Gazte Koordinadora Sozialista

Kontrol dispositiboari planto

Farmazeutiken eta enpresari handien interesei erantzunez, EAEko eta Nafarroako gobernuek «covid ziurtagiria» ezartzeko baimena eskatu dute.
Bada posizioa hartzen hasteko garaia.

8

Mikel Aginagalde

Komunikazio-zientziak. Hernani

Bada posizioa hartzen hasteko garaia. Berandu baino lehen irmo azaltzeko garaia. Aspalditik dakigu hau ez dela osasun afera; hau kontrola, diktadura eta faxismoa da. Boikota egin diezaiogun, beraz, pase nazia ezartzen duen orori.

Aspalditik dakigu hau ez dela osasun afera;
hau kontrola, diktadura eta faxismoa da.
Boikota egin diezaiogun, beraz, pase nazia ezartzen duen orori

MIKEL AGINAGALDE

EAEko eta Nafarroako gobernuek «Covid ziurtagiria» ezartzeko baimena eskatu diote Espainiako Gobernuari.

Eta horren harira hain zuzen ere gazte sozialistek hartu duten posizionamendu garbia pozez ospatu eta bihotzez partekatu dugu Independentean. Euskal Herriko Gazte Koordinadora Sozialistak ‘Covid ziurtagiriari ez!’ aldarrikatu du. Eta hiru gako nabarmendu ditu:

  • Farmazeutiken eta enpresari handien interesei erantzuten die.
  • Kontrol sozialerako bitartekoa da.
  • Ez da osasun arazoaren aterabide errealik planteatzen.

Gedarrek, GKSek komunikatzeko erabiltzen duen langile-kazetak, atzokoan jaso zuen:

«Baliteke, aurki, Hego Euskal Herrian ere derrigorra izatea Covid ziurtagiria, besteak beste, hainbat ostalaritza-lokaletara sartzeko edota aisialdiko hainbat ekitalditara bertaratzeko». 

Asteartean jakinarazi zuten neurri hori hartzeko baimena eskatu diola Eusko Jaurlaritzak Euskal Autonomia Erkidegoko Justizia Auzitegi Nagusiari, eta, antza, Nafarroako Gobernuak ere ziurtagiria indarrean jartzeko asmoa azaldu dio Nafarroako Ostalaritza eta Turismo Elkarteari.

Gazte Koordinadora Sozialistak neurri horren ezarpenaren aurkako jarrera erakutsi du. Covid ziurtagiriari ez! aldarri hartuta egin zuen argitalpen bat atzokoan, eta hiru puntu nagusiri egin zien azpimarra.

Batetik, salatu zuen farmazeutiken eta enpresari handien interesei erantzuten diela neurri berriak, eta, bestetik, kontrol sozialerako beste bitarteko bat dela azaldu zuen.

Seinalatu zuen, gainera, ziurtagiria derrigorrezko bilakatzea ez dela osasun-arazoari aurre egiteko aterabide erreal bat.

Eskerrik asko, GKS, bada posizioa hartzen hasteko garaia. Apartheidari ez.

Altsasun egin zen Gazte Topagune Sozialista 2021, ekitaldi nagusian / gks.eus

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

8 erantzun “Kontrol dispositiboari planto” bidalketan

  1. Non ote dago beste euskal “ezker” guztia? Noiz aterako dira, gutxienez zerbait esaten, neurri diskriminatzaile eta faxista hauen kontra? Hobeto esanda, noiz eroriko dira bizi diren ilargitatik?

  2. Ondo kostata, zerbait hasi da mugitzen euskal errealitate gris akomodatu-autokonplaziente-hanburgesatuan?

    Izango ahal du segidarik, berandu xamar baikoaz jada… Balioko ahal du anormalkeria berrian “egokituta”, bertan goxo daudenen eta oker ulertutako “ardura era elkartasunaren” amua irentsi dutenen kontzientzia, pixka bat bederen, astintzeko.

    Txalotzekoa eta eredugarria gazteen posizio-hartzea.

