Osasun eta hezkuntza munduko profesional batzuk gara eta eskola Covid protokoloak guztiz desagertzeko eta berriro errepika ez daitezen manifestu bat idatzi dugu elkarrekin. Artikulu honetan manifestu hori elkarbanatzen dugu, eta, ezagutzera emateaz gain, osasun eta hezkuntza munduko profesionalen atxikimendua eskatzeko xedea du. Osasun edo hezkuntza munduko langilea bazara, manifestu hau irakurri eta, ados bazaude, bidali zure atxikimendua honako helbidera: manifestua@protonmail.com. Bertan zure izen-abizenak adierazi, lanpostua eta, osasun-langileen kasuan, kolegiatu-zenbakia ere bai. Gure asmoa, behin atxikimenduak lortuta, manifestu hau publiko egitea da.
Gogoratu, nahiz eta maskara derrigorrezkoa ez izan gaur egun ikastetxeetan, oraindik protokoloak dirauela eta protokolo zorrotzaren eta maskara derrigortzearen itzalak gure gainean jarraitzen duela. Azken bi urteetan bizitakoaz geroztik, edozein momentutan gure askatasunen eta subiranotasunaren galera gerta daitekeela dakigu, beraz, osasunaren kontrako protokolo hauek (gogoratu 2020an 15 eta 29 adin tarteko gazteen bigarren heriotza-kausa suizidioa izan dela, beste hainbat gauza oso larriren artean) errepika ez daitezen, manifestu honi zure atxikimendua eman diezaiozun gonbitea luzatzen dizugu.
Hemen manifestua:
