Niretzat, Jon Ander Etxebarriaren herri-plataformen proposamena, Bizitzak jada ohituta gauzkan trikimailu horien antzera, orain P. A. jaunaren alderdi politiko horrekin (oinarrian ideia gaitzesgarri samarra duelako susmoa dut), oportunismoarekin sortzen diren proiektuak dira. Sektak ekartzen dizkidate gogora; sektek jarraitzaileak bereganatzen dituzte pertsonak mota bateko edo besteko krisiren bat pasatzen ari direnean, orduan baitaude mentalki babesgabeago, ahulago, eta irtenbide bila ari dira, presa daukate eta… zas!!! Norbait agertzen da mirakuluzko irtenbidearekin, eta biktimak horri heltzen dio iltze goriari heltzen zaion modu berean, etsipenak jota dagoelako eta zerbaitetan sinetsi beharra daukalako. Oportunismo hori hauteskundeetarako bi proposamen hauenaren berdina da.
Une hauetan, guztia behera etorri da, eraitsi egin da, ezagutzen genuen mundua mila puskatan desegin da. Tamalgarria da, Bizitzak izan zituen lehen deialdi arrakastatsuetatik bertatik, batzuei, maltzurrenei, otu izana nolabaiteko probetxua atera zezaketela horrekin, horrela ditxosozko plataforma sortzera bultzatu gintuzten benetako interesak usteltzen utziz. Horrela gertatu dira, pixkanaka-pixkanaka, hainbat burugabekeria eta plataformako kideen baja jario etengabe bat. Nik aspaldi alde egin nuen, arriskuaz konturatu nintzenean eta borondate oneko jendeak itxaropenarekin jarraitzen zuela ikusi nuenean: nik eta beste batzuek sortzen ari zela ikusten genuen munstroarengan itxaropenarekin, alegia.
Tamalgarria da batzuei otu izana nolabaiteko probetxua atera zezaketela horrekin
Hala ere, badaude bi proposamenak desberdintzen dituzten ñabardura batzuk, eta komeni da hauek argitzea. Jon Anderrek, bere proposamenarekin, onginahia besterik ez du, eta erakundeetatik agerian utzi nahi ditu aurretik existitzen diren ohiko alderdi politiko eta koalizioak, herria saldu dutenak, traizioa eginez gizakiari eta berez dituen eskubide guztiei, banakakoei zein kolektiboei. Asmoa behintzat ona da, nahiz eta gaizki hasi antisistema deituz sisteman parte hartzea eskatzen duen estrategia bati; izan ere, formula horrekin askotan saiatu gara eta porrot egin du beti. Eta, zoritxarrez, oportunista deritzot horri, abstentzio aktiboaren momentua baitzen hau, zuzeneko demokraziarena, eskema zaharrak apurtzekoa eta beste bide batetik saiatzekoa. Bide berri batetik ibiltzen hasteko unea, hain zuzen ere, horrek berez dituen arriskuekin, estropezu egiteko aukerarekin, horrela ikasten baita eta horixe baita aurrerantz oinez jarraitzeko modua. Horrexetarako baita bizitza azken finean, ibiltzeko; estropezu egin, altxatu, huts egiteetatik ikasi eta oinez jarraitzeko beti xede baterantz; nire kasuan, bidezko mundu libre baten utopiarantz, inposaketarik gabekoa, tiraniarik gabekoa, desberdinkeriarik gabekoa…
Formula horrekin askotan saiatu gara eta porrot egin du beti
Jon Anderren proposamenak zuzeneko demokrazia eta antisitema bezalako kontzeptuak nahasten ditu, eta hori jendea nahasaraztea da eta hitzekin jolastea da. Joko zikina deitzen diot nik horri, eta pena handia ematen dit; izan ere, plataformen estrategiarekin bat ez natorren arren eta abstentzio aktiboaren aldekoa banaiz ere, errespetua nion guztiz aukera horri, Jon Anderren asmoa ona zen. Baina, bere diskurtsoa nondik hasi duen ikusita, etsipen handia izan dut.
Eta bueno, zer esan Bizitza plataformaz…?! Eta zer esan estatu polizialaren aldeko eta xenofobiarantz lerratutako ideiak dituzten pertsonaiez, nahiz eta espainol beharrean ‘euskal’ izan; zer esan miniaturazko Hitler moduko batez, Euskal Herriko eta nazioarteko esparru politiko guztietan nagusi den anabasa garaiotan aprobetxatzen duena ur nahasietan arrantza egiteko, ea orain amua irensten duen lehenago Liga Foralista izeneko (Euskal VOX ere deitua) alderdi xenofobo eta parapolizialaren amua irentsi ez zuen norbaitek.
