txertoak kaltetua

Gaur eta egunero bota, bota sobre sus cabezas

«Vacunación, vacunación y vacunación; ése es el debate: vacunación, vacunación y vacunación» sei aldiz esana, eta ondoren joan zaizkigunak. Niri sei lagun gazte.

29

Kote Camacho

Marrazkilaria eta zinegilea. Oiartzun

Marra gehio taldearen «Vota, bota».

Marra gehio: Aingeru gitarra, Kote bajua, Alex batera, Atxota ahotsa, Lupi gitarra eta koroak.
«Vota, bota» kantaren jatorrizko bertsioa: Matarrasa taldea.

Aingerurekin egon ginen azken aldia azken Xanistebanetan izan zen, beraz iaz. Eguna eta gaua pasa genituen. Hurrengo astean jada ez zen gure artean, bat-bateko pankreatitis batek eraman zuen. Ez nekien pankrea zer zen ere.

Ni ez naiz aditua baina…

Zirujau orokorra eta bereziki liseriketa-aparatukoa den Juanjo Martinez medikuak badaki pankreari buruz, beti ikertzen dabil eta bazekien Aingeruren kasuaz ere. Baita gure auzoko biologo molekular ezaguna den Asier Galanek ere, jakina bazekiela bataz eta besteaz.

Gertukoekin oso zaila izan da horretaz hitz egitea eta oso bortitza egiten zait idaztea, baina arriskatuko naiz, berriz ere, iruditzen zait behar dela.

Hatuanasa, Kote.

Pena Covid bakuna deituriko nahasketa esperimentalarekin ziztatu izana. Pena aurretik hedabide guztien kanpainan erori izana. Politikari guztiek txertaketaren aldeko kanpaina zoroa egin izana, denek batera, Aita Santua eta erregearekin batera, juntos y unidos, totalitarismo koloretsu ederrean.

Aingeru, Ioritz, Txema, Eli, Etxepe, Amaia. Eta bide berean zoaztenak. Hatuanasa…

Pankreatitis, bihotzekoak, tronboak, minbizi fulminanteak. Gauza ezberdinak diruditen arren, badirudi besterik gabe denak txertoak eragindako odolbilduak direla, kaltetuz organo bat edo bestea, pankrea, bihotza, garuna, bakoitzari tokatzen zaiona.

Zainaren formarekin ateratako koagulo luzeei buruz inoiz jakin nuen lehenengo kasua izan zen Menorena, berak deskribatutakoa, eskerrak ikutuz nabaritu zuela kanpotik bihotzera iritsi baino lehen. Hatuanasa, Meno!

Kurioski, ez zuen txertoarekin lotu, eta barregura atera zitzaion nik planteatzean.

Hatuanasa beti. Eta tarteka egin baraua… gorputza garbitzeko… Zure kabuz egin, Ainoak bezala, edo taldean, nahiago baduzu, barau topaketan.

Nahi duena animatu dadila, sendagile aske, lagun eta artista independenteekin batera topatzera, uztailerako egosten ari den barau aste autoeratuan, 21etik 27ra. Sano, ikutu, zahar eta gazte. Euskara hutsez autoeratutako gune ireki eta xumea. Herri bezala aurrez aurre ekintza koordinatzeko, hau da, komunikatzeko... (Gehiago baraualdiari buruz eta izen-ematea.)

Batzuei edo besteei bozkatuta ere, ez zaitzatela nahastu marionetek, marioneta izatea hautatu dutenek, eta ez zaitez ahaztu gertatutako ezertaz. Dirua txertatzen duen makineria jo ta su dabil, larrialdi sanitario eta klimatiko berriak abiatzen. Bozkatzeko ere derrigorrezkoa dugun nortasun españolaren agiria bera txiki geratuko da, covid-pase nazi garatuagoa izango den ID2020aren ondoan, edo ezartzen saiatuko diren dena delakoa, mundu mailako nortasun agiri digitala, informazio fazialarekin, txertaketa informazioarekin eta bakoitzaren diru digital eta kredito sozialarekin, dena pixkanaka-pixkanaka, dosika, alarma sanitario edo klimatikoen bidez.

