Bizitza plataformaren agiria:
OSAKIDETZAK, COVID KUDEAKETAREN INGURUAN, AZTERKETA EPIDEMIOLOGIKO INDEPENDENTE BAT EGITEKO BEHARREZKO OSASUN DATU PUBLIKOAK EZ DIZKIO EMAN IPARRA EKIMENARI. AZTERKETA HAU OSAKIDETZAK BERAK ERE EZ DU EGINGO!
Bizitza Elkartea eta Iparra ekimena Eusko Legebiltzarreko Osasun Batzordean izan ziren 2025eko maiatzaren 5ean.
Bizitza plataformak, pandemiaren hasieratik, bertsio ofizialarekiko oso iritzi kritikoa agertu izan du beti.
2024ko azaroan sortu zen Iparra ekimena, Euskal Herriko Osasun arloko profesional ezberdinek osatzen dute taldea eta hau da beraien web-orria: www.iparra.eus.
2024ko abenduaren 17an, 2024RTE016089918 espedientean, honako informazio-eskaera luzatu zien Iparra ekimenak Eusko Jaurlaritzari eta Osakidetzari:
XXXXXX XXXXXX XXXXXX-ek, NAN XXXXXXXXX, Euskal Herriko Unibertsitateko Medikuntza eta Kirurgia doktoreak, Kirurgia Orokorreko eta Aparatu Digestiboko espezialistak eta XXXXXXXXX elkargokide-zenbakia duenak, eskaera hau sinatzen duten sanitario eta zientzialariekin batera (horien zerrenda erantsi da), gure lanbideak eskatzen digun deontologia ariketa batean, osasun publikoko datuen eskaera hau egin nahi dugu: 2010eta 2024 urteen artean, urtez urte eta adin-tarteen arabera, beherago zehazten diren osasun-datuak eskatzen ditugu: A) Kausa guztien ondoriozko hilkortasun-datuak B) Patologia hauen intzidentzia eta hilkortasuna: 1. Garuneko odol-hodietako istripuak 2. Miokarditisa 3. Perikarditisa 4. Minbizia 5. Koagulopatiak (tronbosia) 6. Biriketako tronboenbolismoa 7. Abortuen eta hilda jaiotakoen kopurua C) RNAm Covid-19 txertoaren inokulazioaren datua, A eta B ataletan. Eskaera sinatzen duten pertsonak: (...).
Osasungintzako ia 40 profesionalek sinatu zuten idatzia, gehienak medikuak.
Hemen daukazue eskaera aukeztu izanaren ziurtagiriaren irudia:
Administrazioak erantzuteko 3 hilabeteko epea du gehienez, baina eskaturiko informazioa ez dute eman 5 hilabete beranduago.
2025eko urtarrilaren 2an, berriz, Iparra ekimenaren berri emateko honako prentsa oharra bidali zen euskal komunikabide nagusietara:
IPARRA - PRENTSA OHARRA:
Euskal gizarteko zientzialari eta Osasun arloko profesionalek osatutako lantalde batek www.iparra.eus webgunean jasota dagoen ekimen hau aurkeztu nahi du.
Pandemia garaiko krisialdian Osasun arloak galduriko «iparra» berreskuratzea da helburu.
Bi ekimenekin hasi gara:
Alde batetik, Covid «txertoekin» lotutako patologia edo ondorio kaltegarri batzuei buruzko datuak eskatu dizkiegu osasun-agintariei, bai EAEn, bai Nafarroan, gero azterketa epidemiologiko bat egin ahal izateko.
Mundu osoan argitaratzen ari dira hainbat azterlanen emaitzak, datu kezkagarriekin, eta uste dugu beharrezkoa dela arlo horretan lan egitea, baita gure lurraldean ere.
Beste alde batetik, eta aurrekoarekin lotuta, «txerto» genetikoetan oinarritutako txertaketa kanpainaren etena eskatzen diegu bi autonomia erkidegoetako osasun-sailburuei, bai COVIDari dagokiona, bai haurrei emandako gripe txerto intranasalari dagokiona. Uste dugu, txerto horien arriskuak eta segurtasunik eza handiegiak direla haiekin jarraitzeko.
Azkenik, gure webgunean erakusten den bezala, osasun-langileei eta ikertzaileei dei egiten diegu beren babesa adieraz dezaten. Gurekin lan egitera animatzen diren profesionalak ongi etorriak izango dira.
Aurrerago, hurrengo urratsak adieraziko ditugu.
Bere garaian, ekimen hori prentsaurreko batean aurkeztuko da.
iparra@iparra.eus
Komunikabide hauetara bidali zen ekimena sortu izanaren prentsa oharra: Diario Vasco, Gara, Berria, Argia, Eitb, Efe, El Correo, Europapress, Independentea, Cadena Ser, Noticias de Alava, Euskalnews, Ataria, Onda Cero, Bizkaia irratia, Hitza, Hamaika eta abar.
