Lurraren defentsan HAMAIKA erakusketa ibiltariaren INAUGURAZIOA eta makroproiektu eolikoen auziaz HITZALDIA egingo da martxoaren 1ean, ostirala, Bera-ko kultur etxean:
Datorren ostiralean, martxoak 1, lurraren defentsan Hamaika erakusketa artistiko ibiltariaren inaugurazio ekitaldia egingo da Bera-ko kultur etxean, arratsaldeko 6etan. Lurraldea berreskuratzeko aldarria egiten duen erakusketa artistiko honetan Euskal Herriko 11 ilustratzailek parte hartu dute eta makroproiektu eolikoek kaltetutako zenbait familia eta bizilagunen testigantzak ere jasotzen dira. Ostiraleko inaugurazio ekitaldian, hain zuzen, makropoligono eoliko eta berriztagarri industrialen auziaz HITZALDIA emango dute Nafarroako NEE-TEN koordinadorako eta Sustrai Fundazioko kide Joxian Jauregi, Mikel Etxarte eta Pablo Lorentek. HAMAIKA erakusketa Etxalarko Haizeak Bizirik taldearen ekimenari esker sortu da: “Artea lurraldearen defentsarako tresna gisa hartzen dugu, Bortziri eta Malerrekako haranak hainbat makroproiektu eolikorekin mehatxatzen dituzten industria berriztagarrien jarduera kriminalari eta indarkeria administratiboari erantzuteko”, diote Haizeak Bizirik-etik. Erakusketa Euskal Herriko hainbat herritan zehar mugituko da datozen hilabeteetan: Beran egunotan ikusgai egon ondoren Enkarterriko Balmasedara joango da martxoak 16an, eta Azpeitian jarraituko du bere ibilbidea herri horretan Euskal Herria Bizirik sareak apirilaren 13an deitutako manifestazio nazionalarekin bat eginez.
Informazio gehiago:
Berako inaugurazio ekitaldiaren kartela (IKUS AZPIAN).
Egitaraua: www.santakali.org/bera
Erakusketaren informazioa: www.santakali.org/territorio
Erakusketaren egileekin harremanetan jartzeko Emaila: eolikarikez@mailbox.org
