Imajinatzen duzue orain errepresalia gisa Israel bonbardatzen dutela, emakumeak, haurrak eta zaharrak hilez? Noski ezetz, ez luke zentzurik izango. Benjamin Netanyahuk badaki ezin dutela inola ere gelditu. Eta bi estatuen konponbideak, Israeli erdia emanez palestinarren baimenik gabe, ez du lekurik. Eta are gutxiago hainbeste hamarkadatan genozidio bat eragiten ari direnean, azken bi urte hauetan azken txanpan dagoena eta jarraitzen duena.
Guk, herriak, boikot gogorra egin behar dugu, oso kontzientea, nagikeriak utziz. Gure arma da Israel pobretzeko eta Israel ahultzeko. Gure agintari zinikoei eta politikariei presioa egin behar diegu, espainiarren Vuelta Ciclista lasterketan egin dugun bezala, epelak izan ez daitezen, Israeli bahitura ekonomikoa egin diezaioten, inolako kirol, musika edo bestelako ekitalditan parte har ez dezaten.
Israel isolatu behar da. Herri xeheak dauka hitza. Ikusi dugu bi urteko immobilismoa; kalera atera ginen gogaituta, haserre eta larrituta. Vuelta Ciclistaren detonatzailearekin, protesta pasibo soilaren tonua pixka bat igo zen eta Mendebaldean erreakzioa piztu genuen, duela hilabete batzuk ezinezkoa zirudiena.
Ez gaitezen engaina Israel zuritzearekin eta bi estatu sortzeko hark egindako genozidioarekin. Irten gaitezen salatzera, manifestazioak, boikota, greba orokorrak… Herriak du hitza. Eta badakizue; bozkatzen duzuenak Israel zuritu nahi baldin badu bi estatuen kontuarekin, ez diezaiozuela botorik eman, genozidioaren konplize izango zarete-eta.
Hori da bidea, ez dago besterik.
Palestina askatu! Euskal Herria Askatu!
«Denok eman behar dugu zerbait gutxi batzuk dena eman ez dezaten»
Boikoterako ezinbestekoa den “No Thanks” APPa:
Android: https://play.google.com/store/apps/details?id=com.bashsoftware.boycott&hl=es_419
iPhone : https://apps.apple.com/es/app/no-thanks-app/id6476206516
Oso gitxi dakit Israel-Palestina gatazka luzeari buruz. Azken boladako genozidioari buruz bai, badakit zerbait -nork ez?- azaletik hori be, arnasten dogu-eta baztar guztietan egunero. Samin handiz.
Seguru oso gai konplexua dala. Ziur, agertzen zaiguna baino askoz sakonago, sines- eta ulergaitzagoa.
Ziur hor ere azpikeria eta manipulazioa ugari, egolatra, psikopata, anker galdu ugari ardura postuetan gora. Han be txakurrak ortozik, eta herri xehea hauek, horiek eta haiek erabilia, engainatua, zigortua, sarritan.
Palestina Askea aipatzen dabe modu (auto-)kritiko batean beheko testu honetan be.
Ezer gitxi dakidana aitortuta, inor mintzeko inongo asmo barik eta hanka sakon sartzeko lotsa barik (holan dan neurrian) ideia zerbait aberasgarri eta ez-ohiko balekar mereziko dauelakoan, horra:
https://www.virtudyrevolucion.org/numeros-de-la-revista/numero-31-octubre-2025/2735956_editorial-31-palestina-estado-o-libertad
Ze iritzi zuek?
ge
ps. palestinar lagun bat, Bilbo aldean etxegabe, hango sarraskitik ihes azken hilabeteetan Europan zehar jina eta laguntza bila, esan doskue aurreko astean. Bera ezagutzeko gogoz, eta gutako batzuren arteko laguntza-moduren bat bideratzeko prest, ahal dogun heinean. Inor gogo-ahaletan balitz, esan, otoi.
ps2. badakigu be, oso kontrako jarrerak pizten doskuzela loturan jarri dogun aldizkari elektroniko horretako hainbat ideiak. Hori gora-behera, hor goian jarri dogu, testuak berak merezi dauelakoan.
