EZKERRA

Marxismoa, anarkismoa eta covid

Ezkerreko erakunde historikoak, Covid-19 delakoaren abaroan edo aitzakian eragindako krisian, jokoz kanpo nola geratu diren harrigarria da guztiz. Norbaitek esparru politiko horretan isiltasun orokor esanguratsu hori hautsi badu, hori gazteria izan da, eta -horiek ere- ez “osasun pasea” delakoaren ezarpena iritsi baino lehen.

15

Diego Calvo Sanz

Langile publikoa. Geografia eta Historia ikaslea. Urretxu

Covid-19ari aurre egiteko neurrien gehiegikeriari, zentzugabekeriari eta giza eskubideetan dakartzaten galerei dagokienez, ezker “iraultzailea”rengandik aspaldi ez dut ezer espero. Ez dut ez entzun, ez irakurri, ez ikusi ia antolakunderik, marxismoaren espektro zabalean, txintik ere esan duenik 2020ko martxotik gure gizartea jasaten ari den autoritarismoari buruz, ezta haur eta nerabeei eman zaien tratu txarrei buruz ere, edota pertsona helduek jasan duten arreta eta artapen faltari buruz, eta, oro har, gure osasunaren kontra egin diren erasoei buruz ere ez.

Anarkismotik zerbait gehiago espero nuen, mugimendu libertarioa askatasunaren defendatzaile sutsua izan baita historian zehar, eta mota guztietako autoritarismoen etsai amorratua. Adibide adierazgarri bat jartzearren, esan beharra dago momentu honetan gazte-taldeak direla “osasun pasaportea” delakoaren aurrean aurka azaldu diren bakarrak (GKS zehazki; ezker abertzaleko gazteen baliokidea). Gazte-talde akratek ere “greenpass” horren kontrako jarrera erakutsi dutela dirudi. CNT-k, ordea, oraindik ez dauka definitutako posturarik gai honi buruz… Joño! Urtebete daramagu “txertoa”ren eta bere derrigortasunaren aferarekin, eta Estatuko erakunde anarkosindikalista nagusiak oraindik ez dauka iritzirik gai honi buruz. Harrigarria benetan! 

Ezkerreko erakunde historikoek erakutsi dituzten desorientazioa eta epelkeria gorabehera (kolaborazionismoa izan ez denean), nahiko argi dagoena da herritar gehienek beste erantzun bat espero zutela, edo -askok- espero dutela oraindik, historikoki herri xehearen interesen eta komunitatearen ongizatearen alde borrokatu izan direnengandik. Herri-klasea umezurtz geratu dela esan genezake,  zentzu horretan. 

Burua altxatzeko gai izango bagara, guk geuk geure etorkizunaren, geure buruaren eta geure familien defentsa geure eskuetan hartu beharko dugula (borroka autonomoetatik ikasitako lezioa), horrek dakarren ardura guztiarekin, nahiko argi geratu da azken urte eta erdian. 

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

15 erantzun “Marxismoa, anarkismoa eta covid” bidalketan

  1. Gehiengo alferra, beldurtia eta boteregabetua proklamak kantatzera eta liderrei eta artaldeei jarraitzera mugatu delako, parasito handiak elikatuz. Edozein iraultza norberaren barruan hasten delako, eta inork ezin duelako norbere ordez egin, ezta norberak besteena egin. Iraultza, delegatu ezin den prozesu bakartia delako, funtsean.

  2. Erabat ados, Diego. Katramila honetatik ez gaituzte alderdiek aterako, ezta sindikatuek ere, edo bestelako edozein egitura instituzionalizatuk. Hori argi ikusi dugu: edo ezin dute, edo ez dute nahi… Edonola dela ere, auto-antolaketa agertzen zaigu aukera ia bakartzat.

  3. ·Emeri nere uste epela.
    Prozesu bakartia ez,kolektiboa izan beharko du.
    Dikotomia faltsuetan heziok,bata ala bestearen artean aukeratu beharrean sentitzen gara sarri. Baina kolektiboa ez da izango pertsonala garatu gabe eta pertsonala ez da izango kolektiborik gabe.
    Geroz eta argiago dut.

  4. Diru laguntzen menpe bizi zarenean horrela jokatzeko arriskua daukazu, alegia, zure baloreak, nortasuna, izaera eta zentzua ere kolokan jar daitezke. Horrek katiatzen zaitu eta baldintzatu, noski. Aukera txarra hartuz gero orain bizitzen ari garena gertatzen da. Laburtuz, saldu dira. Herriak ez du parkatuko!

  5. Zer erranen dizut nik? Kantu batean dion bezala. Intsumitua izan nintzenez, eta Nafarroako zein Euskal Herriko kolore eta klase guzietako mugimendu horren partaide, geure burua derrigorrezko soldaduzkaren aurkako borrokaren garaile bezala pasa nahi izan dugu historiara….kar,kar,kar….eta intelektual azkar askoak izanen dira gure artean….Ba, honezkero edozeinentzat argi xamar egon beharko luke eliteen nagusikerian inteligentzi militarrak duen papera, eta plandemia hontako arma biologikoaren diseinoan ere…..zeee?!!! Urrun gaude ejerzitoak desagertzetik…..
    Gero bertze aldetik eta ekoizpen ekologikoko abeltzain eta nekazaria naizen aldetik, gure nekazal sindikalgintzatik elikagai transgenikoen kontrako borroka hamarkada batzuetakoa zen bederen orain arte, urtea baino epe exkaxagoan ahotik baino zainetan sartu digute genetika sintetikoa…..Zenbat nekazari mintzatu gara eta elikagai transgenikoen aurkako sindikatuek zer diote…..?
    Beno, eta mugimendu feministatik zerbait???, aldare guzietatik gure gorputzetan bortxaren apologia egiten ari direnean…..
    Ah! Barkatu! Denek miresten dute eta sinesten dute Jainko egi bakar ahalguztidunean, ZIENTZIAn….
    Agian, transhumanismoaren fanatikoak bihurtu zarete eta ni orainik ez naiz ohartu…….barkatu

  6. Jabetu naiz, pozez, Independentea abian dela barriro ere.

    COVID-PASAPORTEARI buruz diozuenaz erabat ados. Ezkerreko leader liberatuek paso egin dute, hemengo, Kataluinako nahiz Madrilekoek.