Horietako inork ez zuen prentsa oharraren berri eman, Independentea komunikabideak izan ezik.
Joan den astean, 2025eko maiatzaren 5ean, Eusko Legebiltzarreko Osasun Batzordearen aurrean Bizitza plataformak eskatuta agerraldia egin zuten, Bizitza elkartearen izenean, Juanjo Martinez, Silvano Baztan eta Angel Bidaurrazaga medikuek, hirurak Iparra ekimeneko kideak eta hirurak Medikuntzan Doktoreak.
Hemen dituzue Osasun Batzordean egindako hitz hartzeen estekak:
- Bizitza plataforma Eusko Legebiltzarreko Osasun Batzordean (Juanjo Martinezen lehen hitz hartzea).
- Juanjo Martinezen bigarren hitz hartzea.
- Angel Bidaurrazagaren hitz hartzea.
- Silvano Baztanen hitz hartzea.
- Ekain Ricoren (PSE-EE) hitz hartzea.
- Ander Añibarroren (PNV-EAJ) hitz hartzea.
- Rebeka Uberaren (EH BILDU) hitz hartzea.
- Agerraldi osoa jasotzen duen berregindako grabazioa.
Bertan, besteak beste, Osakidetzari eskatu zaion eta Osakidetzak eman ez duen informazioa eskatu da berriro. Bizitza elkartearen izenean hitz egin zuten eta Medikuntzan Doktoreak diren osasun arloko profesional hauen adierazpenek, bertsio ofizialaz haratago, beste errealitate bat dakarkigute. Osakidetzak Iparra ekimenak eskaturiko datuak ez emateak eta komunikabide nagusiek (Jaurlaritzatik dirulaguntzak jasoak dituztenek), bertsio ofizialetik aldentzen diren bertsioak isilarazteak zer pentsatua eman beharko liguke, eta asko gainera.
Bizitza plataforma
Eta ez du egingo. Baina ez dute ezertan egiten. Grazia du Garan eta EHbildutik kexatzeak, Iratxe Sorzabal torturatu zutela “onartu” zuen Auzitegi Nazionalaren epaia komunikabideetan eta ofizialki isilarazi izanak. Sorzabal auziaren aurrean isilik egoteak tortura «estaltzen» duela ziurtatu du EH Bilduk. Bertzeendako apez, eta geronendako eskolaua ez! Ni ados nago EHb Bilduk tortura sistematikoa izan zela eta sistematikoa izaten jarraitzen duela, neurri txikiagoan bada ere, esatearekin, eta isiltzeak estali egiten duela esatearekin. Baina, era berean, argi eta garbi diot “Plandemian” gertatukoa medikuntzako eta biologiako profesionalen benetako datuetan oinarritutako kritika oro ostrazismora bidaltzeak, botere faktiko globalek “itsasoratu” gaituzten amildegirako bidea “estaltzen” duela. Eta bide batez, Bizitza Plataforma zoriondu nahi dizuet Eusko Jaurlaritzaren Osasun Batzordean parte hartzeagatik, bai eta gerraren, NATOren, armamentuen industriaren, derrigorrezko soldadutza berriro ezartzearen eta abarren aurkako mozioengatik ere. Beste gauza batzuekin kritiko izan naiz Bizitzarekin, honetan niretzat oso ondo ari zarete, eta esan beharra dago.
Ez dute Bapatitisa ikertzeko adorerik.
Nausiyak ez die uzten eta Herriak ez die eskatzen.
Asier, herritarrak desagertu egin dira, orain NPC-ak dira.
NPC?
NPC “Non-Player Character” esan nahi du ingelesez. Bideojokoetako pertsonaiak dira, eta ez ditu jokalariak kontrolatzen, jokoaren adimen artifizialak baizik, hau da, programatuta daude. Egungo gazteek, nire semak ezezagunei NPC ramdoms deitzen diete. Adibidez nire semeak kontatu zidan “Itzalaldiaren egunean, NPC Randomsak autobusean kolatzen zitzaizkiola”. Esan dizut, uste nuelako irakurri nizula zure semeak NPC ere erabiltzen zuela, baina nahastu egin behar izan dut.
Pelikuletako extrak. Betegarri jendea alegia.
Justu bai, filmetako estrak bezala.
Estrek badakite gutxienez estra direla. Figuranteek, ordea, ezta hori ere.
Hori da Ihintza, NPCak Figuranteen irudi horren antz handiagoa dute.
Gizartearen robotizazioa teknofeudalismoko garaian.
Mila esker, Joseba! Dokumentu grafiko esanguratsu hauek hain modu antolatuan jasotzeagatik.