OMEk botere totalitarioa eskuratu nahi du maiatzean, «osasun-krisiak eta hondamendiak» kudeatzeko

OMEk bere lana bukatu nahi du

Mozio bat proposatzen duen testu bat prestatu dugu, Udaletan edo Parlamentuetan lantzeko. Nahi duena, gurekin harremanetan jar daiteke helbide elektroniko honen bidez: eguzkilore.na@gmail.com.

Pausoz pauso kontzientziak zabaltzea eta, guztion artean, zentzugabekeria hau gelditzea lortuko dugu.

Agian, artikulu hau ikusten duen irakurleak zinegotzi edo legebiltzarkide batekin izango du harremana. Mozioa aurrera ateraz gero, Espainiako Estatuko Gobernuari, Autonomia Erkidegoko Gobernuari eta komunikabideei ere jakinaraztea eskertuko genuke. Artikuluan mozioa deskribatu dugu, izenburu honekin: OMEk NAHI DUEN AKORDIOARI EZ.

Tresna lotesleak nahi dituzte, eta OMEren esparruan «pandemiak prebenitzeari, prestatzeari eta erantzuteari buruzko akordio» bat

2024ko maiatzean, Osasunaren Mundu Erakundeak botere totalitarioa eskuratu nahi du «osasun-krisiak eta hondamendiak» kudeatzeko. «Hitzarmen, akordio eta nazioarteko gainerako tresna lotesleak nahi dituzte, nazioarteko zuzenbidearekin bat datozenak». Baita «OMEren esparruan pandemiak prebenitzeari, prestatzeari eta erantzuteari buruzko akordio bat hartzea» ere (Europar Batasuneko Kontseilua, 2023ko ekainaren 6a).

Osasunaren Mundu Erakundeak, orain arte, «gomendioak» ematen dizkie erakundea osatzen duten herrialdeei. Hemendik aurrera, juridikoki lotesleak izatea nahi dute.

Joan den mendearen amaieratik aurrera, giza-osasunaren zaintza helburu nagusitzat izateari uzten hasi zen OME. Erakunde hori gobernuek ordaintzen zuten, oro har, baina Gro Harlem Brundtland-ek Zuzendaritza Nagusia bere gain hartu ondoren, 1998tik 2003ra kargua bete baitzuen, finantzaketa handiagoa nahi izan zuen. Nazioak aurrekonturako ekarpenak handitzeko gai ez zirenez, atea ireki zitzaion finantzaketa pribatuari. Gaur egun, estatu kideek aurrekontu osoaren %20 baino gutxiago egiten dute, OMEren gainerako finantzaketa borondatezko kontribuzio gisa egiten da eta erakundeak bide librea uzten die fundazioen ekarpenei (adibidez, Bill eta Melinda Gates fundazioarenak) eta farmazia-enpresen ekarpenei. Baina entitate horiek erabakitzen dute nora bideratu borondatezko ekarpenak.

Entitate pribatu horiek erabakitzen dute nora bideratu OMEri egindako borondatezko ekarpenak

Orain, OMEk gomendatu baino ezin du egin, baina, prestatzen ari diren aldaketekin, erakunde horretan erabakitakoa herrialdeetan aplikatzera behartu nahi dute. Nor dago atzean? OMEk diru eta botere gehiago nahi ditu osasun-mundua modu basatian gobernatzeko, baina finantzatzen duenaren boterearen menpe dago benetan. Gizadiarentzako osasun-diktadura gauzatu nahi du.

Espainiako Estatuko Autonomia Erkidegoek, Parlamentuek eta Gobernuek osasunaren arloko erabakiak hartzea nahi dugu, osasun-arloko profesional independenteek aholkatuta, betiere farmazia-multinazionalek kontrolatzen ez badituzte. Osasunari dagokionez (txertoak, beste medikamentu edo test batzuk eta abar), gizaki bakoitzak tratamenduak hartzea edo ez hartzea, eta osasunari eta bizitzari buruz erabakitzea sustatzen dugu. Ez dugu ez espazio publikoetan ez pribatuetan jendea manipulatzea eta derrigortzea onartuko. Giza eskubideak errespeta daitezela, Nurenbergeko Kodean edo Oviedoko Hitzarmenean, adibidez, jasotzen den bezala.

Javier Pérez Cueva,
Eguzkiloreko koordinatzailea