Testua: Kakitzat Koordinakunde Antimilitarista
Izulpena: Ane Miren Elordui-Zapaterietxe
Salatu dute Ukrainan gerra-gatazka bultzatu dutenak aurten 22.000 milioi euro estatuko gastu militarrera bideratzea onartu dutenak direla, edo Eusko Jaurlaritzak, aurrekontuen bidez, 100 milioi euroko diru-laguntza eman diola euskal gerraren industriari.
KAKITZAT Koordinakunde Antimilitaristaren idatzia:
Azken gertaerek inoiz baino gehiago gizarte desmilitarizatu bat beharrezkoa dela erakusten digute, NATO bezalako egitura militaristek lekurik izango ez duten gizartea, ez eta honakoek ere: erasoak eta indarrez sartzeak, kuartelak eta instalazio militarrak, arma-fabrikak, armadaren maniobrak euskal lurraldean, gastu militarrak handitzea, armak Bilboko Portuaren bidez esportatzea…
Ukrainako gerraren aurrean:
Alde batetik, Sabin Etxearen aurrean exijitzen da tartean diren «gerrako jauntxo» guztiek arintze edo deseskalada beliko eta armamentistikoa egin dezatela.
Bestetik, gaur goizean egindako protestaren helburua [martxoaren 2an izan zen] gerra-gatazka guztietako kaltetu handienak, hots, gizarte zibila, babestea eta laguntzea izan da.
Zehatz-mehatz, hauxe ikusarazi nahi izan dugu:
EZ GERRARI ETA EJERZITOARI, izan ere:
- Gerra ez da inoiz gatazken irtenbidea izan, baizik eta arrazoi eza eta bidegabekeriaren arrakasta.
- Biztanleria zibila bereizi gabeko helburu militar gisa erabiltzen da.
- Tiro-eremuak, kuartelak eta instalazio militarrak, arma-fabrikak, maniobra militarrak… besterik ez dakar.
GASTU MILITARRAREN AURKA:
- Segurtasunaren aitzakiarekin gastu militarra izugarri handitzen ari da, arazo sozial larriei aurre egiteko beste aurrekontu-sail batzuen kaltetan, hala nola langabezia, osasun-arreta, pobrezia eta etxebizitzaren garestitzea.
- Neurri horien bidez, armen industria da onuradun bakarra, armen fabrikazioan eta esportazioan garapen nabarmena izan baita, hau guztia biztanleria zibilaren eta bere oinarrizko beharren kaltetan.
Gaur goizeko ekimenaren bidez, hauxe exijitu da:
NAZIOARTEKO HARREMANETAN ALDAKETA SAKONAK EGITEKO KONPROMISOA:
- Gaur egungo mundu-mailako arazoek erabateko aldaketak eskatzen dituzte maila sozialean, ekonomikoan eta politikoan.
- Gaur egungo mundu-antolaketa zeharo bidegabea da: 841 milioi pertsonak gosea pairatzen dute edo 1.000 milioi pertsonak ez dute etxebizitza egokirik.
- Disidentziaren eta gizarte-mugimenduen kriminalizazioa areagotzen du.– Herri-klaseen aurkako politika xenofoboak eta estigmatizatzaileak handitu egin dira, eta errefuxiatuak eta migratzaileak jazartzen dira.
