, askok pentsatzen duguna, eta zuk esan egin duzu.

    Gezurtia beti harrapatzen da azkenean, jarrai dezagun bultza egiten. Ustelkeria salatzen. Besterik da disonantzia kognitiboak eta urtebeteko trauma psikosozialak erasandako jende arruntak, gure lagun, bizilagun, lankide, senide, herrikideek… iruzur erraldoia egin digutela ulertzea, eta, ondoren, onartzea… horrek denbora beharko du.

  5. 2k Aiña 10en jauna!!
    Eskerrikasko inguruko Organismo genEtikoki Modifikatuen Buruak identifikatzen laguntzeagatik, ain garbi da erraz.
    Iraganeko txontxongiloek eztute etorkizunean zereginik hariak ikusten bait zaizkie.

  6. Aupa hi!!!
    Datorren out-eskundeetan politikari guztiak kalera!!!
    Zu lehendakari!!!
    Burugabetzari stop!!!

  7. Ze aukera galdu duen Eusko Legebiltzarraren gehiengoak (Pnv+Ehbildu) Espainiako Estatuari txanda hartzeko eta osasun-arazo bat salbuespen-egoerarik gabe kudeatzeko! Subiranotasuna frogatu beharrean, “buru”ek otoi egiten dute, belaunak lurrean, aterki juridikoa arren eskatuz, saihesteko hain zuzen Botere Judizialaren bustidura, Oinarrizko Eskubideak txikitzeko egingo dituzten bidegabekerien jakitun.
    (Mendigorri Amurrio)

  8. Zorionak zure ausardiarengatik. Bejondeizula. Lotsa sentitzen dut ordezkatzen gaituzten agintari hauekin

  9. Kalean borrokatu behar dugu eta beste alderdi politiko bat behar dugu Euskal Herrian. Premiazkoa da!

    Medioetan Covi-diktaduraren aurka borrokatzeko eta benetako bizitza eta Euskal Herriaren alde lan egiteko pertsona batzuk Independentea sortu zenuten. Eskerrik asko zuen lana eta ausardiagatik!

    Fronte guztietan borrokatu behar dugu, bestela hilda gaude. Ez badugu borrokatzen Covi-diktadura hau ez da berez bukatuko, hori ez da gertatuko. Inoiz ez da halakorik gertatu.

  10. Agenda eugenesiko erraldoi bat aurrera eramatea oso larria da. Agintea saltzea, herritarrak babestea dagokionari. Oso egitate larria.

  11. Beharrezkoa da geure burua defendatzea, politikari horiek saldu egin dira eta premiazkoa da alderdi eta elkarte berriak osatzea, txerto-genozidioaren bidez jende gehiago hil aurretik

Utzi iruzkina

Azken artikuluak