Interesgarria, eskerrik asko, Eleder. Ziur aski zuzen daude testu horren egileak, beren pronostikoetan. Dena den, ez dakit zergatik baina RIkoei beti ahazten zaie klero katolikoak ere berdina egin duela historikoki, aipatzen dituzten islamikoak eta sozialdemokraziak bezala.
Jakin behar dena oso erraza da, ez du inolako misteriorik, gainerako guztia enmierdatzea da.
Palestina lurralde bat zen, ez estatu bat, aberriaren kontzeptua nahiko modernoa delako. Baina estatu moderno bat ez izateak ez du esan nahi pertsonarik ez dagoenik, beren sinesmen, ohitura, lurralde eta abarrekin. Eta han bizi ziren palestinarrak, musulmanak, kristauak, juduak eta ateoak, bakean eta harmonian, herri semita bat. Lehen Mundu Gerraren ondoren Otomandar Inperioa erori ondoren, Palestina Ingalaterrako protektoratu bihurtu zen. Jokabide kolonialista tipikoa da, garai hartan oso “normala”, non Europako herrialdeek mundu osoan koloniak zituzten. Eta horrela, gogoak eman zielako, jadanik herri bat bizi zen lur zati bat oparitu zieten judu europarrei. Hau da, judaismora bihurtutako baina semitak ez ziren Askenazi jatorriko europarrei Paalestina zati bat eman zioten. Europan inork ez zituen juduak maite, eta, beraz, Sionismoa izeneko proiektu batekin negoziatu zuten Palestinara joan zitezela, jainkoak agindutako lurralde bateko ipuin baten barkamenarekin. Hitlerren existentziaz munduak jakin baino lehen gertatzen zen hori. Hitler boterera iritsi zenean, sionistekin negoziatu zuen europako juduak palestinara joan zitezen. Baina baziren sionistak ez ziren eta joan nahi ez zuten europar juduak. Izan zirenak salbatu ziren, geratu zirenak badakigu nola amaitu zuten nazismoaren eskuetan. Bizirik atera zirenak, asko, Ameriketara joan ziren, eta beste batzuk Palestinara, sionistak ez izan arren. Sionistak palestinarren lurrak kolonizatzen hasi ziren, eta, bertakoekin izandako gatazken eta Ingalaterrak bi aldeekin izandako jarrera paternalistaren ondorioz, sionistek talde terroristak sortu zituzten ingelesen aurka, azkenean Palestinatik alde egin zutenak. Eta han terrorista sionistek asmatutako herrialde bat sortu zuten, Israel deitu zutena, beren legezko bizilagunak bortizki mugituz, beren etxeak errez eta erbestera bultzatuz. Eta gero eta gehiago zabaltzen ziren. Ordutik, palestinarrek beren lurrak defendatzen dituzte, sionistek erlijioa nahasten dute agindutako lurra eta nagusitasuna defendatzeko eta, horrela, palestinarren kanporatzea justifikatzeko. Zer da orain Hamas talde musulman teokratikoaren arazoa? Nire amamak pipan erretzen du? Estremismoetan ixtearen ondorioak dira horiek, sionistengandik eta europarrengandik , AEBengatik babesteko . Palestinak bere askatasunerako eskubidea du, estatuarena niretzat tranpa modernoa da, haiek ez zuten horren beharrik, baina estatu izan behar badute, haiek erabakiko dute, eta ez munduko gainerako herrialdeek. Israelek desegin egin behar du, estatu faltsua eta terrorista delako. Beren erlijio-arazo guztiak edo dena delakoak, palestinarrek beraiek kudeatu beharko dituzte. Gainerako guztia seinalatzen duen hatzari begiratzea da, zertara seinalatzen duen begiratu beharrean. Etxea lapurtzen didate, etxea itzuli eta alde egin dezatela. Ez dago besterik.
Gentza, lagunak,
ados “zuritzeko” asuntuarekin. Ez bakarrik eliteek, estatu palestinarraren aitortzearekin, beren burua zuritu nahi izan dute (zinez ari zirela, inork ez die sinistu), baina, bestelako zentzuan, asmo makurrik gabe, azken asteetako manifestazioekin eta, herritar askok beraienak pixka bat lasaitu ahal izan dituzte: genozidioaren aurrean “zerbait egin genuen”, hara.
