Zaporiyia deitzen da. Izatez, Europako Zentral Nuklear handiena da, baita zaharkituena ere duela 7 urtetik honantz. Egotez, Ukrainan datza, baina une honetan Errusiako Armadaren eskuetan. Eta zer gertatzen da Zaporiyiako Zentral horretan, guztien begiak gune hari so egoteko? Hura bonbardatzen ari direla apropos… «Apropos»…, eta ez dakigula zein ari den!
Jada horrek bakarrik «egoera kafkianoa» deitzea merezi du. Europa erdia suntsi dezakeen tramankulu bat «apropos bonbardatzen», eta horretan zeinek diharduen jakin gabe. Egoera «super-kafkianoa». Suspense baterako pelikula. Sikeran jakingo bagenu pelikulako «onak» edo «txarrak» diren… «Bakeroak» ala komantxeak… Baina horixe ere ez dakigu, inortxok ere ez baitu «erreibindikatzen» ekintza kriminal hori. Azter dezagun egoera hau, txit zaila den arren; zeren eta gerra egoeratan ohi denez (orain bezala Ukrainan), informazio eta des-informazioaren erdi-erdian murgildurik baikaude.
Eta noski, gainera, gertakari hau, hain larria izanik, gerra-propaganda gisa darabilte batzuek zein bertzeek, elkarri harrika egiteko. «Ni ez naiz, orduan zeu zara», eta hala, ukrainar nahiz errusiar, arrazoiz kargatuta. Zelan izango naiz ni, aizue, geure lurralde propioa bonbardatzen? Eroak garela uste ala?; eta errusiarrek: zer uste duzue, erotuta gaudela? Nola bonbardatuko dugu geure burua, hemen garela gure tanke eta tramankulu guztiekin?
Beraz, parte biek daukate arrazoia eta logika. Baina gerrako protagonista bietariko batek izan behar, ez da? Bietariko bat izan behar, Hura apropos bonbardatzen dirauena. Edo ote Hirugarren Zaldun bat Ukrainako gerra hüntan. Ez dozak izanen Txinoak, ez dok? Urrutixe. Hirugarren Zaldun bat agian?… OTAN bera akaso?; zeren honek ere protagonista-titulu guztiak baitauzka.
OTAN hori da AEBen gidaritzapean han eta bestean etengabeko gerrak piztu dituena aspaldi honetan
Puntu honetara iritsita, batek ez daki behe-lainoaren nahasmendutik zelan irten zorabiatu barik. Batetik, OTAN edo NATO deitatua, aski ongi dazagu. Hori Ukrainako gerra honetan Errusiaren atariraino muturra sartu duena, CIAk gidatuta Ukrainian Estatu kolpea eragin zuena Yanukovich demokratikoki hautatuaren kontra, duela 7 urte, «Maidan» errebolta kolorekoaz baliatuta.
Bestalde, OTAN hori da AEBen gidaritzapean han eta bestean etengabeko gerrak piztu dituena aspaldi honetan… betiere beren lurralde estatubatuarretik urruti, badaezpada. Eta oraingoan ere leku ezin egokiagoa hautatu du… berarentzat, jakina. Leku ezin hobea geo-estrategia aldetik. Nekez utziko du halako leku egokia bere gerrarako. Gudu Zelai ezin hobea bere armak konsumitzeko, eta Moskowatik harrikada batera!
Une hüntan Estatu Batuek, beren aldetik, bidegurutzeko krisia bizi dute: orain Tio Sam ez da lehengo hura Lur planetan. Bera ez da inperialismo bakarra. «America only» zioen Tio Sam-ek, baina orain ez da «bakarra»; «America First» zioen Trumpek, baina orain ez da agian lehen-lehena Planetan, Txina ere hortxe baita parez pare. Txarrena da AEBek ezin dutela irentsi egoera barria. Eta horrek lurralde hura amorrutsu, intolerante eta erasokor bihurtzen du: gizateria ororentzat oso arriskutsu. Are arriskutsuago halako botere suntsitzailea duenean OTAN nuklearraren gidari gisa.
gure txokotik aski eta sobera hurbil dagoenez gerra nuklear datekeen hau, euskaldunok ere adi aztertu beharrekoa da
Gauza da Kapitolioan «guerra nuklear mugatu» bat planteatu dutela honezkero. Hau da, aurreranzko jauzi itsu etsia ematea; hori bai, kontuz, Europaren bihotz-bihotzean, ezen ez bere lurraldean, baizik bere lurralde propiotik aski urrun, beti bezala, ezen ez baitaude oraingoz hain ero. Halere, gure txokotik aski eta sobera hurbil dagoenez gerra nuklear datekeen hau, euskaldunok ere adi aztertu beharrekoa da.
