Gerra-hotsak

Euskal Herria gerraren alde?

Hobe paranoia hutsa balitz.

9

Juan Martin Elexpuru

Euskal idazlea eta filologoa. Bergara

Dantzaldia bere onenean zegoen Titanic-en sala nagusian, dotore jantzitako bikoteak jira eta bira orkestraren musikak sorginduta. Handik gutxira Artikoko ur izoztuetan murgildu ziren denak. Ez ote berdintsua oraingo egoera? Diferentzia batekin: haiek ezin zuten jakin icebergarekin tupust egingo zutela, eta guk suma dezakegu zer etor dakigukeen gainera: gerra; nuklearra, beharbada.

Gerra hotsak Europan eta munduan. EBtik zein NATOtik ez dator beste mezurik: gastu militarra gora, Osasungintza, Hezkuntza eta abarren kontura, jakina; soldadutza berrezarri; Errusia probokatu.

Gobernu zentralaren aurrekontu militarrak onartu, armak bidaltzen direnean isilik geratu, hedabideetan belizismoa eta errusofobia elikatu…

Eta bitartean zein da gure politikarien erreakzioa? Norbaitek gerraren aurkako eta NATOtik irtetearen aldeko mozioren bat aurkezten badu, abstenitu edo kontra bozkatu, ordezko moziorik eskaini gabe. Inor gutxi oroitzen da gure herriak ezezko borobila eman ziola erakundeari. Manifestaziorik ez, eta hurbilekoek deitzen badute, militantzia ez animatu bertaratzera (100 lagun Bilboko manifestazioan, abenduaren 21ean). Gobernu zentralaren aurrekontu militarrak onartu, armak bidaltzen direnean isilik geratu, hedabideetan belizismoa eta errusofobia elikatu. Palestinako genozidioa salatu, baina Israelekiko harremanak ez apurtu.

Gure lagun konspiranoiko batek esan ohi du gure seme-alabak gerrara joaten ikusiko ditugula NATOren uniformeaz, nora eta zertara doazen ideiarik izan gabe. Hobe paranoia hutsa balitz.

Zerbait egin beharra daukagu.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

9 erantzun “Euskal Herria gerraren alde?” bidalketan

  1. Ez dakit konturatzen ote garen (ez dirudi) egoeraren larritasunaz, edo badirudi, 1914-18ko Parisen bezala, hondamendia gainean somatu eta desenfrenoari emanak gaudela, lanera joan-kobratu-diruak xahutu- mozkortu-ahaztu gurpilean,  “bizitza normalaren” azken kartutxoak erre beharko bagenitu bezala.

    Ez dakit gure burua lasaitzen saiatzen ote garen pentsatuz gure gobernariek “zaintzen gaituztela”, 2020an bezala. “Inkonpetente batzuk” direla bai baina ez zaiela gu sarraskitzea interesatzen, edo hori inportako litzaiekeela, 2020an bezala. Beren boto emaileak garenez “zaindu nahi” gaituztela, eta ez dituztela nazioarte mailako aginduak jarraitzen, 2020an bezala, ez direla botere faktikoen morroi, 2020an  bezala. Hedabideetan “informatu” egiten garela eta ez adoktrinatu, 2020an bezala.

    Ez dakit esnatuko garen eta zerbait egiteko prest gauden.

    Badirudi zoritxarrez gure jende asko kapaz izango litzatekeela, maskarak, ziztadak, konfinamenduak ezarri zizkigutenean bezala, berriro esateko: “bueno, hau gutxienekoa da, okerragoa da birusaz hiltzea”. 2020an bezala.

    Prest egon beharko genuke, beren fronterako haragi bila, esklabo bila datozenean, milaka ukrainarren bila joan diren bezalaxe, aurre egiteko. Horretarako herri gisa elkartzea eta saretzea ezinbestekoa izango dugulakoan nago. 

