Higuingarria da. Ez dugu onartuko.
Piper bat axola du orain Lasa eta Zabalaren senide batzuk espainiar ezkerraren lerroetan murgilduta egoteak. Lasa eta Zabala ETAko militanteak ziren, euskal abertzale iraultzaileak, eta horregatik erail zituen Espainiak.
Euskal Herriaren aurkako okupazio eta esterminio nazionalaren politikaren baitan euskal erresistentzia indargabetzeko bitarteko bat izan zen GAL. Eta Espainiak gaur EHren aurkako okupazio eta esterminio nazional politikarekin jarraitzen du.
Gogoratu berriki Felipe Gonzalez kriminalak esandakoa. Desagertzear dagoen gutxiengo bat gara. “Una minoría al borde de la extinción”.
Hori zen eta da Espainia/Frantziaren helburu politikoa. Herri euskaldunaren desagerrarazpena.
Une honetan euskal militante abertzalerik erailtzen ez badute, une honetan beharrik ez dutelako da. Lortu dutelako ia erresistentziarik ez egotea. Lortu dutelako okupazioa normalizatzea.
Lortu dutelako PNV aspaldi bezala, ezker abertzalea zena bereganatzea. Lortzen ari direlako apenas bortizkeria fisiko gordinik erabili behar izanik gabe herri euskalduna hiltzea.
Eta une honetako okupazio eta esterminio politikaren parte da Joxi eta Joxean gisako militanteen oroimena manipulatu eta espainolismoarentzat errekuperatzea.
Zer pena, amorrua eta frustrazioa ematen dizkidan ezker abertzale ofiziala bihurtu den eta egiten ari den horretan. Zein hondamendi handia den borrokatu zuen herriaren erosotasun mentala, orain lehen zalantzan jartzen zituen bertsio ofizialek arrastaka eramaten dutena. Botere faktikoek usteldutako herri-borrokak, borregoak balira bezala jarraitzen dietenak, eta, gainera, oso iraultzaileak direla uste dute, errealitatea denean, gure herria Euskal Herria inoiz ez dela hain inbaditzaile eta errepresiogilearen mende egon. Lasa eta Zabala, Joxi eta Joxean, bere garaian herriak ez du ahaztuko, herriak ez du barkatuko oihukatzen genuen, baina batzuk ahaztu egin dira. Gutxi gara, gutxi gara, baina hemen gaude ozen eta argi esateko, Joxi Zabala eta Joxean Lasa gogoan zaituztegu, ez dugu ahazten, ez dugu barkatzen!!!!
Mila esker, Eneko. Zuzen, labur eta zehatz.
Dena ondo lotuta Espainiarekin, laster aurkeztuko da Otegi Espainiako erresumarako lehendakari.