Jarrerak

GKS-k paseari, blokean, jai; esperimentuarekin, aldiz, alai?

Behar bada ez da hain ezaguna esperimentu genikoei buruz erakusten ari diren jarrera.

12

Mikel Aginagalde

Komunikazio-zientziak. Hernani

Bat baino gehiago poztu zen GKS —Gazte Koordinadora Sozialista— “Covid Pasaportearen” aurka dagoela eta manifestazio eta abarren bidez adierazi zuela jakitean. Baina beharbada ez da hain ezaguna txertoei buruz erakusten duten jarrera. Abenduaren 30ean manifestazio egin zuten Iruñean eta bertan taldeko bozeramale batek irakurri zuen agiriko zati batzuk ipiniko ditugu (Gedar webgunean kontsulta daiteke osorik).

«Batasun horrek guztiak, burgesiaren alderdi bakarraren baitan adierazten denak, alternatiba faltsuak elikatu baino ez ditu egin. Faxismoaren eta bere itxurakeria antisistemaren kasua da. Konspirazioaren teorien edo txertoen aurkako sekten kasua ere bada» argitu zuen, gainera: «Horien aurrean gure jarrera argia da: ez dugu intoxikaziorik, ez jende horrekin nahasterik onartuko. Ez gara negazionistak, komunistak baizik! Txertoa sustatzearen alde gaude, baina txertaketa doakoa, kalitatezkoa, unibertsala, borondatezkoa eta behar bezala informatua».

Hain adierazpen laburretik ez dago ondorioztatzerik  GKSk bere osotasunean pentsatzen duena, eta horregatik kideren batek hau irakurriko balu, eskertzekoa litzateke bere talde politikoaren jarrera luze eta zabal azalduko balu. Bitartean, hona hemen pasarte horrek sortu dizkigun gogoeta batzuk:

  1. “Txertoa sustatzearen alde gaude”, Hau da,  pasearen kontra daude baina txerto hauen alde. Ez ote kontraesana? “Sustatzearen alde”, gainera. Burura etortzen zaiguna: pasea ez ote da txertaketaren azken ondorio “logikoa”, hau da, gazte erakundeak hormetan salatzen duen “kontrol soziala” ez al da gauzatzen ziztada etengabeen bitartez, eta pasea, berriz, ez al da eliteek aurrez pentsatua  eta programatua duten tramitea, besteak beste ez txertatuak izorratzeko (‘emmerder’, Macronen hitzetan).
  2. «Baina txertaketa doakoa, kalitatezkoa, unibertsala, borondatezkoa eta behar bezala informatua». Esaldian, “unibertsala” kontzeptua nabarmendu daiteke. Zer esan nahi du? Hirugarren mundura doan bidali behar direla txerto hauek? Kontsultatu Interneten (Covid Kenia Expansión jarrita adibidez). Afrikako herrialde gehienetan, esate baterako, txertaketa ez da % 10era heltzen eta hildakoak Europan baino hamar aldiz gutxiago dira. Zer mesede lekarkieke herrialde horiei lehen munduaren dinamika zoroan sartzeak? Gainera, zer eta Afrikara eraman behar al dira GKSren ustez “txerto” horiek, esperimentazio-eremutzat sarri erabili duten lekura, bertakoek eskatu EZ dizkiguten tokira eta, logikoki, Mendebaldearen politika inperialista, mozorro oso “sanitarioa” izanagatik ere, batere ongi etorria EZ den tokira?
  3. Agiriak ez du ezer esaten haur eta gazteen txertaketari buruz, baina «txertoa sustatzearen alde gaude», eta «unibertsala» irakur daiteke, eta susma daiteke GKS alde dagoela. Nolanahi ere, susmoa besterik ez da eta komeniko litzateke puntu garrantzitsu hau ere argitzea.
  4. Aurrera doa hirugarren dosia eta laster helduko da gazte erakundearen adinera. Zein da erakundearen jarrera?
    • Nahikoa da, planto!
    • Bakoitzak erabaki dezala.
    • Har dezagun, mesedegarria da eta.
      Nolanahi ere, ezin da ahaztu hirugarren ziztada hartu ezean kadukatu egiten dela pasea handik gutxira, eta “ez txertatuen” multzora pasatzen direla txertatuak. Orain gutxiengo garenok gehiengo bihurtu gaitezke laster eta gatazka hau irabazteko bidean geundeke. Ziztatu eta ziztatu jarraituz gero, berriz, munstroa elikatzen jarraituko genuke.
  5. «Konspirazioaren teorien edo txertoen aurkako sekten kasua ere bada», argitu zuen, gainera: «Horien aurrean gure jarrera argia da: ez dugu intoxikaziorik, ez jende horrekin nahasterik onartuko”» Orain arteko hitzaldi eta manifestazio ia guztiak Bizitzak antolatu ditu, eta hil honen 22ko Bilbokoa ere, etzirako, berak deitu du. «Konspirazioaren teorien edo txertoen aurkako sekten» eta «negazionisten» artean sartzen al ditu GKSk Bizitza plataforman inguruan mugitzen diren guztiak? Agian ez da horrela baina komeniko litzateke hau ere argitzea.

