Arabako Foru Aldundiko Ingurumen eta Hirigintza Sailak, beste bi erakunderekin batera, mendialdeko biodibertsitateari buruzko azterlan bat egingo duela iragarri du. Astearte honetan aurkezpena egingo dute Mendialdeko Koadrilaren egoitzan, “biodibertsitatearen kultura sortzea ” izeburuarekin.
Arabako Mendiak Aske elkarteak kontzentrazio bat egiteko deia zabaltzen du, egoitza honetan, babestu beharko litzatekeen biodibertsitate ugaria eta aberatsa duten ekosistema naturalak dituzten habitaten foru-politika erratiko eta suntsitzailea salatzeko.
Arabako Foru Aldundiak Gasteizko Mendietan (Azazeta eta Laminoria deiturikoak) megazentral bat eraikitzeko atea ireki izana salatzen dugu. Megazentral horren eraginak atzeraezinak izango lirateke. Era berean, salatu nahi dugu lotsarik gabe aritzen direla lurralde honetan bizi garen pertsonei sinetsarazi nahian ingurumena babesteko gaietan ondo egin dutela. Gasteizko Mendietako naturguneen suntsiketak gelditu egin behar du, naturgune biziak, osasuntsuak eta bioanitzak nahi baditugu.
Aldundiak ergeltzat hartzen gaitu. Ez gaituzte engainatuko. Gelditu dezagun triskantza hau, garaiz gabiltza.
*Maiatzak 20, Gasteizen,* lurraldearen defentsan *Euskal Herria Bizirik*
ARABAKO MENDIAK ASKE
23/01/31
