MANIPULAZIOA

Ezkutuko lan-esplotazio masiboarekin oligarkak pozik

Emozioen manipulazioaren bidez errealitatea desitxuratu nahi bada ere, migrazio-fluxuaren atzean dauden interes ekonomiko eta korporatiboak izugarriak dira.

0

Adrian Zelaia

EKAI Taldeko Presidentea. Ekonomia Aplikatuko irakaslea. Durango

Papereko Independentearen
1. zenbakian聽argitaratua

2023ko abenduan.

EKAI Centerrek GOGOZ proiektuaren baitan landutako Short Paper 2023/09/26

Migrazioa ez da elkartasuna, esplotazio masiboa baizik

Berriz ere, komunikabideek Mediterraneoko immigrazio irregularraren gaineko irudi zirraragarri edo mehatxagarriekin bonbardatzen gaituzte.

Bai hedabideek, bai beren burua ezkerrekotzat edo eskuinekotzat duten indar politikoek, irudi horien inguruan kokatzen dute migrazio-eztabaidaren muina. Hala ere, bada horren inguruan harrigarria den zerbait, errealitateak migrazio-erronkaren ikuspegi horrekin zerikusi gutxi duela adierazten diguna.

Baina berez, Mediterraneoan zeharreko immigrazio irregularra migrazio fenomenoaren oso zati txikia baino ez da.

EUROSTATen eta FRONTEX europar agentziaren datuen arabera, datuak bildutako azken urtea (2021) erreferentziatzat hartuta, Mediterraneotik barrena egindako sarrera irregularrak Europar Batasunerako immigrazio osoaren % 4 baino ez ziren izan.

Esplotazioa da migrazio mugimenduaren helburua eta motorra

“Iruzur” mediatiko horrek Europar Batasun osoan milioika migratzaileren lan-esplotazio masiboa baino ez den fenomeno baten errealitatea ezkutatzen digu. Ustiapena ez da fenomeno osagarria, migrazio mugimenduaren helburua eta motorra baizik. Eskrupulurik gabeko milaka enpresabururen pozerako, migratzaileak masiboki kontratatzen dira, eta lan kostuak hondoratuz dirua erraz irabazten dute enpresaburu horiek. Argi dago Mediterraneoko iruzurrak behin eta berriz ezkutatu nahi duela errealitate hori. Ustezko ezkerrak eskuinaren aurrean “giza elkartasuna” eskatzeko erabiltzen du iruzur hau, eta ustezko eskuinak, berriz, Mediterraneoko herrialdeen legez kanpoko “inbasioaren” aurrean eta ustezko ezkerraren aurka izua pizteko. Horrela, ustezko ezker eta eskuinak agerian uzten dute, beste behin, interes korporatiboek zenbateraino baldintzatzen dituzten.

Horrelako manipulazio mediatikoek, ikusten dugun bezala, inspirazio neonaziko korporatibismo postmodernoaren ohiko ildoari jarraitzen diote. Emozioen manipulazioaren bidez errealitatea desitxuratu nahi da eta, horrela, emakumearen emantzipazio-mugimendua postmofeminismo korporatibo bihurtu, edo katastrofismo klimatikoa erabili ingurumenaren defentsa-mugimenduaren arrazionaltasuna suntsitzeko.

langile esplotatuekin topo egiten dugun bakoitzean, erraz aberastutako inbertitzaileen aurrean aurkitzen gara aldi berean

Migrazio-fenomenoa lan-esplotazio masiboaren fenomenoa da. Lan esplotazio hori, langile migratzaile askoren kasuan, morrontza edo esklabotza ere bihurtzen da, Oinarrizko Eskubideen Europako Agentziak berak behin eta berriz salatu duen bezala.

Baina ez dezagun ahaztu, langile esplotatuekin topo egiten dugun bakoitzean, erraz aberastutako inbertitzaileen aurrean aurkitzen garela aldi berean. Migrazio-fluxuaren atzean dauden interes ekonomiko eta korporatiboak izugarriak dira. Horrek ezinezko bihurtzen du egungo komunikabideak eta talde politikoak, korporazio handiei men egiten dietenak, era horretako manipulazioetatik nolabait aldentzea.

Dokumentu hau EKAI Centerrek gauzatu du GOGOZ proiektuaren barruan, HURBIL adostasun-metodologiari jarraituz.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina, izen eta abizenez

Azken artikuluak