ETORKIZUNA

Berezko haziaren sugarra

Suak erreko ez balu, eta euriak busti ez, gustura, bai, isilduko ginateke.

12

Patrik Unzurrunzaga Garate

Datu informatikoen transkribatzailea eta PunKiA. Algorta

Nire ustez, oso kezkatuta egoteko modukoa da. Niri iruditzen zait jendea ez dagoela behar bezain kezkatuta, edo disimulatu egiten duela, edo egokitzeko gaitasuna duela indarrak ez ahitzeko. Ez al zaude jota? Ez al dituzu kirioak dantzan, ez al duzu gaizki lo egiten, ez al dizute minik ematen gauez oharkabean estutzen dituzun matrailezurrek, ez al duzu tripako minik, bihotzerrerik, edo beste gaitz fisiko edo psikikoren bat, ez al zaude makalduta, itxaropenik gabe, zure seme-alabez kezkatuta, zain duten etorkizunaz eta abar?

Ez al da arduratzeko modukoa jendartearen zatirik handienak bere buruari infektatu izana, txintik esan gabe, esperimentu oso arriskutsu bat, eta hain axolagabe ikustea? Ez al da kezkatzekoa askatasun murrizketa hain azeleratua? Eta estatu polizial gero eta gogorragoa? Erregai eskasia, lehen mailako elikagaiak geroz eta garestiagoak, hurbil-hurbil dugun eta gatazka beliko baten erdian dagoen zentral nuklear bat, bi lehiakideek presio-fetitxe gisa erabiltzen dutena?

Hau guztia dugu eta, hala ere, ez dut ikusten ganorazko kezkarik, ez ezertaz jabetzen ez direnengan, ezta zeozertaz enteratzen direnengan ere. Eta hori, gizateriaren historian berebiziko garrantzia duen une honetan, oraintxe bizi garenoi eta bai berehalako etorkizunari, bai epe luzekoari, gizadiaren etorkizunari orokorrean, eragiten digun momentu honetan.

Argi dago ez dugula irabaziko, galdu dugula, eutsi egin behar diogula, sugarrari eustea eta hurrengo belaunaldiei transmititzea geratzen zaigu, denborarekin kontzientzia kolektiboan adarkatu dadin arte, eta honek kondenatuta gauden diktadura global hau oinarri-oinarritik suntsitu dezan arte. Gaurko galtzaileak gara, baina biharko garaileak, ezagutzaren haziak ereiten baditugu, denborarekin hil ez daitezen eta tirano garailearen historiak ezabatu ez ditzan.

Oso negatiboa, ezkorra eta etsikorra naizela uste baduzu, esango al didazu, egiten ari zaizkigun okerrak zerrendatzeaz gain, zein den bidea, edo zertan oinarritzen den zure itxaropena? Mesede handia egingo zenidake. Eskerrik asko!

« Suak erreko ez balu

eta euriak busti ez.

Negarrik ez balitz

eta arratsaldea

gauak itoko ez balu.

Pobreek lurrik balute

eta lurrak maitasunik

eta esperantzarik zaharrek.

Justiziarik balitz

eta herriak sofritu ez

gustura, bai,

isilduko ginateke

eta —Zenbat da?

Beste kopa bat! »

Suak erreko ez balu. Joxe Azurmendi, 1966

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

12 erantzun “Berezko haziaren sugarra” bidalketan

  1. Tikal adibidez. Zibilizazio handi desagertu baten arrastoa ohianak janda,naturaren zarata aberastasun eta kolore guztiak bor bor, oparo.

  2. Krak! egin du hego EHko jendarteak, zerbait hautsi zaigu, agian kristalezkoa zena, gogorra eta pitzagarria aldiberean. Europako beste leku batzuetan haserre dabil jende asko eta matxinatzen hasia. Oso hitz egokiz adierazi duzu zure sentipena, zure pentsamendua. Heldu naute.

  3. “SARE SOZIALAK” (DIGITALAK) DESINFORMAZIOAREN ITURRI.

    “PLEYADE MERTZENARIOA”
    Kargua: asesinatoa.