Gainera, gogorarazi nahi dut Bizitzak eta Euskalnews.com online hedabide xenofobo eta parapolizialak, Liga Foralista delakoaren fundatzaileak berak sortutako hedabideak, lotsagarriro elkar elikatu dutela azken urteetan.
Horregatik, oraindik proiektu elektoraletan itxaropenik duen inor baldin badago, pentsa dezala zer dagoen Bizitza plataformaren barruan sartutako alderdi horren atzean, nolako ziria sartu nahi dioten eta zein ideia irentsarazi nahi dizkiguten. Eta, udaletan landuko diren beste hainbat arlotan, hala nola identitate nazionalak, presoak, euskara eta beste, zein jarrera hartuko dute? Edo “marihuanaren legalizazioa” eta halakoen moduko alderdi mota horren antzekoak izango dira, “proiektu politiko” bakartzat dutenak txirriak erretzea?
Patrik, erantzun hau ez da inor defenditzeko. Ez inor erasotzeko. Zihur bainaiz Jon Ander bere burua defenditzeko gauza dela. Besteez etzakit asko, etzait axola handirik ere. Kontua da beti bezala, jende arras ezberdina izan daitekeena, zure betiko “egiarekin jabe naiz” jarreraz, zaku berean sartzen ari zarela. Hitz itsusiak dire “sekta” eta “oportunista”. Nik uste ezagutzen dudan kasuan- Jon Anderrena hain zuzen- inolaz ere ez merezitakoak. Estrategiari dagokionez ados izan gaitezke ala ez. Zurekin ados izan naiteke bozkatu ala ez kontuan adibidez. Baina berriz ere, zure IRITZI edota jarrera bera ez daukan edonor -ñabardura gutxi batzuengatik bada ere- etsaia bihurtzen duzu. Eta iritziak iritziak dira. Nire ustez ezin da eraiki gizarte libre bat jarrera autoritarioez. Euskaraz badago esaera zaharra, arrunt polita, seguraski ezagutuko duzuna: Belea zozoari ipurbeltz. Fasxismoa etabar KRITIKATZEAK eztu pertsona bat, ez bere izateko modua “libertario” bihurtzen. Batzuk EHlibre baten alde diskurtsu hori betidanik izan dute, plandemian neurri faxistak sustengatzen PSOEren gobernua babesa emanez amaitzeko. Zure burua anarkistatzat hartzen duzu beño hortarako dexente autoritario eta arau jartzaile azaldu zara urte hauetan, gero eta gehiago. Giza kontraesanak.
Noiztik norberen ikuspegia adieraztea autoritario izatea da? Pixkat tematuta agian, baina autoritario? Patrik: ez erori probokazioan…
Ups, agian ni ere autoritario ote, esaten dizudalako paso egiteko? ; – )
Patrik: gauzatxo pare bat, besterik ez.
Ados sistemaren barruan antisistema izan nahi hori kontraesan nabarmena dela, eta ados, dena behera etorri da eta agian da unea (aspaldikoa agian ere bai) beste era zuzenago eta horizontalago pentsatzen hastekoa. Pablo Sastreri gaizki ulertu ez banion, herritarren arteko konfiantza maila izorratua zegok. Nik ez dakit nola egin daitekeen, baina probak egitea kalterik ez, alderantziz, onurak ekarrizko lizkiguke.
Komenta nahi nizuken bestea zera da, Jon Ander Etxabarriak testu eta jarrera argigarriak eskaini dizkigula eta nik eskertu egiten dizkiodala, plataformak plataforma.
Ongi izan eta segi testuak idazten eta proposamenak egiten, gustura irakurtzen dizkiat eta.
Ez naiz probokazioetan eroriko, Kote. Ez dago iritzi bat eman eta komodin autoritarioa ateratzea baino gauza atsegingarriagorik, kontra egiteko argudiorik ez dutenean. Gainera, autoritarioa izatea Interneten talde baten moderatzailea izatea da , eta ez magufadak eta faxistadak argitaratzen uztea? Baina Senen, probokatzailea izateaz gain, lapurtutako talde baten moderatzailea zara, nortasun faltsuarekin, talde bat beste batzuen izenarekin egiteak, jatorrizko taldearen ildoarekin zerikusirik ez duten edukiak sartzeko, oso leku txarrean uzten zaitu, zeure burua erretratatzen duzulako. Beste
aldetik Anarkia kaos delako kontzeptua botereen beste estrategia bat da, biztanlerian aukera horren gainean beldurra sortzeko.