    Halere, auzi hau gero eta agudoako planteatuko eta tenkatuko da.
    Are gehiago “omicron olatu” berriarekin eta etorriko direnekin (oraindik 9 olatu falta dira Omiconetik Omegara (berau barne).

    Oraingoak bi txori jo nahi ditu tiro batez;
    lehen xedea, nik uste, Gizateria bezatzeko beste tornu-saio bat gehiago da, mekanismo-sistema berarekin (datu faltsuak/panikoa/zigorra)

    Bigarren xedea argi dago: txertoen porrota estaltzea eta txertaketaren makro-negozioan aurrera jarraitzea, jendartea eta zehazki 12 urtetik beherakoak euren sasi-txerto pozoitsuekin txertaraziz jende ororen beldurraren beldurrez.

  7. Anarkista naizen aldetik, guztiz ados diozunarekin. Gurean ez da eremu hortatik erantzun antolaturik etorri, eta norbanako anarkisten artean denetarik dago, beldurra, zoritxarrez, gure kontzientzia baino libreagoa baita. Ez da hala gertatu Katalunian. Hango gizartean historia askoz sendo eta errotuagoa dauka anarkismoak, eta goiz sortu zen hainbat sektore batzen dituen desobedientzia mugimendua, CUPeko jendea eta militante anarkista historikoak batzen dituena, mota askotako jendearekin batera. Haien artean informazio-trukea ez du etenik, eta antolatu dituzte hedabideek, noski, ikusezin bihurtu dituzten protesta esanguratsuak. Baina bai, neuk ere espero nuen gehiago anarkismotik, eta hasieratik harritu ninduen beste geografia batzuetan ditudan lagun anarkisten artean ere bertsio ofizialarekiko zabaldu zen atxikimenduak. Zer gertatu ere sendotu baino egin ez den atxikimendua, tamalez.

  8. Vaticanoko uso zuria, Militarrek den-dena programatuta zeukatenean, plausta agertu zen uso zuria Iraken.
    Eta atzo, Lesbosen, “zibilizazioaren naufragioa” aldarrikatu du.
    Apustu egingo nuke Uso Zuriak aurrea hartuko diola “Ezkerrari”. Kolore orotako “Ezkerrari”

    “Ezkerra” izan ere, kolore guztietakoa, 2.019ko lehen unetik bertatik egon baita absente, lobelar urrintsuen artean lozorroan.

  9. Vaticanoko Uso Zuria eta Ezkerraren arteko lehiaren ñabardura bat:

    Uso Zuriak abantailaz jokatzen du: Ezkerra bozen emaitzak baldintzatzen du; ezin du galdu lozorroan dagoen bere bezeroeriaren botoa, hortxe baitu bere esentzia eta existentzia.

    Uso Zuriak, ordea, seguru-seguru dauka aseguratuta botoa. Zeren eta biziarteko botoa eman baitio Izpiritu Sainduak

  10. Tapia andra gorenak diño funtsezkoa dela Udalei boterea kentzea, Eliteak hobeto maneia gaitzan… eta gaur aprobatuko dute astakeria hori. Pauso bat aurrera 2030-Agendara bidean.

    “Ezkerrak”, bere bezeroeria lozorrotuaren botoen esperoen, noiz deituko ote gaitu altxamendura?…

    Oraintxe bertan “Villancicoak” entzuten nago, ea zeinek kantatzen dituen ozenago: “Ezkerrak” ala Uso Zuriak.

    Lasai, oraindik, 9 round falta dira Omegara iristeko.

  11. OMICRON, S.L

    Sasi-txertoari, orain, letraz letra ihes egiten dio gaixotasun hanpatuak…, sasi-txertoen albo-kalte anitzei esker (gerra-hizkera)….

    Beraz, txerto gehiago behar da (oximoron)…
    olatu berriari (txertoek eragindakoari) aurre egiteko…
    (bitartean, hondoan, Villancicoak entzuten dira, bi abotzetara: Uso Zuria eta “Ezkerra”-arena.

    “Iluntasun-semeak azkarragoak dira Argitasun-semeak baino”, Ese Jesusek Ebangelioan

  12. “Ezkerrak” orain dela mende bat, Rosa Luxemburg eta Karl Liebnecht-ekin egin zuten bezala.
    Eta ‘noski’ hortik nazional-SOZIALISMOA atera ta garatu da…

  13. Hain zuzen ere, Alemaniako espartakistak (Die Rote Fahne), Luxemburg eta Liebknechten jarraitzaileak, HASIERATIK agertu ziren korona-diktadura deitu zutenaren kontra. 2020ko martxotik.
    (Ez genuen ez Berria, ez Argia eta ez Naizeri esker jakin, ez!)

Utzi iruzkina

Azken artikuluak