    Edo gutxienez,

    “PLEYADE DOGMATIKOAREKIKO SUMISO”
    Kargua: homizidioa

  4. Eskerrik asko Gorka, sentitzen eta pentsatzen nengoena idatzi nuen zuzenean bai.
    Aitor bai, oso ona abestiaren letra, gustatu zait.

  5. “Presio fetitxe” dagokionez, plano berean kokatzeak Munduko Ordena Berriaren beso armatua diren OTAN ta bere esbirroak eta haiei aurre egiten dietenek distopia hau zorrotz ez onartzeagatik, jokoan dagoena behar bezala ulertzetik urruntzen gaitu, nire ustez.

    Beste aldetik, kondaraik dioenez, Bill Gatesek, pentsakor, hau botazen du: “Narratiba berehala erortzen ari da.” Eta Klaus Schwabek erantzuten dio: “Ez haren atzetik joan direnak bezain azkar.”

    Nire irudipena da etsaiak ez duela lortu uhin adierazkorra geldiaraztea eta “agintariek” uste zuten zirkuitu zapaltzailea blindatuta zutena gainditzen ari dela.

    Gerla hau planeta-mailakoa da eta haren aurrerapenak edo atzerapenak ere bai. Guztioi eragiten digute eta gauden leku bakoitzari. Esnatzen ari den masa kritikoa handituz badoa, berarekin hazi egingo gara. Kontua da geure indarra bideratzen jakitea.
    Handitzen doan masak, gutxienez, egokitasun baten aurrean uzten gaitu.

  6. Bai Koldo, ez dago parekatzerik, ñabardura asko daude eta. Baina hainbeste dira, non artikulu batean Ukrainako liskarrak bakarrik ez direla aipatzen, bi aldeek inguruko guduetan zentral nuklearraren alde borrokatu zuten bezala zehaztu bainuen, azkenean errusiarrak berarekin geratu ziren. Ez dakit asko luzatuko naizen artikulu baten iruzkina izateko. Ea laburbildu dezakedan eta, aldi berean, ondo zehaztu dezakedan. Niretzat, bere garaian bezala. AEB eta SESB gerra hotzean, ez batarekin ez bestearekin, Punk M.C.D. taldeak bere garaian kantatzen zuen bezala, popatik hartzera USA, popatik hartzera URSS. Beste alde batetik, eta bi potentziaren edo bi bloke inperialistaren pentsamoldean jarriz, mundu mailako hegemonia dute jokoan. AEB da Errusia bere mugetan zulatzen ari dena. NATO yankeeek erabat maneiatuta dagoela. Eta gasarekin onuragarriena, beste gauza askorekin, AEB dela. Gainera, gerra ez zaio inoiz tokatzen bere lurraldean. Baina Errusia ere ez da libratzen, Mosku ez dago Europan eta urruti ere badago; beraz, erdian gaudenok Europa gara berriro. Lehen mundu-gerra Europan izan zen funtsean, bigarrena Europan ere izan ziren liskarrik gogorrenak, gero Japoniaren gaia dago, eta Afrikara eta beste leku batzuetara ere iritsi ziren. Baina bietan Europa izan zen gerraren erdigunea. Eta hirugarren aldi honetan berriz ere erdi santuan gaude. Eta AEBei bost axola bazaie, Moskukoei pairora ekartzen zaie. Moskuk bere mugak arriskuan ikusten baditu, ez du zalantzarik izango eraso nuklear taktikoak erabiltzeko Ukrainan, Europan. Ez dira hain indartsuak arma taktiko horiek, bonba edo misil nuklear baten aldean, baina oso kezkagarria da. Eta ezin dugu baztertu AEBek beren egoeran jarraitzen badute, liskarrak Europa osora zabal daitezkeela. Eta horrek errusiarren arma nuklear taktikoak ere inplikatzen ditu. Beraz, ñabardurak aztertuta, gauzak uler ditzakezu, baina azkenean galtzaileak gu gara, Europa. Horregatik jarraitzen dut popatik hartzera USA, Popatik hartzera Rusia abestiarekin.