Eskerrik asko Gorka zure iritziagatik. Nire ustez, Jon Ander funtsezko pieza izan da disidentzian, oso ausarta izan da egiaren alde posizionatuz eta datu eta informazio bikainak emanez. Gainera, pertsonalki ez dut ezer botatzen haren aurka. Ahaideak gara, haien aitite eta nirea anaiak ziren. Ahaidetasun horrek aintziraren antza eman diezaguke, ez batak ez besteak ez dugu ilerik mihian.
Hey Kote, autoritario zaren ala ez etzakit ezpaiaiz ezautzen beño argitu iezadak mededez zergatik batzuen iritziak “probokazioak” dira eta besteen deskalifikazioak (sektario, oportunista etabar JA izendatzea deskalifikatzea ezbada zer da?) iritziak. Agurrak
Ez dut eskatzen jende guztiak jarritakoa ulertzea, Erreflexiorako zen, autokritika pittin bat akaso sortu interesatuarengan. Haserrea eta gezurraren bat (hau berriago beño ez guztiz) lortu dut ohi den bezala. Ez dut interesik zurekin hoiek debatitzean gezurrak ez baititizut onartzen Patrik.Tristena da ikustea zure gezurrak zu zeuk ere sinesten hasia zarela. Agurrak
Senen, ez naiz gezurretan ari, izan ere, beti joan naiz nire izen-abizenekin aurretik. Zure kasuan, Facebooken eta Telegramen, “Peter Berri” deitzen diozu zeure buruari. Ezkutuan bilatzen duzun zigorgabetasun hori izenorde baten atzetik doa, eta nik ez dut egiten, aurrez aurre eta egia beti aurretik daukadalako, hori da bereizten gaituena. Agur, agur.
Batzuok alderdi politiko baten pandemiarekiko kudeaketa autoritarioak izutu ginduzan. Laster hauteskundeak izango dira eta Tasiok dinoan moduan” EH Bilduk akats eta gabezia ugari dauzkat, ez da izango guk gura dogun modukoa, ziur, askotan haserretzekoa da, baina HBren historia osoa eta EH Bilduk daramatzan hiru legealdiak kontuan hartzen bada……..” botoa emoteko ez daukagu zalantzarik.
Orain Burujabetza Demokrazia zuzena (Herri batzarrez osaturiko erakunde neutral bat) hauteskundeetara aurkeztuko da. Batzuok batzarrak beti ezker abertzaleagaz lotu dogu. Hori agian gure akatsa izan da. Eta horregaitik ezin dogu ulertu, zelan hauteskundeetara joan gai batzuk edo nahikoak zehaztu barik….
Oraingo holako batzarretan ezkerrekoak, eskuinekoak, apolitikoak denetarik dagoz, gai guztiak biltzarretan erabaki behar dabez. Eta gure eretxiz gai batzuk ez dira biltzarretan erabakitzeko, horreek danok argi eta garbi daukaguz eta horregaitik holako batzarrak ulertzea asko kostetan jaku. Guk botoa emoteko gai batzuen gainean ziurtasunak euki behar doguz, gugandik eta gure arbasoengaitik. Hori dala ta holako batzarretan sartzea gure bizitzaren zentzua galtzea izango litzateke.
Hori esanda, onartu behar da Burujabetza Demokrazia Zuzena ez dala sekta bezalakorik , hauteskundeetan beste aukera bat da.
Zer da abstentzio aktiboa?
Milesker
Mila esker Amaia Iruskieta erdira ekartzeagatik herri honetan beti nagusi behar lukeen gaia. Zeinen eroso dauden herri zapalduaren gatazka erdian neutraltzat dutenak beren buruak. Badakigu. Ideologiarik gabetza da Burugabetza. Hori Patrikek ere artikulu honetan jasotzen du, beraz eskerriak bueltan berari, eta trolari erantzuteagatik ere bai.
