Covid Pasaportea

Nazismoaren garaiko neurri totalitarioa

Zein da inokulatzen ez direnak diskriminatzeko eta gizartetik kanpo uzteko arrazoi zientifikoa?

3

Jon Ander Etxebarria Garate

Euskadiko Biologoen Elkargoko Dekano ohia. Bilbo

Gotzone Sagardui andreak “Covid Pasaportea” iragarri du, nazismoaren garaiko neurri totalitarioa.

Urkullu jauna, Gotzone Sagardui andrea, Maddalen Iriarte andrea, “Trifatxito”-aren aurkako “harresia” izango zaretela? Sinistu behar dizuegu pasaportea lehenengo eskatu zuen Feijoo jaunarekin bat egin duzuenean? Uste duzue horrela subiranotasuna bultzatzen duzuela?

Azkenean osasun-agintariek onartu behar izan dute inokulatutako pertsonek kutsatu dezaketela eta kutsatu daitezkeela. Orduan, zein da inokulatzen ez direnak diskriminatzeko eta gizartetik kanpo uzteko arrazoi zientifikoa?

“Pasaporte” horren atzetik zer dago: Zientzia? Ala gizarte-kontrol hutsa?

“Olatu berri” hau gripearen eta “SarsCoV-2″aren “txertoarekin” inokulatuta dauden pertsonak ospitaleetara eta ZIU-Zainketa Intentsiboen Unitateetara heltzen ari direnean gertatzen ari da. Aldi berean, Covid-19arentzako egin ziren behin-behineko kontratuak bertan behera uzten ari dira. Bitxia da, ezta? Eta bide batez… baditugu beste urte batzuetako datuak denboraldi honetan ea kolapso handiagoa ere izan dugun jakiteko?

Aztertu ditzagun aste honetako datuak:
– Aurreko astean baino %39,94 PCR test gehiago egin dituzte (ia erdi bat gehiago, positibo gehiago lortzeko).
– Azken eguneko positiboak 309 dira eta horiek ospitaleratutakoen %1,7 eta ZIUetako %9,4 dira.
 
Adinaren araberako txertaketaren ehunekoak kopuru hauei aplikatuz gero, honako kopuru hauek ateratzen dira hiruko erregela aplikatuta:

Euskal Herriak ez du ez faxismorik ez gezurrik behar, eta bai demokrazia gehiago eta osasunarekiko, giza eskubideekiko eta askatasunarekiko errespetu handiagoa

– 114 ospitaleratutakoak, horietatik %72 inokulatu pertsonak izango lirateke.
– 30 ingresu ZIUetan, horietatik %73 inokulatutako pertsonak izango lirateke.
– Heriotzak: ia %95 inokulatutako pertsonak izango lirateke.

Zifra horiek bat datoz, besteak beste, Extremadura moduko zenbait erkidegotako datuekin, Benito Doktoreak aztertu dituenak, eta baita gure inguruko hainbat herrialdetakoekin ere, hala nola Britainia Handikoekin- Horietan covid pazienteen hiru laurden edo gehiago inokulatutako jendea da. A zer kasualitatea EAEn eta beste leku batzuetan justu kontrakoa ateratzea!

Argi gelditu da gehiengo oso handia txertatutakoak direla. Zein da, orduan, inokulatu gabeko pertsona horien arriskua?

Bestalde, intzidentzia metatua 150ean kokatuta, 500 biztanletik beherako udalerrietan, adibidez, kasu bakar batek (eta 5.000 biztanletik beherako udalerrietan, 2 kasu eguneko) balioko luke eremu gorrian sartzeko. Bakoitzak epai dezala gehiegizko neurri horien egokitasuna.

Euskal Herriak ez du ez faxismorik ez gezurrik behar, eta bai demokrazia gehiago eta osasunarekiko, giza eskubideekiko eta askatasunarekiko errespetu handiagoa. Dimisioak orain.

Bizitza webgunean argitaratuta estreinakoz

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Nazismoaren garaiko neurri totalitarioa” bidalketan

  1. Pasaporte nazia ezartzen saiatzearen larriena da ikustea gure herrian gehienek,ixiltasunarekin bada ere, nola babesten duten….distopia irrazionaltasunaz elikatzen da. Larunbatean Bilbon ikusiko dugu jendea benetan esnatzen ari den, guk erlojuari korda ematen segitu beharko dugula jakitun.

  2. Herri mugimenduak bidegurutzean direlakoan nago ere, ez dago jada erdibidekorik eraso honetan. Oso agerikoa da jada borroka hau, estalkiak erori dira eta oso mehea da bi aldeak bereizten dituen aria, hor erdian ez dago lekurik. Herriarekin zaude edo faxistekin zaude, ezezagunen goiko aginduetara zaude edo sufritzen ari den herritar xehe, haur, heldu, langile edo ikaslearekin zaude. Hitler, Franco, Mussolini, Sanchez, Urkullu, Sagardui, Iriarte, Otegi, Soros eta abarren atzen ezkutatu diren jauntxo dirudunen aginduetara zaude, edo zure oinarri izan den herriarekin zaude. Eta ez du itzulerarik izango egindako hautuak edozein delarik ere herri mugimendua, izan alderdi politikoa, sindikatua, kirol elkartea, bertso elkartea, ikastolen elkartea, komunikabidea… Herriarekin zaude orain edo ez zara inoiz berriz izango nire iritzian. Unea historikoa da.

  3. Txisa eta kaka goitik behera egin digute. Gezurrak, kontraesanak eta zentzurik gabeko jokaerak ikusi ditugu: jende guztia kutsatzen dela baina ez dela gaixotzen ezta hiltzen ere ikusi dugu, beste herrialde batzuetan normaltasunez bizi direla ikusi dugu, legez kanpo 3 hilabetez kartzeleratu gaituzte… orain balio ez duen medikamentu transgenikoa derrigortu nahi dute. Zer gehiago behar dugu honek osasunarekin zerikusirik ez daukala ikusteko? Otegik FARTSA hau salatu arte itxaron behar dugu? Ba itxaroten jarraitu.

Utzi iruzkina

Azken artikuluak