‘COVID 19ak 5 urte’ serieko artikulu guztiak esteka honetan
Pandemiari buruzko AEBko Kongresuaren txostena (III): Konfinamenduak eta desinformazioa
ITXIALDIAK
Konfinamendu ez zientifikoak onura baino kalte handiagoa eragin zuen. AEBko Kongresuko txostenaren atal honetan, historian hartu den neurririk zorrotz eta muturrekoenaren kritika egiten da arlo ugaritatik. Izan zituen ondorioak eta kalteak oraindik jasaten ari gara gizartean. Etxeratzeko aginduaz gain, bigarren fase batean, beste konfinamendu era bat ere ezarri zen Covid ziurtagirian bidez, eta, horrela, txertatu ez ginenoi debekualdiak luzatu zizkiguten inolako justifikazio zientifikorik gabe.
2020ko martxoan, Trumpen agindupean, bi asteko itxialdia agindu zuen AEBko gobernuak; 15 egunetarako omen zena hilabetetaraino luzatu zen. Hasieran adostasun orokor bat egon zen epidemiaren hedapena mozteko (izurritearen “kurba zapaltzeko”). Zaurgarriak soilik babestu beharrean, estatubatuar guztiei eragin zien debekuak eta, horrela, haien osasunean eta ekonomian ezin zenbatuzko kaltea eragin zuten. Agindu horiek bultzatu zituztenek, Collings doktoreak esaterako, onartu zuten ez zutela pentsatu ere egin zer-nolako ondorioak eragingo zizkioten neurri haiek gizarteari eta, orain, txostengileek aipatzen dute berez saihesteko modukoak ziren kalteak eragin zizkiotela AEBko ekonomiari itxialdiek: enpresak itxi ziren, langileak bota zituzten eta inflazioak gora egin zuen. Telelanararen bidetik, kontsumo ohiturak aldatu ziren eta online korporazio handiek irabazi erraldoiak lortu zituzten denda txikien kaltetan. Dena den, txostenaren beste atal batek sakontzen du ekonomiaren suntsiketaren gaian.
Buruko arazoen larriagotzea nabarmenagoa izan zen itxialdiak luzatu zituzten estatuetan
Itxialdiak amerikarren osasun mentalean negatiboki eragin zuen. Psikofarmakoen erabilera handitu zen, gaindosiak eta suizidioak ugaritu ziren. Nature aldizkarian argitaratutako 2024ko ikerketa batek arazo mentalen %22ko igoera neurtu zuen 2019 eta 2020 urteen artean. Buruko arazoen larriagotzea nabarmenagoa izan zen itxialdiak luzatu zituzten estatuetan. Adikzioen igoera ohiko jokoetan, interneteko jokoetan, pornografian, sare sozialetan eta online erosketetan neurtu zuten. Agerian geratu da isolamendua, estresa eta aro digitalaren konbinazioak menpekotasunaren zabalpenari lagundu diola.
Ume txikien adimena gutxitu egin zen sasoi horretan
Konfinamendu luzeek haur eta gazteen garapenean eragin zuten. Umeak mintzatzen hasteko adinaren atzerapena ohiko bihurtu zen pandemiaren zehar. 2023an, logopeden elkarte batek egindako inkesta batean, terapeuten %84k nabaritu zituzten umeen mintzatzeko, entzuteko eta ahoskatzeko zailtasunak, eta %79k hizkuntzaren atzerapenak. Beste ikerketa ugarik adierazi dute, hizkuntza ikasketaren gainbeheraz gain, ume txikien adimena ere gutxitu egin zela sasoi horretan. Garunaren neuro-irudietan ikus daiteke hori.
Itxialdiak ezartzearekin batera, EZ ziren beronen eragin kaltegarriak neurtu. Adibidez, estatubatuarren %41 ez ziren errutinazko mediku kontroletara joan eta horrek gaixotasun asko larritzea erraztu zuen; minbiziak eta diabetesa, kasu baterako. Beraz, medikuntza prebentiboa hutsean geratu zen hilabete askotan zehar.
