Otsailaren 25ean, Euskal Herriko makroproiektuen aurkako hainbat talde ekologista elkartu ziren Ziordiako Amarauna espazio autogestionatuan.
Bertan, Euskal Herriko landa eremuak nahiz kostaldeak etorkizun laburrean jasan ditzaketen mehatxuen aurrean, “Lurraren defentsan Euskal Herria bizirik!” ekimena garatzeko lanari jarraipena eman zitzaion batzar baten bidez.
Ekimen honen bigarren batzarrean Nafarroako talde ekologistak ere gehitu ziren, beraz, momentuz, Hego Euskal Herriko makroproiektuen aurkako talde ekologista gehien bildu dituen ekimena litzateke “Lurraren defentsan Euskal Herria Bizirik!”, eta Ipar Euskal Herriko taldeak biltzeko asmoa agertu zuten bertaratutakoek.
Oso azkar garatzen ari diren makroproiektuek, azpiegitura handiek, transgenikoek… gure ekosisteman eta elikadura burujabetzan eragin ditzaketen kalte larriak salatu nahi dituzte
Hala eta guztiz ere, ekimen honen ardatz gisa, maiatzaren 20an Gasteizen egitekoa den manifestaldia garatzea izan zuen helburu larunbateko batzarrak. Euskal Herrian modu oso azkarrean garatzen ari diren lurraren aurkako proiektuen aurrean, esate baterako, AHT, autopista elektrikoak, transgenikoen auzia, zentral eolikoak, makro-negutegiak, makro-granjak… hauek gure ekosisteman eta elikadura burujabetzan eragin ditzaketen kalte larriak salatu nahi dituzte ekimenak batzen dituen talde ekologistek.
Manifestaldiaren lema ekimenak berak daraman izena da: Lurraren defentsan Euskal Herria bizirik!