Hala ere, mila aldiz hobea da, zerbait egitea, bederen!
RIren diskurtsoetan askotan txokatu izan nau, haien apaltasunik ezak. Labur: “Guk dakigu dena” – ez dago aliaturik, zer ikasirik ez inon (non ez den Iberia kristau-komunalean).
Oraingo honetan: Hamas, Hezbollah edo Iran “Txinaren gonapeko txakurtzat” kalifikatzea…
Palestinarren kausa, “ekialdeko despotismoaren megaboterearen kausa” dela esatea…
Eta, batez ere: Gazan gertatzen ari dena ikusita, esatea ze “es el propio pueblo quien tiene que defender, con armas en la mano, las decisiones que mayoritariamente se tomen en asamblea, y no grupos de iluminados, por muy mártires que se crean”… intrumisio haundiegitxoa zait.
Oro har, testu horretatik aparte, ez zait azertatua iruditzen mendebaldeko blokearen eta Brics-en artean diferentzia signifikatiborik ez ikustea. Errusia edo Txina kritikarik gabe gorestea bezain okerra, behintzat.
Txina, hainbat teknologia perniziosoren punta-puntan dagoen legez; herri-komunitarismoa baztertzen duen legez; azken batean, kapitalista den legez (eta, beraz, zentzu horretan, espantsionista ez bada, espantsionatu beharrekoa), arrisku bat dela sumatuta nago.
Kapitalismoak bihotzik eza, “jainkorik eza” eta destrukzioa dakarzki… eta, halaz eta guztiz, niri neuri, orain-oraintxe, haien gaiztoaren gaiztoz, mendebaldeko buruzagiengan baino ez zait iruditzen ikustea… Satan halako bat.
Gauza bat da geopolitika, gaur egungo bi blokeak eta haien interesak eta gatazken eta gerra inperialista honetan boterea irabazteko ahal duten guztiaren erabilera. Beste batzuk erlijioak dira, horiek ere fanatizatzeko manipulatuak, eta gero fanatismo hori inperioen interesetarako erabiltzeko. Fanatiko horiekin agintari politikoak edo mugimendu politikoak agintetik kentzen edo ahultzen dute, eta horrek gogaitu, ezegonkortu, gerrak sortu eta abar egiten ditu, dena bere interes espurioiengatik, eta gero, komeni zaienez, haiek terrorista eta estremista gisa sortu dituzten fanatiko horiei ospea kentzen diete. Baina arazoen errora joaten bagara, hara joan behar dugu munduko tiranoek sortutako ke-gortina horiek guztiak kentzeko, eta, horrela, sor daitezkeen gatazkak ulertzeko. Immigrazioari buruz esan ohi dut, bai eta beste gai batzuei buruz ere; izan ere, arazoen errora zoaz, eta gaur egungo gatazka geopolitiko ia guztiek munduaren mendebaldeko kolonialismoan dituzte sustraiak. Eta palestinarren kasuan, txakurtxo falderoez eta horrelako mezu faxistez hitz egitea, kontakizuna jarrera interesatuetara eramaten saiatzea da, eta ez benetako justizia-jarreretara. Palestina herri okupatu eta sarraskitua da, eta borroka armatuaren bidez ere askatzeko eskubidea du. Gainerako guztia, une honetan, amarruak dira.
Pablo, Gaur agintean ba da Jainko bat, ahalguztidun, nonahiko, ikustezin eta inmateriala bihutu dena: Dirua.
Ea nork eraisten duen dena jan aurretik.
(Irakurri doguz iruzkinok, irakurri gendun testua, eta ideia batzuk datozkigu, zirri-borro, hara:)
Patrik, eskerrik asko zure laburpenagatik. Lehenago ere entzun izan doguz antzekoak, askotan. Xehetasun ugari ahaztu ere tarteka, zatika, jakina.
Zeu eta gainerakook, sarraski-gatazka latz luze hau ganoraz azaltzen duen dokumentalen batzuk aholkatzerik? Interneten egon behar da, ala? Los Liberales-Netanyahu (https://www.youtube.com/@losliberales/search?query=netanyahu) eta Nova Lectio (https://www.youtube.com/@NovaLectio/search?query=palestina) jatorkuz oin gogora.