New York izan zen lehen hiria Covid pasaporteak inposatzen eta txertatu gabekoen kontrako boikot soziala sustatzen
2021eko abuztuan, New York izan zen lehen hiria Covid pasaporteak inposatzen eta txertatu gabekoen kontrako boikot soziala sustatzen. Politikari batzuek ez txertatuei gaixotasunaren eta hildakoen “errua” bota zieten publikoki. Baina, birusaren aldaerak agertu ahala, txertoen baliagarritasuna zalantzan jarri zen eta, ondorioz, txerto-kanpaina berriak hasi ziren, zein baino zein zentzugabeagoak, ia-ia beldurrari aurre egiteko. Hala ere, Covid pasaportearen eskakizunak beste hiri iparramerikar batzuetara zabaldu zen; San Francisco, Chicago, Boston eta abar. Batzuen ustez, ziurtagiri horiek txertoekiko eta osasun-arduradun eta politikarienganako konfiantza ahuldu zuten. Txertoek ez zuten immunitatearen bermerik ematen; beraz, txertatu gabekoen konfinamendu bereziak ez zuen logikarik, eta horrela ulertu zuten hiritarrek. Suedian, adibidez, ez zen itxialdirik egon eta bertako egoera AEBkoa baino askoz ere hobea izan zen pandemia osoan.
DESINFORMAZIOA
Beste alde batetik, Covidari buruzko desinformazio zabala gertatu da urtetan zehar. Hasieran, birusak jatorria laborategi batean zuela zioen teoria konspiranoikotzat hartu zuten arduradun publikoek, adibidez Fauci doktoreak; berak, 2019. urtean laborategiko teoriaren kontra sutsuki jo arren, handik hiru urtera onargarria zela adierazi zuen pandemiaren ikerketa-batzordean. Gogoratu behar dugu Faucik berak inposatu zuela birusa animalia batetik zetorrela, nahiz eta hasieratik birologia arloko beste aditu batzuek adierazi elementu artifizialak (furina lotura) aurkitu zituztela birusaren genoman.
Enpresa teknologiko handienek (Meta, Alphabet eta Amazon) edukien kontrolak aldatu zituzten gobernuaren aginduz
Biden administrazioak metodo antidemokratikoak erabili zituen desinformaziotzat hartzen zuena isilarazteko. AEBko justizia administrazioaren 2024ko txosten batek agertzen du nola enpresa teknologiko handienek (Meta, Alphabet eta Amazon) edukien kontrolak aldatu zituzten gobernuaren aginduz. Horretarako, Metaren jabea den Zuckerberg-eri bidalitako posta elektroniko mezu biren adibidea argitaratu zuten; bertan azaltzen zen ezabatu egin behar zela Facebook-etik Covid asmakizuna gizakiarengandik zetorrela zioen informazio oro. Birusaren jatorriaz gain, aukera terapeutiko altenatiboak edo txertoen arriskuak ere ezabatu egin zituzten.
”Txertatua egonez gero ez zara ospitalera joango, ezta ZIUra ere, eta ez zara hilko” Bidenek zioen bitartean, txertatutako 5.500 lagun ospitaleratu edo/eta hil ziren
Txertoen eraginkortasunari buruzko gehiegizko propaganda ere egin zuen gobernuak. Biden administrazioak txertoei gehiegizko “ahalmena” eman zien gaixotasuna geratzeko eta kutsatzea eteteko. Biden presidenteak berak esan zuen txertatutakoek erabateko babesa zutela Covid gaixotasunaren aurrean: “Txertatua egonez gero ez zara ospitalera joango, ezta ZIUra ere, eta ez zara hilko” esaten zuen bitartean, txertatutako 5.500 lagun ospitaleratu zituzten edo/eta hil ziren. Beste funtzionario batzuek, 2021eko martxoan Walensky doktoreak esaterako, baieztatu zuten txertatuak ez zirela birus eramaileak eta Covid gaixotasuna ez zutela jasango. Handik hilabete batera beste osasun arduradun batek gezurtatu egin zituen hitz horiek. 2021eko apirilean, Fauci doktoreak publikoki esan zuen txertatutakoek ez zutela musukoa eraman beharko, ez zutelako gaixotasun birikoa garatuko. 2024an, aldiz, ikerketa-batzordearen aurrean aitortu zuen adierazpen haiek okerrak zirela, daturik ez zutelako, gaia konplexuegia zelako eta txertoen efektua denborarekin murrizten zelako. 2021eko maiatzaren 1etik aurrera, osasun agintariek agindua eman zuten txertatu ondorengo infekzioak zenbatzeko, datuen kalitatea hobetzeko asmoz.
