Ukraina

Euskal Herria-Donbass Elkartasun Komitearen adierazpenak

Donbasseko egoera larriagotu egin da azken asteetan, eta Errusiaren eta Ukrainaren arteko tentsioak gora egin du.

15

Beñat Atorrasagasti

Musikaria. Garagardo banatzailea Oiartzunen. Iheslari eta preso ohi. Lesaka

Donbasseko egoera larriagotu egin da azken asteetan, eta Errusiaren eta Ukrainaren arteko tentsioak gora egin du. Hori dela eta, Euskal Herria-Donbass Elkartasun Komiteak honako hau adierazi nahi du:

1.- Eskualde horretan tentsioa areagotzearen inguruan dugun kezka erakutsi nahi dugu. Joan den urtarrilaren 17az geroztik larriagotu egin da ukrainarren erasoaldi militarra Donbassen aurka, eta milaka zibil Errusiara ebakuatu behar izan dituzte. Tragedia humanitario honek 8 urte daramatza arrastaka, eta behingoz amaitu beharra du.

2.- NATOren eta bere aliatuen jarrera probokatibo eta erasotzailea salatzen dugu, Espainia eta Frantziako estatuak barne, AEBetako interes geoestrategikoen zerbitzura dauden abentura belizistetan parte hartu baitute, Europaren interesen aurka izanda ere.

3.- Gaur, inoiz baino gehiago, bakearen aldeko apustuaren aldeko jarrera berresten dugu. Errusiak abiarazitako operazioa Donbasseko herritarrak babesteko ahalegin gisa ulertzen dugu, eta ez ditugu onartzen orain arte Ukrainako indar armatuek 8 urte luzez egindako gehiegikeriak salatu ez dituztenen kondena hipokritak. Gure nahia da gatazka militarra bukatzea, eta horretarako funtsezkotzat jotzen dugu 2014an erreferendumean demokratikoki adierazitako Donbasseko herritarren borondatea errespetatzea eta Donetskeko eta Luganskeko herri-administrazioek beren subiranotasuna gauzatu ahal izatea.

4.- Inongo euskal edo entitatek eskualde horretan egindako inolako eraso militarretan parterik ez hartzea exijitzen dugu.

Bakea eta herrien subiranotasunaren alde: Gerrari ez! NATOri Ez!

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

15 erantzun “Euskal Herria-Donbass Elkartasun Komitearen adierazpenak” bidalketan

  1. 2015eko albiste honetan ikus daitekeenez, 2015etik (!!!) behar dute laguntza humanitarioa Donbasseko herritarrek:
    https://www.argia.eus/albistea/euskal-herritik-donbasserako-laguntza-humanitarioak-jarraitzen-du/inprimatu

    Ezin hipokritagoa da “Ukrainako gerrarekin” eskuak burura orain daramatzatenen jarrera. Jarrera faltsua, beste behin ere erabilia, induzitua, tendentziosoa, buru-argitasunik batere eta pentsamendu burujaberik batere erakusten ez duenarena eta plandemiarekin jan duen kaka politiko-mediatiko guztia txintxo irensten jarraitzen duenarena. Programazio mental hutsa.

    Badugu behingoz esnatzen hasteko garaia.

    Yugoslavia gogoan…

  2. Harrituta irakurri dut hau: “Errusiak abiarazitako operazioa Donbasseko herritarrak babesteko ahalegin gisa ulertzen dugu”. Eta ontzat ematen duzue operazio hori? Egokia eta bidezkoa iruditzen zaizue Errusia Ukrainan egiten ari dena? Ez zeukan beste biderik Putinek? Eta beste biderik ez daukala ontzat emanik, beste biderik ez izateak zilegi bihurten du egiten ari dena? Hala uler daiteke artikulua irakurrita, zuzenean hala adierazita ez badago ere… Zalantza hori geratu zait.

    “Independentea” jende kritikoaren hedabidea izanik, harritu egiten nau honen inguruan inolako erantzun kritikorik jaso ez izana, edo gutxieneko zalantza erakusten duenik behintzat. Testu honek dioenarekin ados zaudete “Independentea”-ko idazle, irakurle eta eragile guztiak?

    Ez da lehen aldia. Badakit beste hedabideetan agertzen ez diren iritziak agertzen direla hemen, baina gero artikuluen erantzunetan adostasuna baino ez dut ikusten, eta kasu askotan adierazpen zinez zalantzagarrien inguruan, eta horrek ikaragarri harritzen nau.

    Hedabideetako iritzi nagusien kontra egoteak haiek dioten guztia deblauki eta osotoro ukatzea eskatzen du? Eta haiein aurka egiten duen oro ontzat ematea? Zuria ez den guztia beltz da?