Ez da lehen aldia AEB horrek etsian eta itsuan hartu izana erabaki arriskutsuak gizadiarentzat. Baina oraingo egoerak ez dauka zerikusirik lehengoekin: orain «nuklearra» dugu egoera. AEBen egoera ere oso nahasia da, halaber. Ez dakit zehazki zergatik (beno, badakigu), baina hango populazioaren ehuneko erdia baino gehiago «gerrazalea» da (%60, datuen arabera). Erditik behera balitz ere, ehuneko nabarmena. Nabarmenkeria makala, pentsa!
Hortaz, Noam Chomsky iraultzaile ezkerrekoa, txit argi dakusanez hango panorama eta mundu mailako arrisku nuklearra, zera errepikatzen ari da: «AEBei ez zaie interesatzen gerrarik». Zera dirudi, baina: bera XXI. mendeko iragarlea dugu, Jeremias profeta bailitzen Israelen, bere basamortuan alferrik aldarrikatzen bakea.
Ondo dakigu Ukrainako gerra ez dela bakarra; Afrikan eta Asian 18 gatazka larri daude une honetan: Camerun, Etiopia, Palestina, Mali, Mozanbike, Yemen… eta orain Sahara, ez ahaztu. Halere, Ukrainakoa dugu hurbilen guretzat eta Europa osoarentzat: arrisku larria, alarma gorria pizteko modukoa. Izan ere, oraingo oihartzunak ez baitatoz leku zehazgabe batetik, baizik eta oso leku zehatzetik: Zaporiyia. Europako Zentral Nuklear handiena bezain zaharkituenetik. Nahikoa da «behin bakarrik» hura bonbardatzen saiatzea, alarma gorria justifikatzeko.
Dena den, hor gertatzen ari dena, oro har, ez da batere lasaigarria: Zelenskiren gobernuak Alderdi Politikoen debeku selektiboa legeztatu du, eta Sindikatu Bertikal bakarra. Guk badakigu hori zer den: hemen hain justu Francok egin zuena. Gainera, «ukro wikingoen» atentatu politiko batzuk Gobernutik bertatik antolatuak dira, ziur; adibidez abuztuko 19ko atentatua Moskowko filosofo anti-atlantista ospetsu baten kontrakoa, zeinetan haren alaba erail zuten, TNT karga letala leherraraziz haren auto azpian.
Argi dago Yankiak zero minututik daudela Ukraina Errusia gatazkan. Hain zuzen ere, Maidanekoa aipatzen duzu, botere faktiko estatubatuarrek ondo dakigun bezala bultzatutako kolorezko iraultza. Ideologia naziko taldeak ezegonkortuz eta armatuz, estatu kolpe kamuflatua, presidente aldaketa eta zibil errugabeen hilketa basatiak gertatu ziren.AEBk ondo baino hobeto daki zer egiten duen, eta bazekien errusiarren alde eta atlantisten alde jendea banaturik egonda, eskua sartzen bazuen, haiek ohi duten bezala, Ukraina gehiago desegonkortu egingo zela, berandu baino lehen errusiar gerra baten mende utziz. Eta hala izan da, Yanqui inperialismoa errusiar inperialisten mugetara hurbiltzen ari da. Errusiarrek ohartarazi zuten ez zituztela mugak arriskuan jarriko Ukraina NATOren aldeko presidente txotxongilo batekin utzita. Sirian, Errusiak bularra eman zuen, argi utziz indar militarra dela berriz ere, eta ez dagoela prest Yankiei hain erraz jartzeko. Ukrainarekin, Errusiak askotan ohartarazi zuen, eta, azkenean, ohartarazi zuena eta espero zena egin zuen: Ukrainan esku hartu. Bi alde inperialistak AEB eta Errusia neurtzen ari dira Ukrainan, Zelesky Yankeeen txotxongiloa, Nazi ukrainarrak istilua aprobetxatuz egiten bakarrik dakitena egiteko, eta Ukrainako herria bai atlantisten aldekoek bai errusiarren aldekoek joko makabro honen biktimak. Eta, jakina, Estatu Batuei. urrun harrapatzen dio Zaporiyiako zentral nuklearrak, baina Ukraniarrei,herrialde mugakideak eta Europako gainerako herrialdeak, bigarren mailan, oso gertu harrapatzen gaitu, ez kezkatzeko. Txernobylgo aurrekaria dugu, bitxia bada ere Ukrainan. Oraingoz, errusiarren esku dagoen Zaporiyiako zentrala ukrainarren erasoak jasaten ari da, eta errusiarrek segurtasun maila gorenean jarri dute, nukleoa gelditu eta hozten uztea alegia, baina horrek ez du bermatzen hondamendi nuklear bat gerta daitekeenik. Berriz ere, historian, arrisku nuklear baten uztarripean gaude, AEBak edozertarako gai dira, frogatu dute eta ez zaie eskua dardarka jarriko eskenatoki hori beharrezkoa ikusten badute. Azken batean, denok gara inperialismoaren biktimak, Estatu Batuenak batez ere, azken hamarkadetan munduko inperioa eta jendarmea izan delako, Errusiakoa berriro parrara igotzen dena, eta txinatarra yankien hegemonia jaten ari zaiona. Bitartean, populua, gerra, pandemia eta bestelako asmakizun suntsitzaileek erabakitzen dutenaren zoroen menpe gaude.
