Harritu ninduen telefono deiak: Medikuntza fakultateko sailburu ohi batek gonbidapena egin zigun Covid txertoaren kontrako sinatzaile biri, hitzaldi bat emateko UPV/EHUren nagusientzako Esperientzia-geletako ikastaro batean. Lehen aldiz aukera genuen publiko “orokor” bati plandemiaren ikuspegi kritikoa azaltzeko. Nik, behintzat, hitz egiteko aukera bakarrak izan ditut Bizitzak antolatutako ekitaldi bi eta Osaldeko batzar bat.
Konta dezadan gertatutakoa.
Hitzaldiaren hasieran, medikuntzaren aita deituriko Hipokratesen gaixotasunei aurre egiteko irizpideak azaldu nituen; gure senda indarra (Physis) osatzeko nahikoa ez denean, bizitza osasuntsu baterako neurriak (Dietetika) hartu behar dira. Hori nahikoa ez balitz, Terapeutikara jo beharko genuke, eta hiru terapeutika mota daude: mentala, fisikoa eta kimikoa (antzina senda belarren bidezkoa). Batzuetan, medikuntzak sendatu ezin duenean, kirurgiara jo behar izaten dugu.
Ezin gara fidatu medikuntza “ofizialak” doitutako analisietako mailekin; kolesterolarenarekin, esaterako
Gaur egun egiten den medikuntzan, ia neurri guztiak terapeutika kimikora bideratuta daude eta aipatu nien nola azken urtetan, korporazio farmazeutikoen eraginez, bizitza medikalizatu batean sartuta gauden, non osasun irizpideen gainetik dirua irabazteko grinak aldatu dituen medikuen formakuntza eta gizartearen kontsumo “beharrak”. Haiek esaten duten moduan, pertsona osasuntsuak gaixo ez detektatuak gara. Horrela, menopausia, hilekoa, burusoiltasuna, tristura, … dena patologitzatzen da eta behar ez ditugun farmakoak hartzera bultzatzen gaituzte. Horri buruz, Joan-Ramon Laporte farmakologo katalanak berriki argitaratu du Crónica de una sociedad intoxicada liburu mardula.
Laporteren liburu horretan, kapitulu batek kolesterolaren mitoa izena du, eta UPV/EHUko hitzaldian nirekin batera zegoen medikuak azaldu zuen berak kontsultan egindako ikerketa txiki bat. Abiapuntua lagun bateri emandako infarto baten analisiak izan ziren. Analisi horietan kolesterol maila oso baxuak agertzen ziren bihotzekoaren aurretik. Beste zortzi gaixorekin berdin gertatu zela ohartu zen. Gaian sakonduz, gogoratu zuen berak unibertsitateko medikuntza ikasketetan ikasi zuela kolesterolaren gehienezko maila 280n zegoela (nik ikasi nuenean 250en zegoen jada) eta gaur egun, ordea, 200en dagoela. Pixka bat ikertuz jakin zuen aldaketa hauek bultzatu dituzten “adituek” etxe farmazeutikoekin interesak dituztela eta, beraz, ezin garela fidatu medikuntza “ofizialak” doitutako analisietako mailekin.
Oso agerikoa zen komunikabideen lerro editorial bakarraren eragina eta nabari zen ordura arte ez zutela beste bertsiorik entzun
Ondoren berriz hartu nuen hitza, pandemiak bultzatutako iatrogenetikaz mintzatzeko (sendagileek genetika erabiliz sortzen dituzten gaixotasunei buruz, alegia). Aurretik kezka apur bat ere banuen INDEPENDENTEAn azaldutako egia gordinak botatzeko: txertoen iruzurra, RNA mezulariaren arriskuak, gezur kanpaina mediatikoak (maskarak, kutsatzaile asintomatikoak…), gain-hilkortasuna, etab. Gustura geratu nintzen, baina entzule batzuen aurpegiek ikara edo kezka agertzen zuten. Jarraian galderak etorri ziren: ea beste txertoren bat jarri behar ote zuten, telebistan agertutako ospitaleetako hildakoak ea zer ote ziren edo ea nolatan defenditzen genuen beste mediku “guztien” kontrakoa. Oso agerikoa zen komunikabideen lerro editorial bakarraren eragina eta nabari zen ordura arte ez zutela beste bertsiorik entzun. Hala ere, txaloekin eskertu ziguten hitzaldia. Arrazoi osoz, ikasle batek debate bat falta zela eta falta dela aipatu zuen eta, gure aldetik, eztabaidatzeko aukerari ez geniola iskin egingo argi geratu zen.