«Txertatua edo ez, mugitu zaitez» da azkenaldian asko erabiltzen den lema. Guztiz ados, denok batera pasearen aurka, baina komeni da gure aldamenekoak zer pentsatzen duen jakitea. Eta edozein delarik ere haren pentsamendua, errespetatzea, errespetuz adierazitakoa bada. Nolanahi ere, galdera asko, erantzuna merezi dutenak.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

12 erantzun “GKS-k paseari, blokean, jai; esperimentuarekin, aldiz, alai?” bidalketan

  1. Eta beste hainbat galdera utziko lizkiguke GKS k mahai gainean, zihur, beraiek landuagoak dituzten gazteen baitako hainbat jazarpen sozialen inguruan. Mugimendu bakoitza aro jakin eta inguru jakin batean sortzen da, eta horri erantzutera dator. Kasu honetan horrek bereizten gaitu, hemen dena dakienik ez bai da, eta guztiok dugu elkarri zer ikasi eta zer irakatsia, eta errespetua zor bakoitzaren bideari. Badugu denok ere nori kontu hartu beharrik, aurrez aurre dugun diktadurari, eta helburu horretan bat egitea funtsezkoagoa dela deritzot, bereizten gaituzten ezaugarrietan sakontzea baino.

  2. Aitor, haiek jartzen dute lerro zatitzaile gaindiezina. Haientzat gu “Negazionistak” eta beste piropo gara eta horrela jakinarazi dute bi urte hauetan. Eta berandu eta gaizki manifestatzen dira pase diskriminatzailearen aurka. Sendagai trasgeniko masiboa inokulatzearen alde daude. Oportunismoa eta erantzukizunik eza. Ez dira sinesgarriak.

  3. Hasiera-hasieratik (2020ko martxoatik) izan zitek informazio-eskasia. Eta zeakeagun ZENTSURA UNIBERTSALAREN kariaz, ez donk harritzekoa,

    Halere, ez al zitean inoren aholkularitza eskatu? Ade Etxebarriari aditu non bere laguntza eskaini ziola EHBilduri. Eta beraiek bazutela erantzun ziotela…
    Euren artean argitu beharreko auzia.
    Hala izan ote zen ala ez.

    Baina Ezker Abertzale Ordoxo Antolatuaren ezagutza-eza arazo aski potoloa donk.

  4. Ez naiz GKS eko militantea, ez naiz militantea inongo erakundetan baina artikuluan esaten dituzun gauza asko zentzugabeak direla uste dut.
    Esango nuke Antitxertistak orokorrean oso iritzi polarizatua duzuela eta honek iritzi,argumentu eta ideia ez egokiak babestera eramaten zaituztetela(antitxertista ez bazara sentitzen dut talde hontan kokatu bazaitut) Egia ez delako normalean ez zuri ez beltza gris tankera izaten du…
    Esan nahiko nizueke pentsamentu librea, adierazpen askatasuna eta horrelako ideiak defendatzen dituzuela baina gero erabat trintxeristak eta nirekin nire aurka posturak erabiltzen dituzuela. Pentsamentu oso rigidoak, eztabaida-ezinak.
    Hau esanda zure artikuluan topatutako akats batzuk zuzendu nahiko nizkizuke.
    1.-Txertoaren alde egon zaitezke eta covid pasearen aurka, hor ez dago kontraesanik. Sistemarekin kritikoa den edonork uler dezake pandemia existitzen dela (datuak hortxe daude) covid existitzen dela baina horrek ez gaituela eraman beharrik edozein neurri onartzera, itsuturik. bestalde esan beharrik ez dago burgesiak egoera erabiliko duela bere botere harremanak mantendu eta indartzeko, nik uste hau dela GKS-ren iritzia. COVID existitzen da, txertoak funtzionatzen du eta Burgesia egoeraz aprobetxatzen da.
    2.- Hemen diozunak ez du zentzurik, txertoaren unibertsalizazioaren alde egotea normala da , hasteko pandemia ezin daitekeelako gelditu populazioaren zati nabarmen bat txertatu ezean eta bestalde biztanleria osoak eskubidea duelako txertatzeko bere herrialde,klase, arraza… mugatu gabe. Zergatik sartzen duzu Afrika? Artikuluan ez du horrelakorik jartzen eta zuk erabiltzen duzu Afrika hirugarren munduko adibide gisara.. Ez al dago afrikarra ez den herrialde txirorik? Ez al dute herrialde txiroetako biztanle txiroek nahi badute txertatzeko aukera? Herrialde horietako dirudunak soilik bakuna daitezke?. Unibertsalaren esanahia ez duzu ongi ulertu. Gero Esperimentazioaz hitz egiten duzu inongo zentzurik gabe…
    3 4 eta 5 puntuez ezin dezaket ezer esan ez bait dakit zein den GKS ren postura ofiziala.