    Ez bazoaz gerrara, adieraztea garrantzitsua da. Ez baduzu onartzen nominatik xentimo bat gehiago lapur diezazuten beren gerretarako, ez badituzu zure umeak haien negozio eta interesetarako sakrifikatu nahi, argi esatea garrantzitsua da. Horretarako, hemen sina dezakezu:

    Ezgoazgerrara.wordpress.com

     

  2. Jendeak nahiago du peajea ordaindu eta autopistatik bidaiatu, (inguruaz ohartu gabe) ziztada bizian eta eroso, astopistatik joatea baino, soilik batxe kurba eta kaka daola pentsatzen dabelako, eta horrela goaz.

  3. Nik mobilizaio hauek masibo ez izatearen susmo bat daukat, Juan Martin. Ez dago siglarik: ez politikoak, ez sindikalak, ez sozialak. Dirudienez, batzuk ez dute ekintzetan parte hartu nahi beraiek ez badituzte konbokatzen eta hauek kapitalizatu ezin badituzte. Baina hau, tamalez, ez da gaurkoa.

    Baina 2020-2025 lustroak zerbait erakutsi badigu, borroka beste bide batzuetatik doala da.

  4. Kaixo Diego, aspaldiko! Hori beti gertatu da, alderdiak, koalizioak, sindikatuak… ez dira mobilizatzen kapitalizatu ezin badute. Baina oraintsuko historiak ere esaten digu lortu diren borrokarik garrantzitsuenak herri mugimenduari esker izan direla, eta behin herriak beharrezko babesa eman dionean ikusi dute zer atera zezaketen. Hainbat adibide ditugu. Adibidez, punk mugimenduan, bere garaian elkartu zituen mugimendu sozial guztiekin, ekologistekin, antimilitaristekin eta abarrekin. Hasieran, HBk iraindu egin zuen, “rock” musika hori inperialismoa zelako. Txisturik eta danbolinik ez bazegoen, ezin zitekeen. Gainera, drogazaleen pintaz gain… mahonezko galtza on bat, kaikua eta txapel bat dauden lekuan!… Gero punkaren eztanda etorri zen, gazte guztiak mugitzen zituena. Orduan pentsatu zuten, egin dezagun gurea mugimendu hori, haien musika eta estetika.
    Eta soldaduska, jakina, bai, soldaduska egin behar da atzerriko edozein erasotatik defendatzeko, baina euskal soldaduska, ez espainol ez frantses, soldaduzka honi ez! Baina gudaroste guztiei, baita euskaldunari ere, insumiso mugimenduak indar herrikoia hartu zuenean, “ts” -arekin euskaldundu zuten izena, eta aurrera begira, Insumisioa -tik Intsumisioa -ra, “borrokalariagoa” geratzen baita. Eta lehen baztertutakoa kapitalizatu zuten betikolez. Eta hain pozik geratzen dira! Tira, orain, hau ere kapitalizatu nahi izateko adina batu arte. Boto-emaileak hain inozoak baldin badira, non ez baitakite ezer egiten beren buruzagiek esan gabe, baina helburua milia eta gudua gelditzea baita, berdin zait nork eramango dituen merituak, amorruz bada ere. Bide batez, urrutirago joan gabe, isiltasuna eta zentsura tartean, dozenaka mila pertsona manifestatu ginen Nazi pasearen aurka. Ziur egon, kontuan hartu zutela, dena kontra izanda ere hainbeste jende mobilizatu zela, eskuetatik alde egin ziezaiekeela. Eta ziur nago, besteak beste, hori kentzeko arrazoietako bat izan zela. Beraz, aurrera!

  5. Ni gehien izutzen nauena da ezker abertzale deiturikoak kristoren ostia txarra duela gerraren kontra mugitzen ari den jendearekiko. Hemen, Nafarroan, halako ergelkeria eta irenste-mailara iritsi da, non “eroritakoen” monumentu faxista mantendu baituten. Goragalea ematen du entzuteak nola babesten duten izugarrikeria hori “ezkertiar” zirela zioten pertsonek. Sekula ez nuen pentsatuko botere espainolari horrelako sumisioa ezagutuko nuenik. Nazkagarria.

Utzi iruzkina

Azken artikuluak