  3. Juan Luis

    ZERl buruz nah zenituzke
    Iritzi kritikoak?

    Donbass, Donetsk, Lugansk… Kontra Kieveko Erregimenare bonbadaketei buruz?

    KIEVeko erregimen fatxistak antolaturiko paramilitar akerrek buruturiko aastakerien kritika?
    akaso?

    Paramilitar Horiek eragindako masakre ezagunei buruzko kritika (Odesako sarraski humanitatearen kontrakoari buruzko kritika, adibidez?)

    Edo soil.soilik espero al duzu “Errusiaren ,”inbasio .errusiarraren kontrako kritika?

    Uste dut horretarako jende.mordoxka ez.indepenteko iizanen duzula zure belarriak gozatzeko.

    Bila itzazu OTANen Koarteletan, adibidez.

  4. Juan Luis:

    Ez dakit nondik ateratzen duzun artikuluen erantzunetan adostasuna baino ez dagoela; beno, zure interpretazioa dela pentsatuko dut. Nik ez dut ikusten artikulugilearen aldetik Putinen “aldeko” jarrerarik, baina are gutxiago iruzkinetan.

    Gerrarik ez dugu nahi inork, nik uste. Herritarrok behintzat. Eta, beraz, logikoa da NATOri bere atzaparrak atera ditzan exijitzetik hastea, ez duzu uste? Zortzi urte daramatzate jada han beren “misio humanitarioan”… Bakoitzari berea, hori da legea, ezta?

    Testu honek dioenarekin “Independentea”-ko idazle, irakurle eta eragile guztiak ados ote gauden galdetzen duzu. Zu idazle, irakurle eta eragile zaren hedabide(et)an dioten guztiarekin ados al zaude? Ba hori.

  5. Juan Luis, nik aitortu behar dut Rusia, Ukraina kontuan ez daukadala ezagutzarik. Independentean zabaldu bada EH-Donbass Komitearen gunea, ni pozik alde honetatik: ikusita Facebook bezalakoen zentsura —FBek ez du EH-D Komitearen gunea aipatzen ere uzten—. Nire kasuan ez da ezer kontra joateagatik, daukagun gutxia baizik. Propaganda inperialista yankee asko dabil, horretarako badut begia nahiko landua.

    Ez pentsa ere astirik dugunik bestela Rusiaz eta guztiaz, gure bizi txikiarekin, ezer gutxi hitz egiteko ere, zoritxarrez. Independentea aurrera ateratzen jarduten garenok ezagutzen ditugun gaiak nahiko gutxi dira, laupabost dira jorratu nahi ditugunak. Eta hau, orohar hartuta, ez da ezagutzen dugun horietako bat. Hala ere, ikuspuntu hau zabaldu behar zela bai iruditu zaio taldeari, komite honek urte batzuk jardun delako informazioa aztertzen.

  6. Harridura zer den, Juan Luis… Harrituta zuk ez ote daukazun jende asko hemen… Hori ere kontuan har zenezake.

  7. “Edo soil.soilik espero al duzu “Errusiaren ,”inbasio .errusiarraren kontrako kritika?”, esan didate. Ez, ez dut hori soilik espero. Baina behin gaiari helduta, hori ere espero dut, edo, bestela, azalpen argigarriagoak, edo zalantza batzuk bederen, Errusia egiten ari denari buruzko analisi sakonagoa… Beste zerbait. Ez, besterik gabe, Errusia egiten ari dena egitea beste erremediorik ez duela irakurtzea.

    Badakit bertsio ofiziala Ukrainaren alde eta Errusiaren aurka dagoela gure inguruko hedabide nagusi guztietan, eta badakit Ukraina ez dela hedabide gehienek erakutsi nahi duten bezain eredugarri eta errugabea, ezta Europa eta NATO ere, jakina. Ondo iruditzen zait hori erakustea, kritikatzea, salatzea.

    Baina harrigarria egin zitzaidan testu horretan Errusiari buruzko kritikarik ez irakurtzea, eta, are gehiago, aipatu dudan esaldi horretan Errusia egiten ari denaren justifikazio moduko bat irakurtzea, egiten ari dena beste erremediorik ez duela esaten baita. Hori, Errusia egiten ari dena kontuan hartuta ez da ahuntzaren gauerdiko eztula. Ez baita gezurra hedabide nagusiek erakusten diguten GUZTIA. Ala bai?

    Euskal Herria-Donbass Elkartasun Komitearen testua irakurrita, nik uste nuen izango zela erantzunetan horri buruzko oharrik edo galderarik, azalpen argigarriagoen eskaerarik… Hedabide nagusien ildoetatik aparteko debate interesgarria sor zitekeela hemen.