  5. Derrigorrez txertatzearen alde dagoena txertozalea bada… derrigorrez txertatzearen aurka dagoena txertoaurkaria (antitxertoa zeharo gaixki esana zegoNK) al duNK? Urtean 3 txerto edo 13 hartzen dituena duNK protxertist[en]a? Hilabete gutxitan “funtzionatzen diNan” txertoa asmatu diNate (2. aldiz gaixotzea eragozten zuena, besteak ez “kutsatzeko” balio omen duena) eta ze ostiatan ibiltzen dituNK beste txerto egileak urteetan eta hamarkadetan lanean? Zergatik ez zeudeNK ehundaka edo milaka gaixotasunentzako txertorik?
    Covid pasearen aurka zergatik egon derrigorrez txertatzearen alde bahago? Txertoak funtzionatzen diNK? Zertan funtzionatzen diNK? Nolatan funtzionatzen diNK?
    Covid-a existitzea zer duNK, antigenoetan arraiatxo “positiboak” agertzea edo CIUetako oheak gainezka egotea edo propaganda hedabideetan milioi bat bider errepikatzea gauza bera eta ondoren desberdina gauza berdina esango balute bezala?

    Niri inoiz ez zaidaNK gaizki iruditu “sistemaren aurka” lan/borroka egiten diNana baina eztabaidan “antisistema” deituz aurka egiten didanak urtetan bera “proxixtema” al den edo dela entzun behar izan diNK. “Antitxerto” deitzen diNatela “Txertozale” deitu dezaiokeNK, “Antitodo” deitzen diNatela hik “Antiezerez”, “Anarkista” deitzen diNatela “Antianarkista”, “Negazionista/Ukatzaile” … “Afirmazionista/Baieztatzaile”, “Konspirazionista”… “Antikonspirazionista, “Antikapitalista”… “Kapitalista”, “Lurlauzale”… “AntiLurlau”, “Komunista”… hik “Antikomunista” …
    Edozer modu txarrean, “peioratiboki” deitzen diNatenean ez esan BAI, HORRELAKOA NAUnk!!, esan ANTI!!, deitu ZALE!!, esan AURKARI!!, deitu PRO!!. Horrela den-dena aldatzen duNK, adjetikbatzaileak defenda dezala berea, defendatzerik badiNK!!

    Ahh, eta testua ederki idatzia zegoNK, ulertu nahi diNanak ondo ulertu zezakeNK!! Eta GKS-ko testua idatzi diNatenei aipatu ultraeskuinera izugarri lerrakatzen diren guneez aparte (izugarri zeudeNK, alferrik ukatu) beste edozein egon daitekela derrigorrez txertatua izatearen aurka, konspirazioak beti egon direla botere gosea dutenen eta boterea akabatu nahi dutenen artean eta “negazionista” hitza erabiltzea zeharo gustu txarrekoa duNala, niretzat oraindik erailketa masiboak ukatzen dituzten sasiistorialari nazientzako gordetzen jarraitu behar geniNake.

  6. Zientzia eta sinismenak nahasturik azaltzen zaizkigu iruzkinetan.
    Zientifikoki ezin da jakin txerto batek eragin salbatzailea izan duenik hartu duenarengan. Zergatik?
    Behin ziztaturik, hartu gabe zer izango zenik ezin delako jakin.
    Beste kontu bat. Informazioa ematea ez da kontua. Helduok sendagairik ez genuke hartu beharko, sendagaiari buruzko gutxieneko bat jakin gabe.
    Morroi ala burujabe gara? Hori da kontua.
    Gaur Bilbora! Ala ez!… Ez dezala zure gain beste batek erabaki Zer egin zure gorputzean, zure gorputzean.

  7. Pako ZIU etako datuak, pandemiaren bilakaerak… erakusten du txertoak pandemiaren edatzean eta gaixotasunaren larritasunean eragina duela.Balio du. Ehundaka ibestigazio eta txosten daude.
    Askatasun indibidual- gehiengoareantzat onura. Bakoitzak jakingo du zer erabakitzen duen.
    Ados nago informatu beharra dagoela.

  8. Akatsik eztao artikuluan, Eutsi goiari!
    Telebistan entzundakoa errepikatzea al da askatasun-indibiduala? edo berau sinistea onura denontzat?
    Gure egiak koloreetakuak dira, ez gorri-beltzak bakarrik.

Utzi iruzkina, izen eta abizenez

Azken artikuluak