Beroaren eta gerra-danborren aurkako udarako liburua
Komunikabideek deklaratu gabeko Hirugarren Mundu Gerraren hasiera aldarrikatu dute. Balizko gerrari aurre egiteko gastu militarraren igoera defendatzen dute eta derrigorrezko soldadutzaren itzulera iragartzen dute. Gainera, gerra horrek herri bakoitza nola kolpa lezakeen ere azaltzen dute. Nora eraman nahi gaituzte? Beldurtu ordez, bi mundu gerrak nork prestatu zituen azaltzen digun irakurketa atsegin batez goza dezakegu uda honetan. Horrela, gerrak nork eta nola antolatzen dituen jakinik, dinamika bera errepikatzeari ezetz esan diezaiokegu eta komunikabideek ez gaituzte nahastuko eta konbentzituko gatazka militar baterantz joateko.
Amerikarrek laguntza ekonomikoa eman zieten alderdi naziari eta Reich alemanari
Reinhard Leubek anglosaxoien intriga geopolitikoak kontatzen ditu hamar liburutan. Alde batetik, britainiarrek beren lehiakide guztiak edozein modutan gainditzeko hamaika modu pentsatu eta prestatu zituzten. Honetaz gain, amerikarrek laguntza ekonomikoa eman zieten NSDAP-i (alderdi naziari) eta Reich alemanari, gerran sartzeko prest zegoenari. Azkenik, Alemania munduko potentzia gisa suntsitua izan zen, eta gaur egun bere historiaz lotsatuta eta interes estatubatuarrekin oso lotuta dagoen herrialdea da. Leubek kontatzen duenez, Alemaniak berez ez zuen abentura belikorik behar bere boterea mantentzeko eta, hala ere, bi mundu gerren protatonista izan zen. Nola egin ahal zuen bere buruaz beste hain nazio boteretsu batek? Ez zen diktadore baten borondate hutsaren bidez izan, pausoz pauso bere gobernuarekiko erresistentzia zabalarekin amaitu ondoren inposatu zuenaz. Neurri handi batean, Europako botere-oreka behin betiko aldatzeko plan baten ondorio izan zen.
Prentsaren ezinbesteko laguntza izan zuten agintariek
R. Leuberen lanak – alemanez bakarrik argitaratua, eta egun gaztelaniaz itzulitako laburpen bat duena – Britainia Handiak garatutako kanpo-politika deskribatzen du. XX. mendearen hasieratik, Erresuma Batuak gerra batean sartu nahi izan zituen bere aliatuak –Errusia eta Frantzia– bere aurkari ekonomiko zuzenarekin, Alemaniarekin. Gainera, helburua lortzeko, oso baliogarriak ziren herri horien arteko tirabirak eta, horrela, britaniarren arerio guztiak guztiz ahuldu zitezkeen. Xede hori betetzeko, prentsaren ezinbesteko laguntza izan zuten agintariek, iritzi publiko britainiarra gerrarako prestatu zuen-eta. Horrez gain, Britainia Handiak ez zion inoiz bere helburu geoestrategikoak lortzen saiatzeari utzi, eta Unthinkable Operazioa (Pentsaezin operazioa) antolatu zuen. Hau da, III. Reich-eko Armada garaitua berrarmatzen saiatu zen, Sobietar Batasunari eraso egin ziezaion. Bestalde, Gerra Hotza neurri handi batean Errusiaren eta Alemaniaren arteko gatazkaren jarraipena izan zela azaltzen du egileak. Reinhard Leuberen lanak liburu askoren aipamen bibliografiko dezente erabili ditu, eta lan horiek ondorio berberetara iritsi dira.
Gatazka globalak urteetan prestatutako estrategia globaletan oinarritzen dira
Egungo gerrak gaur egungo faktoreen ondorio huts direla sinets dezake Europako herritar sinesberak. Hala ere, gatazka globalak urteetan prestatutako estrategia globaletan oinarritzen dira, eta erabateko babes publikoa behar dute. Zer gerta daiteke, ordea, herritar arruntak munduko bi gatazka latz eragin zituen geoestrategiaren ezaugarriak eta egileak ezagutzen baditu, eta tragedia honen hirugarren ekitaldian laguntzearen aurka badago? Reinhard Leuberen liburuak irakurtzea lagungarria izan daiteke helburu hori lortze aldera.
Reinhard Leuberen liburuen antologiaren gaztelerazko itzulpena deskarga dezakezu hemen:
Arima intsumisoari nagiak astintzeko garaia da.
Ziztu bizian irakurriko dut. Zenbait artikulutan argitaratuko dudan dokumentu bat prestatzen ari naiz hemen, Gernika batailoiaren balentriak kontatzen dizkiguna Frantzian II. Mundu Gerran. Era berean, “Winston Churchill” zein eskuindar eta karkaka zen gogorarazten digu, eta euskaldunek Frantziaren eta hipar Euskal Herriaren defentsan parte hartzearen aurka jarri zituen zangotrabak, “De Gaulle” ren jarreraren aurka, Franco ez gogaitzeagatik. Eta nola azkenean utzi gintuzten frankismoarekin komunismo sobietarraren aurkako gurutzadan.
Oso interesgarria ekarri duzun gaia, Alex. Gutxi hitz egiten da honetaz eta erabat ezinbestekoa da ulertzea faxismoak betiko kapitalak finantzatu bakarrik ez, berak eraikitzen dituela, diseinatzen dituela eta haien bitartez gerra antolatzen duela. Masa-formazioaren bidez, totalitarismoak hala funtzionatzen baitu. Faxismoaren masa-psikologia. Gero etorriko dira esanez “ultraeskuina dator, oh, eman guri botoa!”; ultraeskuina? Botereko berberak dira eta! Horregatik, herriak herri izateari uzten dionean masa bihurtzeko, akabo. Kobidaroan ikusi genuen zer gertatu zen, ikusten ari gara prozesua, hortxe dago.
Irakurtzeko zail samarra da, itzulita dagoenez, batzuetan kosta egiten da hariari jarraitzea, datu asko daudelako eta azkenean nahastu egiten zaituztelako, batzuetan ondo definituta ez geratzeagatik. Ziurrenik alemanez antzekoa da. Baina itzulpenarekin, batzuetan nahasia, nekatu egiten zara. Baina ahalegin pixka batekin puntua hartzen amaitzen duzu. Azkenean, garrantzitsuena ulertzen da, eta egia esan, oso interesgarria da. Liburuaren laurden bat irakurri dut, gutxi gorabehera. Eskerrik asko hartu duzun lana hartzeagatik eta liburu hau eta informazio baliotsua helarazteagatik, Alex.
Aupa Alex, zure testua irakurri eta gure ezagutzarako ezinbesteko ekarpen interesgarria egin duzuna, gure garunak behar duena egia eta argia behar den garaia bizi dugulako. Zure beste idatzi baten esperoan geratzen naiz.