Minpeko barik 8
Ondo informatuta ote gaude?
Minpeko barik podcastaren 8. atalean, komunikabideen eta informazioaren tratamenduaren gaiari heldu diogu. Gai korapilatsu samarra.
«Ondo informatuta ote gaude? Argi dago erantzuna: ez, ez gaude ondo informatuta.
Mass media delakoak ditugu alde batetik. Argi dago ABCk edo Garak eta Berriak Euskal Herriari buruz ematen duten informazioa desberdina dela, jakina. Beste gai batzuekin ere informazio kontrajarriak ematen dituzte. Baina, gauza garrantzitsuenetan, oso antzerako mezuak ematen dituzte. Esaterako, Ukrainako gerraren inguruan. Hedabide horiek irakurrita, badirudi gatazka hori "Putinek gaizki lo egin zuelako" hasi zela, baina gauza askoz konplexuagoa da. Besteak beste, ez dute kontatzen gerra horrek Maidaneko plazako estatu kolpearekin duen lotura, eta bertan Victoria Nuland AEBko Estatu Departamenduko buruak izan zuen rola.
Beste adibide bat Siria da. Al-Qaeda/ISIS/Daesh-eko buru batek hartu du orain agintea bertan, EBren bedeinkapen osoarekin. Alabaina, aipatu hedabideetan Al-Asad diktadore bat dela besterik ez digute kontatzen.
Ez naiz luzatuko kobidaroaz hedabide horiek guztiek egin zuten tratamenduarekin. Beldurra sartu ziguten alde guztietatik eta 'txertoa' jarri soluzio miragarritzat. Ez digute kontatu, ordea, 'txertoa' azkenean ez dela izan miragarria, ezta eragin dituen kalteei buruzko ezer ere. Errelato bakarra saldu ziguten, nahiz eta beste iritzi batzuk egon, bazeuden, tartean Nobel saridunenak. Ez digute ezer esaten AEBko Kongresuak (demokrata eta errepubikanoz osatua) kobidaz egindako txosten mardulaz ere. Bost urte pasatuta, berdin-berdin jarraitzen dugu; Berriak, adibidez, duela bost urteko gauza berdin-berdinak errepikatuz, penagarria.
Antzeko gauza gertatzen da aldaketa klimatikoaren gaiarekin, transgenero kontuekin edota migrazioaren gaiarekin... Gai horietan, berez, badago eztabaida bat, baina hedabideetan ez zaio eztabaidari agertzen uzten.
Interneten bakarrik aurki daiteke bestelako informazioa eta horrera jo beste biderik ez du errelato bakarrarekin konformatzen ez denak eta gauzen ulermenean sakondu nahi duenak. Horretarako aukeretako bat da Independentea; proiektu xumea eta borondatezkoa, baina oso artikulu interesgarriak ateratzen dituena, beste leku gehienetan ateratzen ez direnak.»
Juan Martin Elexpurugaz guztiz ados nago..
Ikustekoa, ze oker eta galdurik dabilen gehiengoa.
Ikustekoa, faxismo, ultraeskuin, arrazakeria, matxismo, e.abarren aurkatzat dabiltzan ugari, zein gaitasun gutxi duten adierazpenak entzun eta elkarrizketarako.
Aspalditik datorren okerra da. Okerrean ohitutakoek, ezin asmatu zuzentzen!!!