Eta bai, iritsi da. Ez da Olentzeroren oparia izan, ez du horrenbesteko magiarik izan. AEBko Kongresutik iritsi da notizia, ganbera horretako Ikuskapen eta Erantzukizunen Batzordetik. Ez dakit inor harrituko den albiste honekin honezkero, baina ez dio txundigarri izateari uzten, hala ere: Covid-19agatiko konfinamenduek ez zutela zientzia-oinarririk izan eta onura baino kalte gehiago eragin zutela. Hartu ziren neurriek jendearen osasuna, kultura eta ekonomia hondatu zituztela, eta segur aski belaunaldietan zehar luzatuko den eta nozitu beharko dugun hondamendia sortu zutela. Jakina, eskolak ixteak, jendea lasai elkartzeko debekuak eta musukoen inposaketak ez zutela inolako oinarri eta justifikaziorik. Laburbilduz, porrota, erabatekoa.
Baina inor harritzen al du horrek dagoeneko? Hala ez bada eta normala baldin bada, zergatik ez du inork aipatu ere egiten? Albistea EFE agentzian ikusirik, harritu gaitu euskal prentsan horren oihartzunik ez entzuteak, ez ikusteak. Ez dira horrelako “fin” eta detailez ibili beste hainbat gairekin, alajaina. Irratian, beste hainbeste. Gaur bertan entzun dut Errusiak Ukrainako ez dakit zer erasotu duela; ez dute ezer esan, ordea, NATOk Mediterraneo itsasoko nazioarteko uretan hondorarazi duen ontzi errusiarraz. Kasualitatea ote?
Bada, zain gaude oraindik Berriako eta Argiako azaletan ikerketa batzorde horren albiste hori ikusteko, Felix Zubia edo Ugo Mayor ikusi genituen bezala. Ikusi behar izan genituen bezala, pairatu behar izan genituen beste hainbat eta hainbat aditu, dibulgatzaile eta tertuliakiderekin batera. Egindako kaltea eginda dago eta ez dut uste euskal prentsaren “komunikazio hautu” horrek ekarri zuen loturen haustea konponduko dutenik; gure jendartean puskatu zituzten harremanak, laguntasun eta senidetasun loturak, desegin zuten konfiantza onbideratzeko gauza handirik egin dezaketenik jada… ez dugu erreparaziorik espero alde horretatik. Traizio bat ezin da konpondu, hori horrela da, baina egia bati bizkarrik ez ematea behintzat edonoren esku dago. Orain AEBko ikuskatzaile horiengandik etorri den albistea xumeki baina duinki emateak ez lioke inori minik egingo, eta baten baino gehiagoren sinesgarritasun hondatua berrosatzen hasteko bidearen hasiera ere izan liteke, nork daki. Izan ere, ezin ahaztu gure euskal prentsa-harpidetza guztiak bajan eman genituenean isuri genituen malko garratzak.
Oraingoan ere, beraz, euskaldunok etsi egin behar izan dugu, aipatutako AEBko ikerketa eta emaitzen batere berririk jaso gabe gure prentsan. Baina, berez, hilkor arruntok jakin nahi genuke, jakin, Euskal Herrira ere iritsi dela AEBko ikerketa ofizial horren berri. Gure kazetarien energia eta lan-gaitasuna zeregin garrantzitsuagoetara bideratua egongo da agian egunotan; Gabonetako otarrainsken digestiora, akaso? Ez da gure asmoa digestio hori oker dakien. Nahi dugun bakarra euskadunon duintasuna oraindik nonbait badela ikusaraztea da.
Hori luma zorrotza
Euskaldunon duintasuna non dago?
Idazi ederra! Eskerrik asko!
Milesker, Ihintza, euskal prentsara berri izugarri garrantzitsu hau ekartzearren!
Euskaldunek, bai duintasuna eta bai beste hainbat ondare (osasuna bera, hizkuntza, hezkuntza, haurtzaroa, nerabezaroa, kultura, nekazaritza, arrantza, etab, etab), aspaldi bota dituzte komuneko zulotik barrena eta kateari tiratu, gero berarekin urkatzeko (bakoitza “bereen” eskutik hori bai)
Eta oraindik, ematen du banaka bat baino ez direla konturatu euskal ontziak dituen zulo eta ur sarrera izugarri gehietaz eta konturatu direnak ere ez direla/ ez garela ausartzen aipatzen. Shhhh!