Guregana etorriko dira, datoz, polizia, sanitarioak, balkoiko zoroak, sareetako zipaioak, gu kontrolatzera, txertatzera edo lotzera, eta beraz adi egon, hatuanasa eta prestatu, martxa galdu gabe, datozenean beraien buru gainean botatzeko.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

29 erantzun “Gaur eta egunero bota, bota sobre sus cabezas” bidalketan

  1. Ez dugu ahaztu gertatutako ezer, ez. Behin ikusita badakigu zertarako gai den gizarte hau, onerako eta txarrerako. Nola jokatuko duten gero ere zoroek, zinikoek, epelek, arduragabeek, odolgalduek, zipaio jazarle digitalek, batzuek eta besteek.
    Badoa ta badoa, giza-aberea.

  2. Gogorra, Kote, albistegi demokratikoen estatistiketan sartzen ez diren “kasuak”. Eta bitartean, lehia politikoa errepresioaren eta txertoen nor aldekoen zela ahazten dugun bitartean, gure borondatea doan oparitzera deitzen duten irribarreak nonahi. Aurrerabidearen makinaren azeleragailua azkarren nork zapalduko, kolapsorako bidea nork hoberen mozorrotuko, negozioa nork gehien luzatuko. Gure borondatea kontrolatzeko teknologia asmatuko balitz ez dakit zein ibiliko litzatekeen gogotsuago gu denok haren “onuren” eskuetan zirrikiturik gabe uzteko lehian, ezkerra edo eskuina, ezkuina edo eskerra, muturreko erdia edo erdiko muturra. Malthusi itaundu beharko. Eta Bioklik idatzi nuenean hemendik hogei urtera kokatu nuen erabateko kontrol biometrikoaren gizartea, biodemokrazia, baikorregia ni, haren aurka antolatzeko denbora izango genuelakoan… Dena otzan onar dezagun, ezker-eskuin, ezkuin-esker, eguneroko pentsamendu okerren kontrako txertoa telebistan -eta irratian, eta prentsa idatzian, eta wikipedian…-. Ekofaxismorako oinarri teknologikoek ondo funtzionatu dute eskatu zaienean, eta hobetuko dituzte berehala, hobekuntza etengabea, badakizu; horretarako prestatu zuen Eusko Jaurlaritzak aspaldi administrazioan biometria txertatzeko proiektua bereganatzeko lehiaketa, titular handirik gabe. Gardentasuna, Busturialdeko Guggenheim bikoitzarekin bezala. Hurrengo gobernuek, zein koloretakoak diren ere, eraginkortasunez eta grinaz erabiliko duten teknologia ze, dakizunez, teknologia eta zientzia neutralak dira…
    Hildakoak estatistikak dira, eta estatistika edozer zuritu, desitxuratu, moldatzeko tresna “zientifikoa”. Zer datu sartu eta zelan da kontua, ezta? Demokrazia ordezkatzailearen oinarria, gure borondatea estatistika bihurtzea. Estatistikak ere esango die “herriaren borondatea” ondo betetzen ari diren.
    Bizia, ordea, tematia da kabroia eta, estatistikek zer dioten ere, bere bidea dauka. Horregatik ez dute bizia maite, askeegia da eta, diotenez, bizi orok du balio berdina. Susmagarria bizia, anarkista ematen du-eta. Behar bada, lehenengo transgizaki belaunaldiaren bizia hobeto egokituko zaio biodemokrazioari.
    Bitartean, bota, bai, sobre sus cabezas, zer bestela, haiek gure buruen gainetik kaka egiten badute egunero…
    Moso mandue!!

  3. Gure Iñaki “Ogrua” gogora ekarriz, gaur vodkatzeko eguna tokatzen zaidala pentsatu dut… mmm… baina horrek kaltea eta oinazea ekarriko lidake eta ez dut egingo. Gaur atseginarekin topo egingo dut eta gero hausnarrerako tartea ere bilatuko dut. Guregana datozen kalte eta min emaleei barre egin eta haiengandik babestu, oraingoz hori. Agian, gero, analogikoak dituen onurez ere oroitu behar genuke, agian, eta sentsazioek sortzen duen sentsualtasunez. Dena kontrolatu nahi duten horiek ezingo dute dena kontrolatu eta plazetan egingo dugu topo eta planto. Besarkada goxo-goxoa, Kote.

  4. Zenbat eraman ditu ziztada zikinak? Lehen, orain… Zer alde dago? Bota sobre sus cabezas!!! Animo Kote. Oso sakona dokumentu gogor eta sentikor hau.