Ideologia naziko taldeak diruztatuz eta armatuz idatzi nahi nuen
Hona Chomsky bakezaleak orain hilabete batzuk esandakoa:
«Txertoak onartzeari uko egiten dion jendeari, uste dut erantzun egokia ez dela behartzea, isolatu daitezela baizik. Batzuk erabakitzen badute: «Komunitatearendako arriskua izateko gertu nago txertoa hartzeari uko eginda», orduan esan beharko lukete: «Tira, nik ere badaukat neure burua isolatzeko duintasuna. Ez dut txertorik gura, baina ez daukat jendeari kalte egiten ibiltzeko eskubiderik».
Chomskyk esan zuen txertoa hartzeari uko egiten diotenek gizartetik baztertuta bizi beharko luketela eta janaria zela lortu euren arazoa dela: “Janaria nola eskura dezaketen? Tira, hori euren arazoa da”.
Chomskyk trafiko arauak betetzen ez dituzten pertsonekin alderatu zituen txertoa hartzeari uko egiten diotenak.
Bakezalea gerrazale…
Horrela duk Ander. Irakurri nituen adierazpen horiek. Erreferentziazko pertsonaia bere buruari “ezkerra” deitzen dion horrentzat. Globalistak eta Troiako zaldiak, Davoseko sektaren morroiak. Ez dute disidentzia kontrolatuaren itxura egiteko lanik ere hartzen baizik eta ezagutzen diren eta gure bizitzak amesgaizto bihurtzea helburu duten gerlako kriminal haundienekin batera jarduten dute.
Ia hiru urteko gerla honetan, milaka hildako eta elbarri izan dira fisikoki eta mentalki kriminal horiek erasotako biztanleria zibilaren artean, eta, aldi berean, adieratzen digute zenbat eta gezur gehiago esan eta orduan eta gehiago lurperatu nahi gaituzten, orduan eta gertuago dutela haien amaiera.
Nahiz eta krimenetarako esku beteetan xahutzen duten botere eta diru asko gorabehera, gaizkile horiekiko “adostasuna” gainbehera doa eta indarren arteko harremana ez zaie jadanik hain ona.
Gero eta gehiago daude agerian. Oso egoera txarra beraientzat gerla garaian…
Erruaz libre daitekeen ezker europarak jaurti beza lehenengo harria Chomskyren teilatura.
ese Jesusen errana: Fariseo puristek Magdalako prostituta harrikatzera zihoazenean plaza publikoan, ese Jesús hurreratu zitzaien honako erranez:
ZUEN ARTEAN ERRUZ LIBRE SENTITZEN DENAK, JAURTI BEZA LEHEN HARRIA”.
“Eta fariseoek burumakur aldendu ziren handik”. (Ebanjelioak esana. GORA zu Jauna)
Ebanjelioak explizituki esaten ez duena:
Magdalena betaniarra zeharo maitemindu zela Jesus harekin, eta ese Jesus ere orduz gero sarritan joaten zela Betaniako Maria eta Marraren etxera (hau bai idatzita geratu dela Ebanjelioetariko batean); eta ese Jesus “berpiztean” lehendabizi nori eta Magdalenari agertu zitzaiola eta esan ziola bere amoranteari:
“orain ez Mariam, orain ez nazazu uki” (“noli me tangere”)
Eta hara non: Iruña-Veleian teilatxo bat agertu dela, zeinetan Azken Afariko iduri batean ese Jesus ageri baita emakume baten eskutik!!!
Horregatik, Vaticanoko ordezkari Arkeologia buruak esatea, haren ahoskera ezti bezain labankorraz, Arabako Diputatu buru zen andereari: Aizan, komeni da hau guztia desagertzea”
Eta hala gertatu da. Hura dana desagerrarazi dutela (eta dugula) EHaren lotsabako… barka, lotsarako.