Bizitza Plataformak eta Rompe el Silencio ekimenak indarrak batu ditugu azken urtean izandako gehiegizko hilkortasunaren aurrean ikerketa exijitzeko. Enpresa farmazeutikoek ezarritako iruzurraren hirugarren urteurrena zen, murrizketekin eta oinarrizko eskubideen murrizketekin batera.
Milaka lagun ibili ginen isilik Bilboko kaleetan. “Gelditu dezagun hau!” entzuten zen barrutik. Kaltetuen testigantzak entzun ahal izan genituen. Hunkituta babestu genituen gure txalo zaparradarekin. Ibilbide arrakastatsua opa diogu Rompe el Silencio ekimenari, gure bizitzak babesten dituen elkarrizketa sozial eta instituzionalaren bila.
2022an inoiz baino hildako gehiago egon dira; iktusak, tronboak, bihotzekoak, miokarditisak, turbo-minbiziak… Eta gero eta jende gazteagoari gertatzen zaio. Asko bat-batean hiltzen dira, “bapatitis” gaixotasun berriagatik.
Bizitza Plataformak udal guztiei laguntza eskatu die, ikerketa eska dezaten, eta lau udal izan ezik denak isildu dira
2.911 hildako gehiago izan dira Hego Euskal Herrian: Araban 383 gehiago, Bizkaian ia mila gehiago (964), Gipuzkoan 631 gehiago eta Nabarran 933 gehiago. Estatuan ia 35.000 gehiago hil dira, 734 gehiago milioiko. Estatuarekin alderatuta, gehikuntza kezkagarria izan da: Nabarran ia bikoitza (+%93), Araban +%59. Lau lurraldeetan (Bizkaia, Gipuzkoa, Nabarra, Araba) estatuan baino %40 gehiago. Madrilen, ordea, gehikuntza batez bestekoaren oso azpikoa izan da, %53 gutxiago!
Osakidetzak eta Osasunbideak ez dute ikertu nahi. Bizitza Plataformak udal guztiei laguntza eskatu die, ikerketa eska dezaten, eta lau udal izan ezik denak isildu dira. Bost axola zaie herritarren heriotzen gehikuntza hau. Zer gertatzen ari da?
Eskerrik asko zuen kemen eta indarrarekin etengabe hor jarraitzeagatik, benetan.
Ondo legoke jakitea zeintzu diren isilik gelditu ez diren 4 udal horiek eta zer esan duten. Zein izan den Bizitza plataformaren ekimena eta zein erantzuna.
Heldu zaigun informazio bakarra Hernaniko udalari buruzkoa da.
Zer dago beste hiru udal horiei buruz? Zein izan da ekimena? Zein erantzuna?