Eskerrik asko, Pablo, testu horretako zati batzuei doi erantzutearren.
Ikasten laguntzen gaituzue.
Kaleko jende gehienak ezer gutxi dakigu honetaz, eta askotan, haizeak nora zapiak hara jokatzen dogu.
Gaiari buruz gehiago ikasi eta gehiago berba egin eta ahal dugunean laguntzea da gure egitekoa.
Ekarri dogun testuan ideia interesgarri ugari egon da niretzat, planteamendu ohiko eta sinpleago batzuetan agertzen ez ohi zaizkigunak.
Pentsakor uzten naute erlijioaren eraginak, muqawama/erresistentziaren ulerkerak, hainbat herritar xeheren sakrifizioak, gure begirada erlijio/kulturapekoak, estatu/erakunde egituren diru-laguntzaren menpe eta gatibu omen dagoen palestinar proportzio handia, borrokarik ez egin eta, palestinar herriaren alde, itzultzeko asmoz ihes egiteko eskubide gutxitan aipatuak, hedabideen rola eta gizakiongan duen boterea, etab.
Patrik, diozu bukaeran: “Palestina herri okupatu eta sarraskitua da, eta borroka armatuaren bidez ere askatzeko eskubidea du.” Eskubidea, bai. Eta aukerarik? Palestinak borroka armatuaren bidez askatzeko aukerarik bai? Askatu, zenbat heriotza eta martiri bidean? Askatu ziren, eskubideak eskubide, garbitu zituzten guztiak?
Honela formulatu genezake ere bai? Israelgo estatuak ez dauka inor hiltzeko eskubiderik, eta palestinar herriak ere ez.
Bestalde, Palestina/Israel diogu, baina egiatan, antza, hainbeste estatu eta enpresa gehiago dabiltza joko honetan, Palestinaren borroka armatu hori “Palestina (marka)+beste hainbat eragile” litzateke, eta berdin, “Israel (marka)+beste hainbat”, eta esango nuke, partida horretan, jokoan den kontu nagusia ez da palestinarrek bere lurrean aske bizitzeko eskubidea. Batek daki zeintzuk beste hamaika helburu dauden hor jokoan.
Hori bai, galtzaile nagusi sarraski hauetan, hainbat palestinar xehe, urte gehiegitan zehar. Eta baita ere, “irabazle” diren galtzaileak. Hau da, hainbat israeldar. Sarraski baten alde hiltzaile(ago)aren zati zarenean, zertan bihurtzen zara? Zer uzten diezu ondorengoei?
Zer egingo zenuke zuk, irakurle, kinka horretan? Han jaiotzea tokatu izan balitzaizu eta gaur han bazina, nola jokatuko zenuke?
Eta hemen egonda, zer gehiago egin dezakegu?
Irakurle askoren ahotsak eta iritziak entzun gura nituzke, bakoitzak “dakiguna” gora behera, bakoitzari bururatzen zaiona, bakoitzak sentitzen duguna, hori interesatzen zait orain.
Eskerrik asko guztioi!