Bukatu ondoren, whatsapp mezu baten bidez jakin nuen Sumarrek gidaturiko Espainiako Osasun Ministerioak bere idazkari nagusi baten bitartez goiz hartan bertan esandakoa: epaiketa batean, txertoak eragindako bihotzeko arazo bat argi geratu denean, Ministerioak erantzun du txertoak ez zirela derrigorrezkoak izan eta txertoen arriskuez ohartaraziak ginela denok. Azala behar da gero!
Angel Bidaurrazaga Vandierdonck
Eskerrik asko kontakizunagatik, Angel. Halako hitzaldiak antolatzen badira, zeozer mugitzen ari denaren seinale izango da.
Egia gezurrari gailentzen zaio. Doktrinatuak orain harritzen dira kontatzen diezun beste bertsio zentsuratuarekin. Bere garaian, seinalatuak izateko eta politikoki zuzena den horretatik ez irteteko beldurragatik, faltsukeria onartzeaz gain, beren osasunaren aurka ere egin zuten, eta, bitartean, beren esku zeuden modu guztietara erreprimitu zuten bertsio ez-ofiziala kontatzen saiatu nahi zuena, beren kabuz hausnar zezaten eta beren ondorioak atera zitzaten. Berandu bada ere, pozten nau gertatu zen guztia argitara ateratzen hasteak. Lehenik eta behin, inoiz gehiago gerta ez dadin; bigarrenik, konturatzeko zer egin ziguten planarekin, oro har, eta zer egin ziguten “herritarren laguntzarekin”, beste bertsio bat, eztabaida eta hausnarketa defendatzen genituenoi. Angel, zu eta ahotsa publikoki altxatzeko duintasuna izan zenuten mediku, biologo eta profesional ausart guztiak izan zarete ezinbestekoak, Berthold Brecht poeman esan zuen bezala.
Zorionak Angel eta eskerrik asko kontakizunagatik!
Osasunerako lehenengo aholkua, Hipokratesen hariari tiratuz gaur egun izan zitekeen: mesedez, bota TVa (eta mendeko propaganda/burujatetza hedabideak) zakarrontzira.
**************
Mastodon-en goizean idatzitako hau, beharbada egokia orain hemen?
“Orain lasaiago hitz egin ahal dogu #Covid19 eta #koronabirusa-ri buruz.
Garai bateko estualdia ahulago, #zentsura eta #propaganda beste gai batzuetan zentratzen ariki.
Hemen, patxadaz aukeratzeko eta begiratzeko 107 dokumental ingelesez, iruzur itzela dela argudiatzen:
https://courses.jchristoff.com/blog/documentaries-that-prove-that-the-media-the-who-the-un-the-wef-and-all-governments-are-criminals-of-the-highest-order
Zine aretoetara joaten ohi gara. Beste batzuetan Netflix etxean. #Zertarako?
Hor dugu errealitatearen zati bat/interpretazio batzuk, argi samarrak, fikzio handienaren pare!
Adib. #Pandamned: https://www.marijnpoels.com/copy-of-pandamned-englisch”
(https://mastodon.eus/deck/@Eleder)
*****************
Ni neu, azken aldian, zuloko baltzenari buruz ikasten, batez ere honi guztiari buelta egiteko argitasuna eta adorea biltzeko:
https://worldcouncilforhealth.org/multimedia/organized-ritual-abuse/
*********
Eta egunerokoan, BFAko zulotik, Funtziona: https://funtziona.blogspot.com/
Goza egun eder hau be!
ge
Eskerrikasko Angel! Zu bezalakoen iritziak eta argumentuak behar ditugu ingurukoei erakusteko, medikuen artean nabarmendu dituzuen azterketa eta ondorioak. Titulurik ez dugunok zaila baita besteen iritzian eragitea.