Eskerrik asko, Ihintza, artikuluarengatik!
IHINTZA,
AINARA…
Zein izen politak!
Ihintza: “Rocío de la mañana”
Ainara: “Ave de territorios lejanos”
Gazteleraz, “golondrina” deitu diote, eta kantu bat eskaini:
“Volverán,
volverán,
volverán,
las oscuras golondrinas volverán. …”
Nostalgiko bihurtzen ari naiz.
Oso ona, Ihintza! Beste behin ere argi geratzen da euskal komunikabideak norentzat ari diren.
Jolas piskat!
Duintasuna? ……
Euskaldunon duintasuna? …..
Ze arraio den hori?…
AEB tik dator notizia.
Gezur bat izan zala
COVID neurri guztia.
Oiñ, San ze-ebaztian,
Tramp-a ezpada haseran.
Kenedi baztertzen ezpadute,
OMStik kanpora, don ostian.
(Gertatzen dena gertatu, bakoitzok
dagozkigun odolkiak ordañetan izango dizkiñagu. Eutsi goiari.)
Ederto, Ihintza. Webgune katalan honetan txostenaren laburpena:
https://conversesacatalunya.cat/es/exclusiva-resumen-propio-del-explosivo-informe-del-congreso-de-estadoss-unidos-sobre-la-covid-19/#google_vignette
Dena dela, txostenak badu bere bere puntu koldarra, Big Farma salatu beharrean, goraipatu egiten ditu “txertoak”; hara zer dioen laburpenaren 7. puntuak:
“7. Éxito de la Operación Warp Speed
Importancia: El rápido desarrollo de vacunas salvó millones de vidas, estableciendo un modelo para futuras emergencias”.
…eta $i$temaren ezkerrak non daude, ‘covid’muntaia onartu eta gero…?
Ai zapotxin
ez dago zer egin
prentsa salduta
zipaioarekin
Non dago egia?
Zaldibarren dago
kaka pilo batez
ondo estalita
…
Ederki Ihintza! Lehen ere egia hor zegoen ikusi nahi zuenarentzat, orain bezelaxe. Saiatzen denak beti bilatzen du. Jarraitu gogor lan horretan eta milesker!!
Eskerrik asko Ihintza artikulua gatik!
Ez dakizue ze ondo pasatzen doten zuen iruzkinekaz, poesia, umorea, …
“Zertarako” galdera ekarko neuke nik. Zertarako gertatu da? Duintasuna, egia, ohorea bezalako galdutako balioek barne sakonetik sakatu deuskuen moduan sakatu, aurpegia emon, azaleratu, elkartu, behar izan dan egunkaria sortu, plazaz plazako, manifestazioak,… bezalako gauzak gertatzeko.
Ez da broma, gudari barrien taldea gara. Guda bateri aurpegi emon deutsagu, (ta gure sakonean badakigu) eta orain buelta datozku, txarrenak egin doguz.
Orain energia gure alde jartzen ari da, adi!
Zoragarriak zarie gudari kuadrilla!
Era naturalean bihotz nobleen selekzino natural bat ekarri deusku guzti honek. Benetan hori sentitzen dot.
✨🪄
Aupa Ihintza oso titulu aproposa. Zuk idatzitakoari musika pixkat jarriko diot:
https://www.youtube.com/watch?v=oA5qePHFVgs
Txerto genetikoen eragin kaltegarriak ez dirá aipatzen baina hurrengo txostenean agertuko direlakoan espero dut.
Argitaratzen denerako euskaldunok INDEPENDENTEan irakurriko dugu soilik, beste guztiak.muzin egin dutelako egiari.
Eskerrak Kote ta Ihintzari, webgune hau sortu eta mantetzearren.
ALMUDENA ZARAGOZAren IRITZIA HEMEN
Nola gorde kontakizunaren zati bat eta ondo kokatuta irten engainatzen eta hiltzen jarraitzeko?
