Mendebaldeko inperioa erortzen ari da. Aldaketa sakonen aurrean gaude. Ongizate estatua eta Mendebaleko klase ertaina (langilea) desagertzen ari dira. Ongizatea edo pribilegioak ez galtzearren klase ertainak faxismorantz jotzen du.
Faxismoa ez da ultraeskuinarekin lotura duen proiektu “negazionista” bat, betiko botere ekonomiko eta politikoak sustatuko duen proiektua baizik. Krisian dagoen modernitate kapitalistan oinarritutako eredu basatiago bat dator. Faxismoa ez da “demokrazia parlamentarioaren” aurkakoa, bere garapena krisi garaian baizik.
Pasolini marxista italiarrak zioen gaur egungo antifaxismoak fede txarra duela, fenomeno arkeologiko eta museoko bati aurre egiten diolako, eta ez benetako faxismoari
Pier Paolo Pasolini marxista italiarrak zioen bezala, gaur egungo antifaxismoak, edo horrela deitzen dioten horrek, fede txarra du: fenomeno arkeologiko eta museoko bati aurre egiten diolako; oso erosoa eta erraza den antifaxismo bat. Benetako faxismoa burgesia inperialista da eta bere baitan sortu dituen estruktura guztiak.
Ez al dira gure etsai “nagusia” eta “jada dagoena” zein den desbideratzen ari?
Ez al dugu eredu kapitalista moderno basati hau borrokatu behar? Politikoen ustelkeria, gerra, NATO, esplotazioa, genozidioa, armagintza industriala, banku-zorpetzea, digitalizazio basatia, big-pharma edo Estatuaren kontra egin behar?
Baina lasai, faxismoa geldituko dugula diogu:
Osakidetza deseginda, baina lasai, faxismoa geldituko dugu.
Bizitzaren garestitzea, baina lasai, faxismoa dugu.
Langileak zapalduak 1.000 euroko soldatarekin, baina lasai, faxismoa geldituko dugu.
Emakumeak hiltzen eta erasotzen dituen sistema patriarkala indarrean dago, baina lasai, faxismoa geldituko dugu.
Etxekotu gintuzten, Covid-pasaportea ezarri ziguten, txertatzera behartu gintuzten, baina lasai, faxismoa geldituko dugu.
Etxebizitza, zer da hori?, baina lasai, faxismoa geldituko dugu.
Milaka eta milaka denda eta taberna itxirik, baina lasai, faxismoa geldituko dugu.
Buru-gaixotasun pandemia dugu, baina lasai, faxismoa geldituko dugu.
Gerra batean sartu nahi gaituzte, baina lasai, faxismoa geldituko dugu.
Armagintza industriari milaka eta milaka euro, baina lasai, faxismoa geratuko dugu.
Gure ekonomia txikitua, energia eta elikadurarekiko kanpo dependentzia izugarria dugu, baina lasai, faxismoa geldituko dugu.
Hegoalde globalaren kontu gure kontsumo eredu basatia areagotuko dugu, baina lasai, faxismoa geldituko dugu.
Herria-Komunitatea eta euskara desagertzen ari dira, baina lasai, faxismoa geldituko dugu.
Herritar indibidualistak, automatak, berekoiak sortu ditugu, baina lasai, faxismoa geldituko dugu.
Krisian dagoen kapitalismo inperialistaren instituzio-dinamikak eta politikak dira faxismoa
Faxismoa ez da bakarrik urtean behin probokatzera datozen pertsonaia horiek, faxismoa krisian dagoen kapitalismo inperialistaren instituzio-dinamikak eta politikak dira.
Faxismoa, autoritarismoa, totalitarismoa, otzantasuna hemen daude, gure instituzioetan, gure jendartean, gure herrian eta gure gorputzetan. Ez ditzagun mamuak kanpoan sortu, gugan ditugu eta.
Bikaina!!!
Norbaitek esan behar zuen. Ona,2 kaña.
hala ere….esango dit inork gaiz aldatzen dudala, baina Basatia gora eta behera, %100 Zibilizatua den arazoari, ai gure garun kolonizatuak.
Fokuan jartzen diguten faxismoa pailazo folkloriko batzuk besterik ez diren neurri berean da haren aurreko erreakzioa antifaxismoaren karikatura, tonto erabilgarrien masarentzat espektakulu hutsal entretenigarri bat.
Jakina herritarron etsai nagusia, jada badagoena, fokutik desbideratzen ari zaizkigula zirko mediatiko, pantomima eta performance ‘antifa’ horiekin.
Pasolini argiak aspaldi ikusi zuen hori eta zerbaitengatik akabatu zuten.
Artikulu bikaina, Zorionak!