Albarracin doktorea

Supersimetrikotasuna odolean

María José Martínez Albarracín katedradunak egindako ikerketak aire-bidezko transmisioa baztertzen du

11

Asier Galan

Biokimika eta biologia molekularrean doktorea. Hernanin

María José Martínez Albarracín, Murtziako unibertsitatean medikuntzan eta kirurgian lizentziaduna eta prozesu diagnostiko klinikoetan katedraduna dugu. Hasiera-hasieratik izan da gure inguruan iruzurrari, gehiegikeriari eta erakundeen manipulazioari buruzko ahots argi eta sendoenetako bat “COVID krisian”. Egun erretiratuta dago, eta, bere ibilbide profesionalaren barruan, biokimikako, inmunologiako eta teknika analitiko instrumentaletako irakaslea izan da. Duela gutxi, ustezko agente patogenoaren kutsagarritasunari buruzko baieztapen batzuk argitaratu ditu bibliografía zientifikoaren azterketa sakonaren ondorioz. Ebidentzia berrienetan oinarrituz, ikerlari honen arabera ustezko birus berriaren transmisioa ez litzateke airean zehar gertatuko.

Alde batetik, ebidentzia esperimentalean oinarrituriko adostasun zabalak dioenez SARS-CoV-2aren hartzaile birala ACE2 (Angiotensin Converting Enzyme 2) entzima da, zelulen gainazaleko mintzari lotuta dagoena. Birusaren gainazaleko proteina jakinak giltza badira, ACE2 zelulan sartzeko sarraila litzateke. Bada, nahiz eta wikipediek baietz esan, hartzaile hori ez da birikan azaltzen, ACE2 entzima hori aurkitu zuen taldeak 2000. urtean Journal of Biological Chemistry aldizkarian argitaratutako lan batean erakutsi zuen bezala. 2020ko beste ikerketa zabalago batean “ACE2 proteinen adierazpen profila giza ehunetan”, ACE2 biriketan adierazten ez dela berretsi zen. Denok bila dezakegu ACE2-ren adierazpena giza ehunetan nasofaringean eta bronkioetan agertzen dela baina biriketan oso adierazpen baxua aurkezten duela baieztatzeko.

Bestetik, SARS-CoV-2 ezin da biriketako albeoloaren zeluletan (A549) hazi, “Pathology” aldizkarian aurtengo irailan argitaratutako azterlan batek erakusten duen bezala. Birikan birusa minbizi zelula metastatikoetan soilik erreplika daiteke eta zelula hauek ez dira birikaren jatorrizko osagaiak, beste nonbaitetik baitatoz. Astrazenekako txertoaren fitxan modu zalantzagarrian onartzen da hori, hitzez hitz esaten baita A549 zelulek ez dutela uzten “bektorea” erreplikatzen.

Gainera, aire bidezko transmisioa (tantak eta aerosolak) ez dago zientifikoki frogatuta, eta hori aztertutako lagina kultibatuz eta sekuentziatuz baino ezin da egin, Espainiako Osasun Ministerioak berak onartzen duen bezala. Hitzez hitz ministerio honen osasun-alertak eta larrialdiak koordinatzeko zentroak 2020ko azaroaren 12ko eguneraketan argitaratu bezala: “Kasu guztietan detektatutako RNA kopurua txikia izan zen, eta birusa ezin izan zen hazi.” [mscbs.gob.es 8. orrian]

Beraz aire-bidezko kutsatzerik ez da ezagutzen gaixotasun honetarako, aldiz ustez honen erremediorako erabiltzen diren maskaren kaltegarritasuna ezaguna da oso aspaldidanik, Independenteak artikulu honetan jasotzen duen bezala eta Munich-eko anestesiologoek dioten bezela, musukoa kaltegarria dela –nik hor TUM-en egin nuen postdoka–. Danimarkako beste artikulu berri honek (ia 6000 partaideekin) ez dela kutsatzen esaten du ere. Dirudienez 3 aldiz arbuiatu zuten aldizkari batzuetan, eta azkenean onartu behar izan dute eta azaroaren erdian argitaratu da.

Azkenik, Covid-19-ren neumonia bereizgarria aldebikoa, simetrikoa eta interstiziala da, eta horrek frogatzen du patogenia odolaren bidez sortzen dela, biriketako albeoloen interstizioan, gasen elkartrukea gertartzen deneko gune mikroskopikoa, odol-kapilarrak baitaude.

Laburbilduz:

Onartzen badugu Covid-19 deituriko gaitza SARS-CoV-2-k sortzen duela eta aipatu koronabirus horren hartzaile zelularra ACE2 dela, birus horrek ezin duenez birika-zelula naturaletan hazi eta ACE2 hartzailea birika-ehunean agertzen ez denez, nahitaez ondorioztatu behar dugu Covid-19 izendaturiko gaitza ez dela airetik transmititzen eta beraz musukoak ez direla baliagarriak transmisioa geldiarazteko. Are gehiago, behaturiko aldebiko neumonia biziki gertagaitza da aire-bidezko kutsatze batean, odol-bidezko intoxikazioaren hipotesia indartuz. Gure galdera orain gaitz supersimetriko hau odolera nola iritsi den izango litzateke. Aposturik?