ps. Palestinar lagunagaz berba egin dogu gaur. E-postaz idatziko digu. Barri nahi izatekotan e-postaz idatzi, mese: gentza.eleder@protonmail.com
Getza, nire esku balego, azken xehetasun guztiak emango nizkizuke, baina orduan bolumenez hitz egingo genuke. Eta laburbildu egin behar dugu, ezta? Gainera, esaten dudan bezala, arazoaren erroa errazagoa da ulertzen oinarrizkoenetik eratorriko diren adar guztiak baino, eta gatazkaren oinarria konponduz, errotik eratorritako gainerako gatazkei eragiten die, gauzak bere bide naturalera itzultzen lagunduz. Adibidez, erupzio bat daukat gorputz osoan. Kremetan igurtzi dezagun, pilulak hartu, zenbait elikagai jateari utzi… Beno, ez da desagertzen!! Kremaren errua da!! Ez, ez, pilulek eragin dute!!… Eta horrela, argudio hutsalekin denbora galtzeaz gain, arazoa ez da konpontzen; aitzitik, nahasgarriagoa bihurtzen da eta irtenbide askoz sinpleago baten bilaketa oztopatzen du. Lehenik eta behin, erupzioa eragiten duten arrazoiak aztertuko ditugu? Badirudi erupzioa garbitzeko erabiltzen duzun produktu kimiko batek eragiten duela, eta ez dituzula eskularru babesgarriak janzten. Ados, ez dago irtenbide bat bakarrik, bi baizik: eskularruak jantzi edo garbiketa-produktua aldatu. Kremak, pilulak eta bestelako zentzugabekeriak alferrik galdu. Irtenbidea askoz errazagoa eta sinpleagoa zen ulertzeko eta sendatzeko, eta jendea ukimen-bideetan ibili zen, aloe vera kremaz, barraskilo-lima kremaz, kalamu-pilulez edo tximino-gorotz pilulez eztabaidatuz, arazoa are gehiago konplikatuz konpondu beharrean. Borroka armatuaren eskubidea aipatzen dudanean, diot palestinarrek beren burua defendatzen dutenean terroristak deitzen dietelako, eta alderantziz, erasotzailea eta benetako terrorista den Israelek autodefentsa erabiltzen duelako bere sarraskiak justifikatzeko. Eta Europak beti defendatu ditu entitate sionistaren erasoak aitzakia horrekin. Eta ezin dituzu Israelen eta palestinarren eskubideak parekatu bat erasotzailea eta kolonizatzailea denean eta besteak bere eskubideak eta lurrak defendatzen dituenean. Oso erraza da esatea hobe dela bietako inork ez badu hiltzen, opa nuke!! Eta ihes egiteko eskubidea oso ona da, eta nahiko batzuk egiten dute eta gaizki bizi dira erbesteko errefuxiatu-eremuetan. Arazoa da lurrak galtzen dituzunean ezin dituzula berreskuratu. Ikusi besterik ez dago nola sahararrak erbestean dauden ihes egiteko eskubidearekin Tindufeko kanpalekuetan, Aljeriako hego-mendebaldean, Aljerri dagokion Sahara basamortuaren zati batean, zeinak laga dien, eta Marokok Mendebaldeko Sahara okupatzen jarraitzen duen NBEren (ONU) ebazpen guztiak urratuz. Eta berriro ere erakusten da NBE (ONU) alferrikakoa dela, pantomima bat da. Eta erasotzaile baten aurka hormaren kontra zaudenean, gauza logikoa zeure burua defendatzea da, ezin duzu ihes egin, erasotzailea gero eta indartsuagoa izango delako eta gero eta zailagoa izango delako harengandik ihes egitea. Iberiar otsoa ehizatzearen aurka nago, eta otso batek erasoko banindu, eta autodefentsan hil beharko banu, Iberiar otsoaren protekzionistek errieta egingo al lidakete? Norbait aterako al litzateke esanez hobe dela ez otsoa ez ni ez hiltzea? Noski, hobe litzateke, baina ez litzateke errealista izango. Gatazkaren hasieratik eratorritako ondorioei buruz planteatzen duzun eztabaida, eta beste guztia, ondo dago. Baina jende arruntak (zuk ondo esaten duzun bezala) ez duela ulertzen dioen premisatik abiatzen bazara, eta ondorio konplexuetan sartzen bazara, inork ez du ezer ulertuko, baizik eta, are okerrago, saturatuta, nahastuta eta ulertzeko edozein saiakera alde batera utzita amaituko dute. Ez dago ulertzeko gauza handirik, Israel lurralde arrotzean asmatutako estatu bat dela izan ezik, non Palestina izeneko herri bat bizi zen. Eta ez daude lapurtutako lur zati batekin konformatuta, baizik eta berriro ere dena hartzeko hedatzen ari dira, eta hedapen hori giza eskubide guztiak urratuz egiten