2021eko uztailean, Delta aldaerarekin, agerian geratu zen kutsatzea saihesteko txertoen ezina, nabarmena izan zena bereziki urte hartako Independentzia Egunaren Massachusettseko ospakizunaren ondoren, positibo kasuen bi heren txertatutakoenak zirela baieztatu zenean eta, beraz, musukoaren erabilpen orokorra agindu zutenean. Ironikoki, nahiz eta txertatuta egon, Biden presidenteak, Faucik eta Walensky doktoreak ere PCR proban positibo eman zuten.
Faltsukeria horren guztiaren erdian, txertatzeko asmorik ez zuten estatubatuar gazte eta osasuntsu asko, beren burua egoera larri batean ikusita eta ustez gaixotasunaren transmisioa mozteko, halabeharrez txertatu ziren. Denborak aurrera egin ahala, ordea, jende ugarik uko egin zion hirugarren edo laugarren dosia hartzeari. 2023ko ikerketa baten arabera, estatubatuarren %20k soilik jarraitu zuten txerto-dosiak hartzen, gehienak konturatu zirelako horien eraginkortasuna hutsaren hurrengoa zela.
FDAk faltsuki zabaldu zuen ivermectina animalientzako tratamendua zela
Aginte organoetatik hedatutako beste albiste faltsu bat izan zen ivermectina farmakoa zaldi eta behiekin bakarrik erabilia zela. FDAk faltsuki zabaldu zuen ivermectina animalientzako tratamendua zela, nahiz eta ordurako mediku-ikerketa ugarik Covid gaixotasuna sendatzeko botika horren eraginkortasuna frogatua zuten. Horrela hartu zioten gaina gaixotasunari Txinan mediku txinatarrek, Kennedy-k oraintsu esan duenez. AEBko FDAk, ostera, 2021eko abuztuaren 21ean, txio hau bota zuen: “Ez zara zaldi bat. Ez zara behi bat. Serioski, mutilak, nahikoa da”.
Edonola ere, aztertzen ari garen AEBko Kongresuaren txostenean, desinformazioaren hiru adibide bakarrik agertzen dira. Hemen, Euskal Herrian, kontaezinezko adibideak eduki genituen eta ditugu; adibidez, azken asteotan Berrian argitaratutako COVID 19ak bost urte izeneko seriean.
Eskerrik asko. Hau da guk GURE egiazko historia idaztea. BERRIA rekin egiten ari direna EGUNKARIA rekin egin zigutena baino askoz ere larriagoa da.
Zergatik ez dugu erabiltzen INFOXIKAZIO hitza?
Gure bizitzako buroparik (burujatetza operazio = psy-op) handiena.
Estatuen eta botereen herritarren aurkako aspaldi planeatutako, koordinatutako, eta goitik beherako operazio psikologiko ikaragarria, gure eguneroko bizimoldea bera beste buropa/operazio psikologiko baten/burujatetzaren alaba dela jakinda ere, hein handi batean.
Covid-19ko burujatetza, 5 minutuko bideo honetan islatzen da nahiko finki: https://odysee.com/@sidefish:7/Covid-19-The-Greatest-Psy-op-Ever-Implemented-Vaccines-Masks:f?src=embed&t=108.589774
BFAko zuloan gauzela, orduak emoten doguz pantailaren aurrean, xerka. Funtziona blogean eta Mastodonen jartzen doguz aukeratutako batzuk.
Hari horretatik, azken aldian fidagarri egiten ari zaizkigun egile batzuk, hauek, buroparen izaera eta zelakotasuna nahiko polito azaltzen:
1. David Hughes (Ingalaterra): https://dhughes.substack.com/p/appearance-at-the-corona-investigative
2. Sasha Latypova (Ukraina/AEB):
https://sashalatypova.substack.com/p/the-hidden-hand-behind-the-covid?utm_source=podcast-email&publication_id=870364&post_id=159752861&utm_campaign=email-play-on-substack&utm_content=watch_now_gif&r=3ha788&triedRedirect=true&utm_medium=email
3. Jason Christoff (Kanada): https://odysee.com/@JamesDelingpoleChannel:0/2024-01-08-Jason-Christoff:6
Hasieratiko operazio militarra, gero eta argiago, pufa!
Besarkada bana,
ge
ps. Odysee-ko materialik gehien-gehienak deskargagarriak dira. Batek daki etorkizunean, noiz arte izango diren eskura, sarean.
Eskerrik asko erreferentzia horiengatik, Eleder.
Eta mila esker, berriro ere, Angel Bidaurrazaga.