Eskoletako protokoloak bertan behera gelditzeko eskaerarekin txandakako baraualdia abiatu du Bizitza Plataformak Bilbon, otsailaren 23 asteazkenetik, martxoaren 12ra arte. Egun hauetan zehar Eusko Jaurlaritzaren Bilboko Hezkuntza Ordezkaritzaren aurrean egongo dira eskoletako protokoloek dakartzaten kalteak salatu eta herritarrei informazioa zabalduz.
Horrez gain, guraso eta herritarrei deialdia luzatu zaie, ostegunetan, ahalik eta herri gehienetan eskolen irteeran egoteko informazio mahaiekin eta instituzioetara idatziak bidaltzeko kanpaina ere martxan da: eskola protokoloei gure ezetza zenbat eta pertsona gehiagok adierazi, askoz hobe. Arartekoari, udaletxeari, ikastetxeari, Osasun sailari eta Hezkuntza sailari zuzendutako dokumentuak prestatu dira: https://www.bizitza.eus/laguntza/eskola/
2021-2022 ikasturteak desberdina izan behar zuela eta nolabaiteko normaltasunera itzuli behar dugula eskatuz abiatu zen ikasturtea. Hezkuntza Ordezkaritzetatik inposatutako protokolo bortitz hauek pixkanaka lasaitu eta desagertzeko helburuarekin.
2020ko martxoa ezkero haur eta gazteen eskubideak azken planoan gelditu dira: txakurren “beharrak” kontuan hartzen ziren baina umeek ezin zuten inola ere etxetik atera, lehen aste haietan. Ondoren, tabernak zabaltzeko aukera etorri arren, aire zabaleko jolas parkeek prezintatuta jarraitzen zuten. Gizarteko sektore gehienetan neurri malguagoak izan arren, eskoletan, kiroldegietan, liburutegietan… aurrerapausorik ez da izan, berriz ere haurrak azkenputz utziz.
Maskararen erabilera benetako arriskua da haurren garapen egokirako
Garapen fisiko eta psiko-afektibo sanorako oso garrantzitsua da arnasketa ona, besarkadak, aurpegiak ikustea, kontaktua, hurbiltasuna… baina duela bi urtetik eskoletan ez dira bermatzen oinarrizko behar hauek. Ondorioz, beren garapenean arazo larriak dituzten haur gaixoak sortzen ari direla ebazten da protokoloen eta kontingentzia-planen inplikazioak aztertzerakoan.1
Segurtasunaren izenean haur eta gazteen ahotsa isilarazi da, euren beharrak albo batera utziz gizartean. Konfiantza eta gertutasunak ez dute tokirik goitik behera ezarritako agindu-kate honetan, zeren protokoloek neurriak inposatzen baitituzte, baina pertsonak nola sentitzen diren aztertzeko tarterik ez dute uzten. Kontrola, diziplina, obedientzia, autoritarismoa, antsietatea, kezka… hezkuntza eremuan sartu direnetik, haur eta gazteen artean buru-gaixotasunak eta suizidio-tasa ikaragarri igo dira. 2
Maskararen erabilera benetako arriskua da haurren garapen egokirako, egunean ordu luzez erabiltzera behartuak baitira.
- Maskarak oxigenoa sartzea murrizten du eta haurrek helduek baino hiru aldiz oxigeno gehiago kontsumitzen dute. Oxigeno faltak, garunaren garapena eragozteaz gain, kalte itzulezinak eragiten ditu ordezkatu ezin diren garuneko zelula batzuk hiltzen baitira.
- Karbono dioxido gehiago pilatzen da gorputzean, eta ezin da ezabatu. Horrek gorputza azidotzen du, eta horrekin gaixotasun-arriskua areagotzen du.
- Oxigenoa murrizteak odol-hemoglobina ere murrizten du, eta horrek immunitate-sistema gutxitzen du.
- Herrialde askotan ezin da maskararekin bi ordu jarraian baino gehiago lan egin.
Zenbait pediatra, neurri guztiak bertan behera uzteko eskatzen ari dira,3 bada garaia. Egunero gure haurrei arnasa kentzeak ondorio larriak izan baititzake etorkizunean eta gaztetxo asko, jada eroso sentitzen hasi baitira maskararen atzean.
Osasuna, birus baten mehatxutik harago, modu zabalean ulertu eta zaindu beharreko kontua dela agerian gelditu da. Are gehiago etorkizuneko belaunaldiak kaltetzen direnean, erabaki politiko eta ez sanitario hauen ondorioz.4
Eskoletako protokoloak kendu! Um
Erreferentziak:
- Hoyuelos, Freire y Mastreren analisia: “Implicaciones pedagógicas de la normativa Covid y los planes de contingencia para la convivencialidad en los centros educativos.” https://t.me/escuelascontacto/599
- Eguzkilore kolektiboaren azterketa: https://www.naiz.eus/eu/info/noticia/20220104/de-la-tristeza-a-la-colera-la-presion-ambiental-de-la-pandemia-deja-huella-en-los-mas-jovenes
- Pediatren eskaera: https://www.argia.eus/albistea/eskoletan-pandemiaren-neurriak-arintzeko-eskatu-dute-euskal-herriko-hamasei-pediatrak
- “Derechos y Libertades en Tiempos de Pandemia” ekitaldian esandakoak: https://www.youtube.com/watch?v=xkJU4aPlqoI
Kontrola, diziplina, obedientzia, autoritarismoa, diozu, baina hori berezko ezaugarria du hezkuntza sistemak. Orain beldurra, isolamendua eta eraso sikologikoa gehitu zaizkio lehen ere baziren hauek nabarmenago eginaz. Hau guztia kulturaren ezaugarri patriarkal bortitzaren erakustaldi indartsu bat da, bortizkeria matxistarekin edo muturreko neurri kapitalistekin batera doazenak.
Zaurgarrienak kaltetuen.