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

11 erantzun “Supersimetrikotasuna odolean” bidalketan

  1. Susmoa dut polisorbatoak zerikusia duela…
    Nolanahi ere apustua irabazteko Neil Fergussonen eta Bill Gatesen aitorpenak izan beharko lituzke eta AEBtako demokraten “HR6666” (ez dute ezta zenbakia ezkutatzen) lege-proposamena berriakurri beharko nuke, Covid 19 Trace Act Testing, Reaching And Contacting Everyone izenearen ezagutzen dena eta Donald Trump AEBko egungo presidenteak bertan behera utzi duena.
    Abestiak esaten duen bezala: ibiltzen aspaldi ikasia dugu otsoa eskutik hartu gabe.

  2. Zientzia kontuetan ez naiz sartuko, ideiarik ez, baina egunero odola janari bidez nola toxika dezakegun susma dezaket, intuizio eta eskarmentuaren nahasketa bat da. Eri dauden haztegietako abereen odol eta haragi bidez gerta liteke gu gaixotzea?

  3. Nere iruzkizuna da… Hitz tekniko gehiegui eta euskeraz ulertzeko oso zail egiten da baina oso ados nago esandakoarekin kontenta!!!

  4. Kaixo Gorka, hire galderari: “Eri dauden haztegietako abereen odol eta haragi bidez gerta liteke gu gaixotzea?”…nire ikuspegi edo eta intuiziotaz ere, ez dut duda handirik.

    Baina gauza bera esango nuke, hire galdera horrela izan balitz: “Abereen odol eta haragi bidez gerta liteke gu gaixotzea?”…Eta hau, naiz ez izan hain akademikoa eta onartua… bai da Esistentzian Zientzian parte nagusiena, baizik bete betean espiritualitateakin zer ikusia dauka.

    Ondo izan lagun

  5. Zorionak horren artikulu argigarri honengatik. Azken galderari erantzuten saiatuz esango nuke, beste irakurle batek esan duen bezala, elikaduran egon litekeela erantzuna. 5G hipotesiak ere arreta merezi luke.

  6. Iker Galan jajaja ni bai Kontento, bai 😉
    zure hitz jokoak aldiz ulertzeko errezegiak!

  7. Eskerrik asko zuen ekarpenengatik. Ez dakit birus honen nondik norakoak ezartzen inoiz erabateko adostasunik izango den mundu mailan, gai guztiekin geratu ohi den bezala: Jainkorik ba al da? Mari existitu ote zen? Dorre bikien atzean nor egon zen? Nork hil zuen John Lennon? Ilargia zapaldu ote zuen gizakiak? Nor egon zen GAL-en atzean? Adolf Hitlerek bere buruaz beste egin ote zuen ala ihes? Ezkutuko baseak ba al ditu Pentagonoak? Extra-luratarrek bisitarik egin al digute?Eta abar zoritxarreko luze bat.
    Baina, bien bitartean… zer dagokigu? Ikertzen segi? Iturri hainbat eta ahalik eta gehien aztertu? Egia bilatzen ahalegindu?Musukoa jantzi? Erantzi? Esaneko otzanak izaten jarraitu? Noiz arte? Zergatik?
    Ni, egia esan, galduta sentitzen naiz. Ezker eta eskubi begiratu eta… barruak zer esaten didan asmatzen ez zait erraza egiten ari. Oraingoz … “eutsiyon Ane!” esaten dit. Ez dakit, bada, noiz arte edo zertarako.
    Baina gogoa egiten zait erantzun ezberdin bat antolatzen ikusteko, Herri mailan, botere harremanetatik at. Bizitza erdian jartzeko ideia entzun eta entzun ari gara. Horren esanahi sakona eta zehatza, antolatua eta kudeatuta behar dudala uste dut. Nondik has naitekeen baten batek iradoki al lezake zerbait?

  8. Eskerrik asko Asier emandako informazioagatik. Birus kutsakor bat dagoen jakiteko errezegia dela ikusten dut, ustezko gaixotasuna daukanarekin boluntarioak gela batean elkartu eta ia zer gertatzen den ikusi. Ez naiz aditua baina senak hori esaten dit. Froga hori egin dute?
    Batek daki jendea zertaz hil den: hedabideen beldurragatik, gripean txertoagatik, maitasun faltagatik, elektromagnetismoagatik… lotsagarriena: montai honen atzean daudenak ez dutela ikertuko.

  9. “Astrazenekako txertoaren fitxan modu zalantzagarrian onartzen da hori, hitzez hitz esaten baita A549 zelulek ez dutela uzten “bektorea” erreplikatzen.”

    Kaixo, hemen duda bat sortzen zait: hitza “zalantzagarrian” ondo erabilita dago, edo “zalantzarik gabe” esan nahi zen?

  10. Zalantzagarria dena ‘bektore’ hitza erabiltzea da, oso kontzeptu zabala bait da, ‘birus’ hitza erabili beharrean

Utzi iruzkina

Azken artikuluak