  3. Txertatuta ez bazagoz ez dot pentsetan “errealitate akomodu batean” biziko zarenik. Baina Euskal Autonomia Erkidegoan jende asko txertatuta dago. Nahiz eta batzuek hasieran zalantzak euki, azkenean hartu dabe. Batzuen arrazoia lanean arazorik ez eukiteko da, beste batzuenak seme alabak kanpoan bizi direnez, eurengana joateko da. Gazte askorenak be bidaiatu ahal izateko, erasmus dala, atzerrian master bat dala………. Horregaitik txertatuta bazagoz, beharbada neurri batzuekaz kritikoa izango zara, baina “errealitate akomodu batean” bizitzeko aukera dozu.

  4. “Txertatuta” (transfektatuta, edo dena delakoa) zein ez, elkarrekin joan beharko dugu, ez dago beste aukerarik; euren burua munduaren jabetzat duten oligarka handiek berdin-berdin erasotzen gaituzte herritarrok.

    Akomodatuta bizitzearena, askotan, ez dago errealitate objektiboari lotuta, bakoitzaren autopertzepzio askotan manipulatuari eta autoengainuari baizik. Zinismoari lotuta ere joan ohi da… Bada garaia hortik ateratzeko, bizirauteko senak esaten digulako besterik ez bada ere.

  5. “Ongizate Komunaren” ideia eta kontzeptu mota batek moral goren baten jabe egiten dituelako ustez ere ari dira EHko talde politiko ezagun bateko kideak. Arriskutsua. Baina jarrera politiko-moral horri arrakalak ere sortzen zaizkio. Hala bedi.
    Gero gizarte osasuntsu bat zer den ulertzeko era desberdinak ere badaude eta bat hegemonikoa da, pentsatzen eta sentitzen uzten ez duena. Dena da politikoa eta kulturala, egunero.

  6. Neurrigabekerien aurka ez altxatzeak, orain arte gertatu den bezala, bai alderdi politiko zein sindikatu, bai mugimendu sozialak, zilegitasunik gabe utziko ditu etorkizunean edozertarako, eta beraz desagertzeko lehen urratsak eman dituzte dagoeneko. Beraz, eraikiko dena berria izanen da, hasi irudikatzen!

  7. Kontrola bada, diktadura ere bada, faxismoa? autoritarismo hutsa da [autoritarismo pseudodemokratikoa, pseudoordezkatzailea (pseudo-representativo)… . Pasea ez da nazia, pasea autoritarioa da. [Hittler nazia eta autoritarioa zen, Stalin ez zen komunista, Stalin autoritarioa zen, Churchill ez zen demokrata, Churchill autoritario hiltzaile bat gehiago zen]. Ondorengoek ziurrenik ez dute hauen famarik izango baina autoritarioak izaten jarraituko dute. Eta jarraian berriekin utziko zaituztegu…

    Eusko Jaurlaritzat 5 MILIOI EUROTAKO LAGUNTZAK eman ditu honakoaren izenean… “gizarte demokratikoek kalitatezko informazioa eta medio profesional eta sendoak izan ditzaten, desinformazioaren aurkako herraminta beharrezko eta balore demokratikoen alde… bai ere, COVID-19 garaian, pandemia beraren aurka egiteko eginkizunean, agerikoa izan da hedabide profesionalek burutzen duten eginkizun garrantzitsua eta eraginkorra,… gizartera zuzenduriko eguneroko informazioaren zabalkundea… Gurea bezalako gizarte demokratiko batetan, informazio eskubide hau komunikazio hedabideek bermatzen dute”

    ETA SARITUAK IZAN DIRA… [danbor hotsa, trrrrrrrrrrrrrrrr]
    7 egunkarirentzat 3.795.763,75 euro. ‘El Correo’, ‘El Diario Vasco’, ‘Deia’, ‘Gara’, ‘Noticias de Gipuzkoa’, ‘Diario de Noticias de Álava’ eta ‘Berria’.
    8 irratirentzat 1.204.236,25 euro. Cadena Ser, Radio Nervión, Cope, Onda Cero, Onda Vasca, Herri Irratia-Radio Popular, Radio 7 eta Bizkaia Irratia.

    Orain ba al dakigu zein hedabide ez entzun/ez irakurri/ez ikusi? Zein gune autoritario EZ ENTZUN/EZ IRAKURRI/EZ IKUSI edo oraindik ez dugu sinesten gure askapena pertsona/kolektibo/hedabide ez autoritarioetatik etorriko dela?
    http://masustak.blogspot.com/p/365.html

Utzi iruzkina

Azken artikuluak