Patrik utzidazu mesedez nire erara gauzak itten. Batzuk ezteu protagonismorik behar eta gizartean ez gara zientifiko edo medikuak gure izena errelebantea izateko. Hasieratik, plandemia aurretik nuen FB horrela. Telegramen hasi berria nintzela eta jende gehienak funzionatzeko izengoitia izanik, horrela jarri nuen besterik gabe. Batzuei agertzen zaie nire izena eta beste batzuei ez. Hau azalpena bezela, enteratu nahi baduzu ederki, jarraitu nahi baduzu zeozer “ilun” itteko asmoz nenbilela zure arazoa. Zu zeuk aspaldi ezagutzen nauzu eta badakizu nor naizen. Edozein modutan ere horrek eztu inolaz ere frogatzen zuk diozuna egia denik maitia. Bereizten gaituena ezta zu egia aurretik zabiltzala, ez engainatu zure burua. Aholku bat, barrura begiratu pixkoat eta gero pentsatu beti arazo guztien arrazoia kanpoan dagoen ala ez. Ongi izan eta bai agur
Aitor, Abstentzio aktiboak esan nahi du ez bozkatzea, baina politika egitea insituzioetatik eta egungo sistema inposatutik kanpo, zeinak askatasunak murrizten dituen eta demokraziaren benetako kontzepturako bidea ixten duen. Zuzeneko demokrazia da politika modu horretan egitea erakundeetatik pasatu gabe, eta sistema horretan parte hartu gabe. Horregatik, oportunista iruditzen zait “Burujabetza” k termino horiek erabiltzea, guztiz kontrakoa proposatzen baitute. Plataforma gisa edo nahi den bezala aurkeztea zilegi iruditzen zait, baina jendea nahasteko hitzekin jolastea kritikagarria da. Sistema horretatik kanpo defendatzen dugun gizarte-eredua da benetan beldur diotena. Azkunak oso argi utzi zuen Kukutza kultur etxe autogestionatua suntsitu zutenean, Bilboko Errekalde auzoan. Azkunaren hitzekin hasten da bideo hau, eta kontakizun beldurgarri batekin jarraitzen du, erakundeek eta sistemak beren botere-negozioan benetan min egiten dien erantzuna zein den azalduz. https://www.youtube.com/watch?v=W6InPkrqIgQ
Zertan datza
“ABSTENTZIO AKTIBOA”
Luzifertxo baten laguntza behar dut, Jon Ander Etxebarria eta konpainia.
Izan ere, zertan datza ABSTENTZIO AKTIBOA?
Norbera abstenitzen dan bitartean, belarriak AKTOBOKI mugitzea?
Norbera abstenitzen en bitartean, zurtziloetan palotxo bat AKTIBOKI astintzean?
Josu, abstentzio aktiboa izan leike adibidez musukorik ez jartzea, eta belarriak libre!
Eskerrik asko informazioagatik
Tira, Kote
Zuek orain “ABSTENTZIO AKTIBOA” deitzen duzuena, orain arte “INTSUMISIOA” eta “DESOBEDIENTZIA”
deitzen genduen; edota Bagauda, Durangoko Heterodoxo,…
Beraz, izen-aldaketa bat besterik ez bada..
Baina zertarako nahastu, izen barriekaz,
lehendikan argi zegoena, Kote.
Musika ez jartzea
DESOBEDIENTZIA da, xinpleki.
Zergatik deitu horri, orain, “ABSTENTZIO AKTIBO”?
Kaka egiten uzteari ere “ABSTENTZIO AKTIBO”?
“ABSTENTZIO AKTIBOA” enetzat lar filosofia duk.
GURE aitonek “PASE FORALA” deitzen zioten: “se obedece, pero no se cumple”
PASE FORAL:
“pasarse la orden por debajo del forro de los cojones”
Hori al duk orain hain delikaziaz “abstentzio aktiboa” deitzen zaiona?
Tira Josu, behin aipatu dut “abstentzio aktibo” rollo hori eta zure belarriak astintzearen bueltan, besterik gabe. Ederki nago-eta ni intsumisioan, desobedientzian, edo besterik gabe, paso egiten.
Portzierto, zuen intsumisio garaian ez zenukete lotuko belarrietan musukorik, ezta? Gainera “gutxienekoa” dela esanez, jartzen ez zuten gutxiei? Nire garaian HORI EGITEN DUTE batzuk.
Musikari men EZ egitea DESOBEDIENTZIA duk xinpleki.
“ABSTENTZIO AKTIBOA” deitu nahi diozuela orain?
Tira, berba horiek modan daudelako izan duk, ezen ez aparteko argitasun ilustraturik ematen dutelako.
Nahiago dut Zapatero presidente jaun zenaren hizkera galego apodiktikoa: “sí es si”, “no es no”…