Bizitzaren agerraldi ikusgarria

Milaka herritar askatasunera bidean tinko

“Stop diktadurarako pasaportea” eta “Askatasuna” zioten pankarten atzean, orain arte Bizitza Plataformak deituriko manifestaziorik jendetsuena izan da gaur Bilbon arratsaldeko 17:00etan.

4

Irati Mujika Larreta

Ama. Burujabetzaren alde. Aramaixo

Suhiltzaileen presentzia itzelarekin eman diogu hasiera gaurko manifestazioari, gure haurrak babesteko prest gaudela argi erakutsiz: haurrak, ez baitira laborategiko xaguak, ez baitira mundura sortu farmazia industriaren medikamentu esperimentalak probatzeko.

Horregatik aste honetan bertan Iruñean egin bezala, datozen egunetan Bilbon umeen inokulazioa gelditzeko kereila sartuko du Bizitza Plataformak Liberum elkartearekin batera, preskripzio faltagatik eta informazio faltsua emateagatik.

Bizitzak berriz ere elkartasuna eta babesa eskaini dizkigu, inposaketa eta diskriminazioaren aurrean ez gaudela bakarrik eta euskaldun gisa zutik sentitzeko.

Neguarekin batera neurriak gogortu eta mobilizazioak indartu dira: abenduaren 18an Donostian bizitako zirrara, herri eta eskualde askotara zabaldu da azken asteetan. Geroz eta gehiago gara kalean, lantokian, herrian, lagunartean, kiroldegietan… elkartzen ari garenak, guregatik eta, batez ere, gure ondorengoengatik.

Orain eta hemen, pasaportea gelditzeko unea da eta lortzen ari gara! Informazioa zabaltzeko lana hartu dute herritar askok, beren herriko tabernetan, ikastetxeetan, udaletxeetan… Pasaporte hau ilegala delako eta hainbat tratatutan jasotako oinarrizko eskubideak urratzen dituelako. Ekintzaile asko dira, eguneroko praktikaren bidez, diskriminazioa gainditu eta neurri hau indargabetzen ari direnak kiroldegietan, lantokietan… Bide judiziala ere martxan jarri du Bizitza Plataformak: pasaportea jarri denetik hainbat jendek aurkeztutako erreklamazioak jasotzen ari gara urtarrilaren 31 bitartean, eta, ondoren, lurralde bakoitzeko epaitegietan aurkeztuko dira abokatu baten laguntzaz (informazio gehiago: pasaportea@protonmail.com).

Harridura eta sumina, beste aldera begiratzen duten eragile eta pertsonak asko direlako oraindik. Bi urte hauetan jazotakoa aztertzeko eztabaida publikorik ez eta datorrenari neurria hartu ezinik daudela dirudi, beste aldera begira. Elkarbizitza bezalako hitz potoloekin zenbat proiektu eta diru-laguntza ote daude gure herrian… Eta orain, gehiengoa txintik esan gabe diskriminazio honen aurrean.

Milaka eta milaka gara askatasuna tinko defendatzeko erabakia hartu dugunak. Argi dugu agintariek inposatzen dituzten errezeta zaharrek gure bizimoduarekin talka egiten dutela, eta pixkanaka hasiak gara elkar babesteko eta osasunean ere burujabe izateko guneak sortzen.

Gora Bizitza! Gora Bihotzak! Osasuna, maitasuna eta askatasuna.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

4 erantzun “Milaka herritar askatasunera bidean tinko” bidalketan

  1. Bikain Irati. Experimentazio fasean dagoen medikamentu transgeniko hori ez dugulako gorputzean sartu nahi, gure seme-alabei ez diegulako sartu nahi. Informatu garelako. Gure buruaren jabe garelako. Elitearen txotxongiloei hitz bat ere ez diegulako sinesten. Ez dugulako bigarren mailako herritarrak izan nahi: pasaporte nazirik EZ!
    GORA BIZITZA,
    GORA INDEPENDENTEA!

  2. Bikain Irati, bikain Bizitza, bikain Oier, bikain bildutako guztiok.
    Ederra atzoko manifa!!
    Presoak eta presoena gogoan.
    Harro sentitzeko moduko herria…
    badoa esnatzen Euskal Herria💪🏞️🌊

    Bi zer egin:
    Bata, Merkatu/Estatuko psikopaten erasoei eustea.
    Bestea, egunerako bizimodua guk geuk antolatzea:
    “Oinarrizko beharrak
    (Jan, Lo, Lagunak)
    kolektiboki bermatu
    (Auzolana, Batzarra, Komunala)
    soldataPEtik AT.”

  3. Bat sistemaren parte eta arte aktibo eta erabakitzailea denean ordua ez da sistemaren aurka bihurtzen.
    Horregatik, ezinbestean onartu behar dugu erantzunkizun hori.
    Bertikaltasuna higatzea bere erorketa helburuarekin eta horizontaltasuna azalera atera dadin.
    Atzoko manifestazio erraldoian entzundako konsigna askok bakoitzak sentitzen zuena eta barneratuta duena adierazten zuten, lelo zehatzen mende egon gabe. Hori da bidea, kolektiboan ekarpena egiten duen, indartzen duen eta isurtzen den subiranotasun pertsonala.

  4. ITZELA IRATI, ESKERRIK ASKO!!! ITZELA BIZITZA PLATAFORMAKO ANTOLATZAILE TA PARTAIDE GUZTIOK!!! MILAESKER!!!!
    Atzo Bilbon elkartu ginen guztiontzat BESARKADA erraldoi bana bihotz bihotzetik!!! GORA GURE BURUJABETZA!! GORA GURE HAURRAK!!! GORA GURE BIHOTZAK, GURE OSASUNA ETA ASKATASUNA!! ERRESPETUA!!!
    Eraiki daigun geure bidie holaxe!!! AUPA BIZITZA!!!!
    ESKERRIK ASKOOOOO!!!!

Utzi iruzkina, izen eta abizenez

Azken artikuluak