Denek txalotzen duten AEBko txostenaren laburpena.
1. Amerikarrak oso onak dira, COVID iruzurra ikertu dute, beren parlamentua ez da txotxongiloen funtzioa. (Komisioan egoteak, inork ikusi ez zituenak, botikarien abokatuek, ez du esan nahi politikarien hariak mugitzen dituztenik. AEB askatasunaren lurraldea da, txistearena da).
2. Birusak ihes egin zuen Wuhanetik, laborategi komunista gaizto batetik, AEBk finantzatua. (Hollywoodeko film berria, hasierako primatu negatiborako, zirkuak jarraitzen du).
3. Itxialdi, maskara eta gainerako harrapaketen neurriak politikoak izan ziren (ez zientifikoak). Gogoan izan “Zientzia” egia dela… Ez kontrol-sare ustel bat.
4. Covid-19aren aurkako txertoek (asmatutako gaixotasuna) ez zuten birusaren transmisioa saihesten. Izan ere, kutsatzeak benetakoa izan behar du Pharmako gure bezeroentzat, ez ziren PCR test arbitrario batzuk izan estatistika faltsu batzuk gizendu zituztenak.
Ez dakit gehiago harritzen nauenik, kontakizunetik atera diren bezala edo “kritikariek” hau irensteak.
Adeitasunez,
Almudena Zaragoza. Biologoa.
https://theobjective.com/elsubjetivo/opinion/2024-12-26/pandemia-el-descredito-absoluto-de-la-politica /
Ez espero inongo zuzenketarik Iritziaren PATRonalak baimenak eman arte, ordurako ondo lotuta izango da kontakizuna eta are gehiago izorratzeko/irabazteko baliatzen saiatuko dira.
Baina gainera gu bezalako jende baztergarriek, baztertu labelik merezi ere ez dugun baztertuok, ez dugu eztabaidaren errekonozimendurik ere jasoko dakitzaketenen aldetik une egokian iritzi egokia izateko gaitasuna duten horien aldetik, beraz gure zauritxoak txokoan miazkatzearen kontsolamenduarekin konformatu beharko dugu.
https://www.naiz.eus/es/gaiak/noticia/20241211/la-dimension-de-los-ataques-a-cientificos-de-relieve-en-un-estudio-con-impulso-vasco
Ez daukate erremediorik.
Orain gainera Naiz en buloteka estreinatu dute.
Pepe Reyk zer pentsatuko ote zeban bizirik balego?
Joseba: Kontua ez da ontzat ematen dugun txosten hori ala ez, kontua da orduko kontakizun maltzurra azaleratzen duen ezer ez dutela argitaratzen, dela txosten hau, direla kalteen datuak, goi mailako ustelkeria kasuak… Herri lerdoak ez duelako irizpiderik eta gaizki interpretatu ditzakeelako datuok manipulatzaile magufoen mesedetan. Beraz ixo atertu arte, asetuko garala foballeko azken txutxumutxuekin.
Beno, ba ez da zaila delako txosten horretan “tranpismoaren” kalteen kontrolerako jokaldia antzematen, egin zutena orain zuritzea komeni zaie segur aski. Horregatik argitaratu dute, noiz eta orain, nortzuk eta haiek, eta nahi dutena interesatzen zaien moduan erakutsiz.
Eta hala eta guztiz ere, ez da arrazoi euskal kazetariek, kazetaritza informatzea baldin bada, ezikusiarena egiteko. Haien isiltasuna eskandalagarria da, kazetari lan oinarrizkoenaren aurkakoa. Euskal kazetari jendea 2020an EFEren bozgorailu izan bazen, zergatik ez oraingo honetan?
eta halere berriek jarraitzen dute itxaropentsu iristen.
Zure kemenari izugarri eskertuta, Ihintza!!
Ezerezean ez daitezela gelditu Covid garaiko basakeria haiek.
Gezurra muturraren aurrean esan ziguten. Informazioa kontrastatzeko modurik ez zen eta GURE komunikabideak jokoan sartu ziren lotsagabeki.
Ihintza, eskerrik asko, askok izan dezakegun pentsamendua plazaratzeagatik.
Segi aurrera !