dute, zigorgabetasun osoz. Eta azkenik, duela bi urte artikulu hau idatzi nuen hemen Independentea-n, behean jartzen dudana, baina bi urte behar izan dira jendeak oso aktiboki hitz egiten hasteko. Eta zergatik? Batzuek protesta baketsua maila altuago batera eraman behar izan dugulako, txirrindularitza bira bezala, protesta azpimarratzeko, eta horrek erreakzioak eragin ditu Europako gobernu eta herrialdeen aldetik. Eta ez da preziorik gabe etorri, ez, ez! Batzuek, ihes egin edo isilik egon beharrean, gure gorputzak zaurituta eta zigor-karguak jaso ditugu pertsona errugabeen “BIZITZAK” defendatzeagatik. Halaber, pertsona talde batek Gazara zihoan flotilla batean bere bizitza arriskuan jartzea erabaki zuelako, sinbolikoki, lortzea miraria zelako, Israelek Gazari ezarritako janari eta produktu medikoen enbargo ilegala hausten saiatzeko. Eta horrek itsas eta nazioarteko zuzenbidea ere zalantzan jarri du. Hori egin dezakegu: mobilizatu, boikotatu eta honi buruz hitz egin eta hitz egin, baina gehiegi konplikatu gabe, erroetara joanez, oso erraza baita ulertzeko. Eta ez, adibidez, batzuek egiten duten bezala, gai nagusia desbideratzeko arreta jartzea, esate baterako, “x” alderdi edo ideia politiko bateko friki edo halako bat flotillan zegoela esanez… Batzuk konbentzimenduz edo beste batzuk interes politikoz, ez dakit, baina zalantzarik gabea dena da haien bizitzak arrisku hilkorrean egon direla eta Europa “xake mate” egoeran jarri dutela, Israelek, berriro ere, nazioarteko arau eta lege guztiak zigorgabetasun osoz urratzen dituela erakutsiz.
Eta ezinezkoa da jakitea nola jokatuko genukeen han jaio izan bagina, ez baikara eta ezin dugulako, saiatu ere egin arren, haien lekuan jarri. Baina jakin dezakegu zer egin dugun eta egiten dugun, non jaio ginen eta nola kudeatzen ditugun gure gatazkak, bai intelektualki bai aktiboki. Eta modu honetan, pixka bat gehiago hurbildu gaitezke nolako pertsonak garen eta imajinatu non egongo ginatekeen han jaio izan bagina. Zure lagun palestinarra ezagutu eta berarekin hitz egin nahi nuke, batez ere, entzun.
Ezinbesteko liburua ondo informatuta egon nahi baduzu:
Palestinako Garbiketa Etnikoa
Ilan Pappé-ren liburua
https://www.casadellibro.com/libro-la-limpieza-etnica-de-palestina/9788408124788/2243596
Israeldarrek 1948ko Independentzia Gerra bezala ezagutzen dute. Palestinarrentzat, Nakba da (“hondamendia”), emaitza gure garaiko garbiketa etnikoaren prozesu zabal eta dramatikoenetako bat izan baitzen: ia milioi bat palestinar emigratzera behartu zituzten pistolaz, beren lurrak, ondasunak eta etxeak utziz; zibilen sarraskiak izan ziren, Deir Yassin-ekoa bezalakoak, eta ehunka herri suntsitu zituzten nahita. Eskala dramatikoa izan arren, israeldarrek gizateriaren aurkako krimen hau ezkutatzea lortu dute urte askotan. Ilan Pappé, Haifako Unibertsitateko irakaslea eta nazioartean ospetsuena den historialari israeldarra, atzerrian bere lanak argitaratzera eta bere herrialdean heriotza mehatxuen artean bizitzera behartua, liburu honetan, duela gutxi desklasifikatutako dokumentuen argitan, gaur egun israeldarren eta palestinarren arteko bakea ezinezko bihurtzen jarraitzen duen eta Ekialde Hurbileko egungo arazo guztien erroan dagoen kanporatze masibo baten egia agerian uzten du.
Duela bi urte idatzi nuena eta eztabaida bost iruzkin minimalista izan ziren.
https://independentea.eus/ehortzi-nire-bihotza-gazan/
Israel kritikatzeagatik dena galdu zuen irakasle juduaren hitzaldia: “Ez naute isilaraziko Israelek palestinarren aurkako krimenak egiten dituenean”.
Finkelstein AEBetako unibertsitateetatik kanporatu zuten “Israelek palestinarren aurka egunero egiten dituen tortura, basakeria eta etxeen eraispenak” salatu ondoren.
https://youtu.be/cJhgDka0XG0?si=2JMwKeEnVosXsxdM
Irudi batek mila hitzek baino gehiago balio du.
https://t.me/EH_LarruBizirik/26627
Patrik, asko eskertzen dotsut idatzi luze hau eta idatzi dozun modu aldi berean sentitua eta samurra.