    Baina ikusten ari naiz ezetz, eta hain zuzen ere ohar kritikoa egin duenari, debatea ireki nahi duenari, egiten diozuela kritika irakurleok.

    Debaterako joera gutxitxo igartzen da hemen, eta handiagoa purrustarako, iritzi nagusi zabalduaren aurka irmo agertzearen harrotasunerako, debaterako bidea zabaltzen denean ez baita oso ondo hartzen (“Harrituta zuk ez ote daukazun jende asko hemen… Hori ere kontuan har zenezake”, hori ere esan didate).

    Ez zen nire asmoa molestatzea, eta molestatu badut, barkatzeko eskatzen dizuet. Berriz ez molestatzeko asmo sendoa daukat, denon on beharrez.

  8. Juan Luis horren tonu-irteera totalitarismo eta errespetu falta adieratzen du. Estabaidari inolako argizaririk ez ematerekin pentsatu eta idatzi behar duguna exijitzea ahalbidetzen da.
    Bitarteko aske eta independente honi bere ildo editoriala zein izan behar duen ordenatzea besterik ez zaio falta.
    Edo agian, inkisidore rolean hobeto ikusten da bere pentsamenduarekin bat ez datozen iruzkinak gaitzesten, oraindik argitu ez dituenak? Hori guzia ingurune aske eta indepententearen eta covidianismoaren bitarteko ofizialen arteko kontraste beharrezkoz apainduta. Baina hori bai, exijitzen du argitaratzen den aurkako balorazioak. Gauza hori maiz gertatzen da Independentean, bide batez. Tira, bota harria eta eskua ezkutatu.

    Jose Luis, erresistentzia ez gara geldituko gizateriaren aurkako krimenengatik erantzuten duten arte euskal herria distopia egoera batera eramaten ari diren guziek, zeinak aurrekaririk gabeko eraso baten biktima den biztanleria alde guzietan eta adin-tarte guzietan urratzen duen, eta guzia pentsaratzen duen, gogortu egingo den.

    Bariduri errusiar karismatikoak egindako kontra-ofentsiba erabat haserretzen zaituela. Badu bere logika, maniobra estrategikoa horrekin eugenistek amesten zuten 2030 Agenda txikituta utzi du.

  9. Niri behintzat ez zenidan molestatu, alderantziz, eskertzen dut zeuk esandakoak, eta konpartitzen ditut ere batzuk.

  10. Oldok, Azalduko zenidake, asko eskatzea ez bada, zertan oinarritzen zaren esateko Errusiak maniobra maisua egin duela eta “2030 Agenda” bertan behera uztea lortu duela? Nire ezjakintasun guztiarekin galdetzen dut. Eskerrik asko.

  11. Gau on Patrik. Maisua hitza ez dut uste erabili dudanik. Nire beste iruzkin batzuetan uste dut zabaldu naizela Errusian Estatu sakona desaktibatzeari buruz (Gai honi buruz arrasto txiki bat emango dizut non dena desenkadenatu zen Miarritzeko hiri nabartarran erabaki bat hartu ez gero eta Errusiako Estatu buruaren presentziarekin, harrigarria bada ere), Agenda 2030 betetzeko Txinaren eta Errusiaren presentziaren premiazko beharrari buruz ibilbide-orri horretan, eta bi herrialdeetako bi Estatu-buruek ez dutenez Rothschild klaneko monagilo eta esbirroak bokaziorik. Beste ikuspegi dute eta beraiek ere mendebaldeko inperioa, aurreikusita zeukaten, erortzen ari dela orain ikusten dutenean eta gainera beren herri propioak (mendebaldekoak) despopulazioa begira daude.

    Sekretupean saikaltutako paperik ez dauzkat. Bi urte hauetan ehunka orduz informazioa bilatzen eta ondorioko jakin batzuk, bai.
    “Harresiaren” erorketa adin heldu batekin bizi izan genuenok eta buru “urdurikoak” garenok gertu-gertutik jarraitu dugu gertaeren bilakaera urte hauetan guztietan. Uste dut horrek diagnostiko batera eraman nauela, egokia izateak batek ezin duela afirmatu, nire zirkulurik hurbilenarekin bat datorrela, konfiantzako eta aspaldiko analistatzat jotzen ditudala, baldin eta.
    Zenbait ondoriotara iristeko eskema oso luzea da eta ezin da iruzkin batean garatu. Nirengatik gaia sakontzeko interesa baduzu, gustura, elkar gaitezke. Besarkada.

  12. Maisuarena nik idatzi nuen, maniobra estrategiko hori zure uztez agenda 2030 txikitu duelako. Besterik gabe, mila esker zure azalpenagatik eta iritsiak gatik.

Utzi iruzkina

Azken artikuluak