  5. esanik erruz egi bat eta zuen mezuekin ase
    zoragarriak
    banoa kalera
    vodkatzera
    eta norbaiti botatzera
    pixerreka
    extremo zentrotik

  6. Kote, honetan bete-betean jo duzu nire G puntua, emozionala eta arrazionala.

    Oraindik orain ez dira konturatu asko eta asko ziztada jartzeko kanpaina (txertoa ber 6, mozala ber n…), historia modernoan egon den “bake” garaiko kanpainarik handiena, orokorrena, garestiena… saiakuntza bat izan dela, hori bai jantziekin.

    Altzibarko auzoan istorioaren bi aldeak agertzen dira, seguraski edonon bezala osotasunaren fraktal gisa. Batetik, agertzen dira kontrol sozial kanpainen aurrean abesten eta jotzen dutenak, solasaldi politiko hunkigarrietara joaten direnak eta gero ziztadak hartzen dituztenak, bozkatzen dutenak… badira ordea abesteaz eta jotzeaz gain, kamisetak eta belarritakoak janzteaz gain bizimodua betirako aldatu dutenak eta inoiz ez dutenak bozkatuko eta are gutxiago ziztadarik hartuko. Ulertzen zaila da nola guztiak ez dauden dagoeneko bigarren talde honetan baina denok egon gara noizpait lehenengoan.

    Ziztadak, hauteskundeak, ideologia koloretsuak … mendeetan zehar abeletxe bat izan gara, biktima askorekin, azkenak Kotek adierazi duen bezala oso gertukoak. Izan dadila gertatutakoa eta gertatzear dagoena abeletxearen paretak zirrikituz betetzen hasteko bultzada.

    Gaur, istorio honetan dauden irakurle guztiei eskatuko nieke abeletxe izateari uzteko urrats garrantzitsua artzaina aldatzeko antzerkian parte ez hartzea dela, beraien bozkari balioa emateko era eraginkorrena ez bozkatzea delako.

  7. 👏👏👏 ausarta zu!! Norbaitek esan behar zuen… ni ere hunkitua nago galera batzuekin oraindik 😔

  8. Animo Sanis, eta eskerrik asko!
    Ausarta ala txoriburu… ala Ioritzek esaten zidan moduan asperger
    Ez dakit baina horrela behintzat ez naiz aspertzen

  9. Asier, apur bat ulertzeko, Batzuok txertaketaren gaineko erabakia orain dala urte asko, asko…. hartu genduan. Horregaitik Covid-19 dala eta txertatzeko presinoa gaindituta geunkan. Horren ondorioz, “orain artekoa ahaztuta eta barriro hutsetik hasi” eittea errazagoa izan da. Halan eta guztiz gurea, boto kritikoa izan da, baina ez dogu ezker abertzalea ahultzea gura, jokoan gai eta egoera asko dagoz.

  10. Hautagenesia hitza egokia iruditzen zait gaur eta hurrengoetarako. Eskerrak Elosun ia guztirako hitz egiteko moduan egongo garela, guk pentsatu eta erabaki beharko dugu bestela “betikoek” erabakiko dute guregatik.

  11. Ez dute lortuko. Beste olatuak saltatu ditugun bezala saltoan gero eta entrenamendu gehiagorekin gero eta hobeto saltatuko ditugu psikopaten planak eta gero eta jende gehiagok begiak irekiko ditu.
    Zoragarria Kote, eskerrik asko!

  12. Tamalgarria bihotz gordinarekin lagun modura esperientzia bizitzea eta kontzientziak eta begirada zabalak ematen digun ikusmiratik bizitza behatzea eta sentitzea. Hartu besarkada bat Kote!

  13. Nire ama ere joan da tronboak eta minbiziak medio.
    Txertatzeko momentuetan helarazi nion iritziz aldatzeko informazioa, baina ez zuen hartu nahi izan eta beharbada egin behar izan dudan hausnarketa ariketa gogorrena da bere sena onartu beharra. Berak bere bidea eta bere heriotza aukeratu zituen eta nik nire salbatzailearen trajea albo batera utzi behar nuen eta bera eta bere erabakiak bere osotasun eta askatasunean onartu eta heriotzean bidelagundu.
    1933an Bermeo eta Bakio arteko baserri batean jaiotako nire amarenganako eskerrik handiena sentitzen dut era berean, niri mundu berriak, mundu emozional berriak, kontzientzia maila berriak esploratzeko askatasuna eman zidalako nahiz eta horren ondorioz nik berari mundu askotan ulerkaitz bat ekarri.
    Besteak salbatu ezin izanak sortzen duen frustrazioa, heriotzak bidelaguntzea eta lagun edo familiakoei agur esatea… Erronka itzelak.
    Bizitzaren misterioa.