“Hori egin dezakegu: mobilizatu, boikotatu eta honi buruz hitz egin eta hitz egin, baina gehiegi konplikatu gabe, erroetara joanez, oso erraza baita ulertzeko. ”
Bai, kontua urtetan landu izan dozuenok sakon, eta arazoaren xehetasunak ondo barneratuta zaudetenontzat oso argi dekozuenez, ulertzeko oso erraza izan daiteke. Bai, eta horretan gaudela, gaia azaletik ezagutzen dugun ingurukoak ahalik eta gehien ikasteko eta eraldatzeko balia dezagun egokiera.
Hau da, norbere ideiak argi eta lar konplikatu barik bota, eta aldi berean ingurukoei erreferentziak eman (beste gizaki batzuen berri, istorioak, testu bikainak, arte-lanak, bideoak etab).
Honako erreferentzia hauek eman dizkiguzu orain, Patrik, eta eskertzen dotsuguz biziki. Informazio mundua hain dago manipulatua, ze hurbil eta fidagarri iruditzen zaizkigunengandikoak bai, horiek aukeratu gura izaten baitoguz:
* Palestinako Garbiketa Etnikoa (Ilan Pappé, 2006)
espainolez: https://www.casadellibro.com/libro-la-limpieza-etnica-de-palestina/9788408124788/2243596
* https://independentea.eus/ehortzi-nire-bihotza-gazan/ (Patrik Unzurrunzaga, Independentea, 2025-11-3)
* Norman Felkenstein, bihotzez, argi eta labur: https://youtu.be/cJhgDka0XG0?si=2JMwKeEnVosXsxdM
* Irudi esanguratsu bat: https://t.me/EH_LarruBizirik/26627
* Boikoterako “No Thanks” APPa, ezinbestekoa:
-Android: https://play.google.com/store/apps/details?id=com.bashsoftware.boycott&hl=es_419
– iPhone : https://apps.apple.com/es/app/no-thanks-app/id6476206516
“Ez dago ulertzeko gauza handirik, Israel lurralde arrotzean asmatutako estatu bat dela izan ezik, non Palestina izeneko herri bat bizi zen. Eta ez daude lapurtutako lur zati batekin konformatuta, baizik eta berriro ere dena hartzeko hedatzen ari dira, eta hedapen hori giza eskubide guztiak urratuz egiten dute, zigorgabetasun osoz.”
Eta kanpoko, mundu osoko beste hainbat eragile (estatu eta azpi-estatu, enpresa, GKE,… ) interesak eta ekinak tartean dira. Etxeko atariraino heltzen da Gazako gaitza, begiratzeko adorea bilduz eta denbora emanez gero, baiki.
Besarkada bana!
ge
ps. Aipatu izan dogun lagun palestinarra, neuk ere ezagutu barik dekot oraindik. Telefonoz berba egin gendun, egunotan Bilbotik kanpo ei dabil, eta haren idatziaren zain gaude.
Emongo dotsut barri, Patrik (eta gura dozuenoi) eta bai, entzun-entzun egingo dotsegu!
Eskerrik asko, Gentza. Eskertzen dizut zure lagunaren berri ematea. Bere esperientzia pertsonala oso baliotsua da, eta galdera asko ditut berarentzat. Ikusi dut Ilan Pappé-k ISRAEL ETA PALESTINA ARTEKO GATAZKARI BURUZKO HISTORIA LABURRA idatzi duela aurten. Ez dut irakurri, baina berarengandik etorrita, uste dut Palestinako gatazkari buruzko liburu sinpleagoa izan daitekeela bestea baino, nahiz eta bestea niretzat onena izan, eta hau ez dut irakurri. Erosiko dut. Hemen duzu esteka:
https://capitanswing.com/libros/breve-historia-del-conflicto-entre-israel-y-palestina/
Euskeraz ez da existitzen, ELKARren webgunean aurkitu dut gaztelaniaz, galizieraz eta katalanez, baina ez dirudi euskeraz existitzen denik. Hau ere hausnartu beharko genuke zergatik ez diren itzultzen liburuak, aplikazioak, softwarea, filmak eta abar euskeraz.