OMEk pandemien hitzarmena onartu du aho batez

Hitzarmen horren bidez, OME koordinazio agintaritzat onartzen da nazioarteko osasun politiketan, nahiz eta 3. artikuluak estatuei burujabetza aitortzen dien. Nola gauzatuko luke OMEk koordinazio lan hori? Honela:

• Patogenoen bilketa bat bermatuz eta handik sortzen diren onurak banatuz (12. artikulua).
• Logistika eta hornidura kate orokor bat eraikiz (13. artikulua).
• Pandemiei erantzuna emateko finantzaketaren koordinazioaren bidez (18. artikulua).
• Planifikazio, bijilantzia eta komunikazio antolakuntzarako egitasmo estatalak erraztuz (4., 6. eta 16. artikuluak).

Hemendik aurrera, itun hau herrialde bakoitzaren berrespenaren zain geratuko da. Berehala, Frantziako estatuko Macron presidenteak adierazpen publikoak egin ditu eta akordioaren onurak goraipatu ditu. Gogoratu herrialde horretan txerto genetikoak hartu EZ zituzten osasun langileak kaleratu egin zituztela.

Behin pandemia eta larrialdi egoerak ezarrita, hitzarmen pandemikoak aukera ematen du txerto berriak modu arinean zabaltzeko (8.2 artikulua). Big Farmari laguntza emango zaio txertoak mundu mailan azkarrago zabaltzeko; ez Covidaren kasuan bezala, orduan Afrika txertaketa masibotik kanpo geratu baitzen eta agerian geratu zen kontinente horretan Covid hildakorik ia ez zela egon, ezta, noski, txertoen albo efektu kaltegarririk ere.

6.3 artikuluak aukera ematen du berriro ere txerto ziurtagiri edo pasaporteak ezartzeko. Beraz, kontrol sozial digitalaren oinarri juridikoa ezartzen du hitzarmenak

Gainera, enpresa farmazeutikoei ez zaie konpentsaziorik edo ardurarik eskatuko haien produktuen eragin kaltegarriengatik. Hori estatu bakoitzaren esku geratuko litzateke. Gogoratu Europar Batasunak ere, txerto genetikoen erosketa handia egin zuenean, horixe bermatu ziela Pfizer, Moderna eta horrelako korporazioei. Bestalde, 6.3 artikuluak aukera ematen du berriro ere txerto ziurtagiriak edo pasaporteak ezartzeko. Beraz, kontrol sozial digitalaren oinarri juridikoa ezartzen du hitzarmenak, immunizazioaren aitzakiapean.

Zergatik da txarra hau guztia?

• Gobernuak, orain arte bezala, hitzarmena onartzera bultzatuko dira eta ez da haren aipamenik ia egingo iritzi publikoan.
• Segurtasun kontrolik gabe, txerto esperimentalak bizkorrago zabalduko dira mundu osoan.
• Disidentzia zientifikoa desinformazio gisa katalogatuko da.
• Herrialde askotan derrigorrezko txertaketa ezarriko da, Covid garaian Hego Amerikako hainbat tokitan egin bezala.

OMEtik kanpo dagoen AEBko osasun arduradunak, Robert F. Kennedyk, kritikatu egin du hitzarmen hori, korporazio handien mesedetan egina dagoela esanez. Txinak izan duen eragina ere aipatu du. Bere hitzaldian, azaldu du bere osasun politikak, infekzio izurriteak baino gehiago, borrokatu nahi dituela kutsadurak, elikadura industrialak eta farmakoek (txertoek barne) eragindako kalte orokorrak, eta horiei egin behar zaiela aurre, horiek baitira estatubatuarren osasun arazo nagusiak, bere esanetan (iturria: OMS STOP elkartea).

Covid ‘pandemian’ ikasi genuen enpresa bioteknologikoak gobernuen eta erakunde erregulatzaileen aurretik daudela. Nahiz eta txerto genetikoen kalte biologikoen aurkikuntzei buruzko artikulu zientifiko pila bat ateratzen ari diren, bioteknologia enpresa horiek botere faktikoa dute eta osagai berri eta arriskutsuak ezkutuan uzten dituzte, adibidez giza DNA zatiak, RNA sintetikoak, nanolipidoak, metalak… Itun pandemikoak, horrenbestez, bidea irekitzen die, gure osasunaren bizkar bada ere, irabaziak biderkatzeko.

Berriki Eusko Legebiltzarreko Osasun Batzodetik pasatu ondoren, argi dut oraingo politikarien esku egoteak galbidera garamatzala. Ea behingoz iratzartzen den herri hau.