  14. Aupa Ainoa, zelako emozio saltsa. Ona zea horrekin zu.
    Jakingo balu jendeak, zelako gaitasuna duen gorputzak bere burua sendatzeko, eta bakarrik utziko balio taretxo bat…
    Gabon besarkadak

  15. Baraua aukera zoragarria da gure barne medikuari tokia egiteko eta bere lana eta plan perfektua martxan jartzeko. Janaririk digeritu beharra ez izateak energia uzten dio eskuragarri mediku lana eta erreseteoa egiteko gorputzean. Merezi du benetan.

    Salbatzailearen trajea jarri dut berriro…kar kar kar

  16. Aupa Kote. HILjekzioarekin jende asko jausten dabil.
    Burrukan egiaren alde jarraitzen duzula ikusten dut. Horrek zure ausardia eta bihotz ona erakusten du. Eskerrik asko

  17. Artikulo interesgarria eta hunkigarrixe, beharrezkoa ganera…
    Besarkada bana Kote, ta Ainori🤗

  18. Guztion gorputzak
    xehetuko ei dira hauts.

    Eta nora ote, hari mehea (arima)?

    Goza dagigun bitartean!
    Uztailean Elosun, bai!
    Zer ete dakarko?

    Ainoa, Kote, eta gainerakook, besarkada bana!

  19. EH hüntan deigarrien zaidana zera duk: inor ez dela ezertaz ere damutzen.

    INOKULAZIOA dela, COVID-PASE-NAZIA dela, edota maila kulturalean IRUÑA-VELEIA LURPERATZEA dela…
    INOR EZ DUT INOIZ damutzen entzun!

    Espero nuen, sikera, BERRIA egunkaria.., baina kiá, hori bera ere ez.
    Ez al duk uste, Martzelo, zuen hankasartzeak merezi huan, bada, aitzakitxoren bat-edo… diñot nik.

  20. Gaur 2023ko ekainak 6 Tedrosek iragarri du WHOk, hau da Mundu Osasun Erakundeak, erosi dituela Europar Batasuneko guztion osasun datuak, eta horri esker Mundu Mailako Osasun Nortasun Agiria prestatzen dabiltzala, Covid19 Pasean oinarrituz, laister orkestratutko duten pandemiarekin batera derrigortuko dutena politikari eta kazetari guztien laguntzaz.

  21. Mundu Mailako “Osasun Nortasun Agiria”, e??? Hara, hara… a ze sorpresa, ezin zen jakin horretara gindoazenik, horretara ginderamatzatenik. Horiek ez al ziren, bada, magufoen eta konplotisten ohartarazpen txoroak? Mundu mailako pandemia batean geundela eta horren larritasuna eta “neurriak hartu beharra” onartu nahi ez zuten burugabe horien burutazioak?
    Oraingoan ere esango digute “ez dela hainbesterako”… “badaudela gauza okerragoak”… lasai egoteko, gure datu horiek “esku publikotan” egongo direla (a ze txantxa txarra)… eta, “publikoa”, “herritarrona”, “Estatuarena” eta “korporazioena” nahastuko dituztenez (motzenek nahigabe eta azkarrenek berariaz), segi irensten…
    Gizakiaren azpiratze metodoek ez dute mugarik.

  22. Dudarik gabe, sekulako astindua eman digu azken urte hotan bizitutakoak. Zentzu guztitan baina batez ere, inguruan nituen eta ikusten ez nituen paretak nabarmentzeko aukera bikaina izan da. Gogorra bai, baina ederra ere bai. Bizitutakotik zerbait ederra sortuko dugula ez dut dudarik eta elkarraratzea dela bide bakarra. Aurrera, ttipi ttapa, ondoan ditugunak hurbiltzen joango dira haien erretmiro, hala ez… ni bitartean aurrera

  23. ILION hiri-gunean TROIAko zaldia sartu ziguten gerrariz beterik; eta berriro ari dira saiatzen (“txerta umeak, txerta umeak oro!”)

    Baina ez dugu galdu mamoria…zenbaitek bederen…Guztiz behintzat…

    Irten gaitezen
    el 2an umeak t e miliardoko negoZioaren kontra! Stop elite negozianteari!

    Batzuek bederen ez dugu galdu memoria, eta TROIAko Zaldia sartu ziguten oroz oroituz, zera esan zuten: “AB UNO GNOSCE OMNES” (batengandik ezagut guztiak)

Utzi iruzkina, izen eta abizenez

Azken artikuluak