Zelako meritua euskal herriak, 2020tik mundu osoan zabaltzen eta gogortzen ari den zanpaldi itxi-itxian arnasa hartu eta elkarren artean Independentea eratzen dogulako egunero-egunero.
Ingurua ustelduta dagoela? Euskarazko horrenbeste kazetari, berbalapiko, influencer eta medio ustel dagoela, oso-osoan edo partzialki? Tira, bai, nahiko horrela da, nahiko harrapatuta gagoz. Aspalditik, mendeetan. Hala ere, bizirik eta elkarri barri euskaraz emoten.
guk geuk, geure hanka-sartze eta akatsak barne, elkarren artean zer egin dezakegun, hor dago koxka
Dana dala, hori ez diogu Euskal Herriari egotzi behar oso-osorik. Mundu osoan gertatzen danez, ba hemen ere bai. Kontuan hartu behar dogu mundu mailako inperio armatu (arma ukigarriez gain, banakoengan eragiten duten operazio sikologikoak, propaganda armak, burujatetza,…) zanpatzaileen menpearen menpearen menpean dauzkatela gure herrikide asko eta askoren arimak, gorputzak buruak eta bizitzak. Nagusiki horrek eragiten digu, mundu osoko testuinguru ezin zamatsuagoa.
Eta testuinguru horretan, guk geuk, geure hanka-sartze eta akatsak barne, elkarren artean zer egin dezakegun, hor dago koxka.
funtsezkoagoa zaigu medioetan agertzen ez den hori guztia
Medioak eta internet hor dagoz, mundua iritsi den/ekarri dogun historiako puntu honetan. Ez dakigu noiz arte. Eta euskaldun askok euskarazkoak behar doguz internetok eta mediook, hor mundu-korronte horretan sartuta gauzelako geu be.
Egia esan, funtsezkoagoa zaigu medioetan agertzen ez den hori guztia. Eguneroko lagunen arteko topaketa, ahozko berbaldiak, begietara begiratu, elkar besarkatu. Batzarra, batzemea, batzarremea, bilkura. Tokiko, eskualdeko, auzoko, etxeko bilkura, esmarfonak-eta errekara botata elkartzen garen tarte horiek. Eta horretan ere, euskarazkoa ur eta argi zaigu askori. Bizitzeko, bizi izateko, bizi emateko, ezinbestekoa.
itzel eskertzen dizkiot Independenteari konfiantza indartzen eta luzarorakotzen diguten alkarraldiok
Horregatik, itzel eskertzen diot Independenteari zera hau: hezur-haragizko munduan, begirada algara eta besarkaden eremuan, elkarrizketa anabasan, bertsotan, kantuan eta dantzan nahastuta, elkartzen gareneko horiek. Hiru lagun batu, edo hirutanogeitamar. Norberaren gaineko eta elkarren arteko konfiantza indartzen eta luzarorakotzen diguten alkarraldiok. Behar, makal-eta negar-beharraldietan ere nogana jo izateak zenbat balio duen!
Eskerrik asko hastapenetik eta itaurrekoan zabiltzaten indepezaleoi, eta esker mila potoloenak egunero Independentea irakurri eta iruzkinez horren ederto aberasten dozuenoi.
Gero eta ezagunagoa eta gero eta kontuan hartuagoa da Independentea eta euskal hedabide gisa jasota dago nazioarteko zerrenda batean
Gero eta ezagunagoa eta gero eta kontuan hartuagoa da Independentea. Eta gu ez gabiltza presaz. Mastodon-en polemikatxo bat izan dogu egunotan (https://mastodon.eus/@Eleder/114116117787837753), Independentea nazioarteko hedabide zerrenda batetik aterarazten saiatu da-eta norbait.
Eta horretan gabiltzala, etorri zaigu, “emedabidea” ote gara? Emeki dabilena? Emotekoa? Emoteko hedabidea ote da Independentea definitzeko modu bat? (Beste aldean, jasotzeko hedabideak ere badira. Badakigu, medio piloa dago laguntxuentzako 3-4 lanpostu, diru-laguntza, ospea eta kakazar horiek guztiak jasotzeko pentsatuak, makinatuak, sortuak nagusiki. Infoxikazioan dihardute, beraz, askotan).
Are we, maybe, a slow-medium?
Zaindu dezagun Independentea, eta egunetik egunera hobetu, findu, sakondu,… eta ospatu.
Biba zuek ;-)!
ps. Ihintza, mila esker idatzi bikain hainbestegatik, eta gaurkoan, ganera, izenburuagatik be! (Hertzainak; Drogas AEKn:
https://odysee.com/@Biturbo:0/hertzainak-drogas-AEKn-(288p_25fps_H264-96kbit_AAC):1 ;-)!
Iruzur mundialaren hasieraren urteurren honetan, ederra da hemen diozuna, mila esker, Eleder. Eta esker bero handia zuri eta Koteri, Mastodon sarean Independenteari eskubide osoz dagokion tokia hain ongi defendatzeagatik. Toki hori aipatu duzun nazioarteko hedabideen zerrendan egiaztatuta hasieratik izan du Independenteak, etxeko akonplexatuek baino errazago kanpoko profesionalek ematen duten aitortza frogatuz, askotan gertatu ohi denez, eta agian hori da teknopata ernegatu batzuei deseroso suertatu zaiena eta Independentea zerrendatik atera nahi izatera bultzatu dituena. Bada, oraingoan ez dute lortu, zuei esker, Kote eta Eleder.
Mila esker!!
Eta hurrengo alkarraldira arte!
Bai, infoxikazio masiboaren zibilizazio honetan zaila da holako ekileak aurkitzen!
EKIPO AURRERAA :))) !
Bertso bat kantatzea
Merezi du Gentza
Zentsura bukatuko
Denikan ez pentsa
Komunitate honek
Behar du defentsa
Euskeraz eta libre
Ariko den prentsa
Mila esker lanean ari zareten guztioi!!