  7. Uste dut, Patrik, egiten duzun azterketa iraganeko garai bati dagokiola. 2020ko martxoan hazi zen berri honek zerikusi gutxi du orain arte ezagutu dugunarekin. Covid 19 operazioarekin bezala gerla-aparatuek eta propagandistikoak beren kontakizun faltsua oinarritzen dute, erasoaren benetako helburua ezkutatuta, erasotuak benetako balitz bezala ikus dezan. Helburua da gertaerak behar bezala ulertzerik urruntzera eta nahastearen zeremonian erortzera, non haiek, ibai nahasian, iritzi publikoa kontrolpean dutela uste duten.

    Zentral nuklearrarena bezalako gertakariekin entretenitzen gaituzte, alde batetik schock-aren doktrina elikatzen jarraitzeko, eta bestetik, sentipena gailentzeko hau bizitzaren betiko gerla “konbetzionala” dela, hegemoniaren hutsa alde borrokatzen duten blokeen arte. Ez dago errealitatetik urrunago.

    Hala ere, sinets genezakeena baina askoz errezagoa da mundu mailako konflikto hau irakurtzea.

    Itzalako gerla da animalia zauritu aurrean: mundialismoa (NATO, euro-atlantiko ardatza). Zaurituta egoteak arriskutsuago bihurtzen du. Bere aktiboak amiltzen ari direla ikusita, beste mundu-ordena multipolarra (Errusia, euro-asiako ardatza) azaleratzen ari da eta tokiko herrietara eta tokiko nortasunetara itzultzen ari da, eta finantza, ekonomia eta segurtasun-egitura berria duena, nazioetara dena izan ere, mudialismoaren aurka.
    Mundialismoaren funtsezko borroka -2020ko martxoan hasitako gerla honen arrazoia- mundu polobakar bat da, sinesmen bakarra, sistema bakarra duena, bizitzeko modu bakarra, mundu guziari inposatzen diona giza eskubideez, demokraziaz, eta progresismoaz estalita, tokiko identitateak, errealitate kulturalak eta sistema ekonomiko desberdinak dituen mundu multipolar baten aurrean.
    Gerla honetan jokoan dagoena da.
    Borroka militarra mundialismo polobakarraren eta nazio multipolarren aniztasunaren artean.
    Ardatz euro-atlantista Asiako-euro ardatzaren aurka.
    Behin eskema detektatuta irakurketa zuzenagoa egiten da, baita soluzioak ere.

  8. Argi dago ere, besteak beste, Georges Sorosek, Macronek, Klaus Schwabek, Ursula von der Leyenek, Rothschildtarrek edo Rockefellertarrek amets egiten dutela urrezko erretitu baten gainean Errusiako Federazioko egungo presidentearen burua ekar diezaieten.
    Zantzu nahikoak gertaerak nondik igarotzen diren eta guziaren atzean ezkutatzen dela susmatzeko.

  9. Koldo, zalantzak izan ditut zuri erantzuteko. Ez dizut ematen ezta kentzen ere izan dezakezun arrazoia. Eta zure gogoeta eta iritzia errespetatzen ditut. Baina ez zait iruditzen, artikulu batean nire kezkak adierazten ditudalako, eta Ukrainan zentral nuklearrari buruzko gertaera bat errepasatzen dudalako, iruzkinetan eztabaida geopolitiko batean amaitzeko. Eta, gainera, artikuluak bezain luzeak diren iruzkinekin. Egia esan, eta iraintzeko gogorik gabe, artikulu bat idaztera gonbidatzen zaitut, Ukrainan eta munduan gertatzen denari buruz duzun ikuspuntua kontatuz. Nire artikulua, beste bide batzuetatik zihoan, kezkaz ari zen. Eskerrik asko.

  10. Patrik, gogoratzen dizut zure iruzkin batean eztabaida geoestrategiko horri buruz zabaldu zarela eta hori ekarpentzat jotzen dut.
    Irakurleak orain bi ikuspegi desberdin ditu gai transzendental honi bururz eta hori aberasgarria iruditzen zait.
    Eguneroko borroka mediatikoan gutako bakoitza komunikabide bat da.

  11. Artikulu bat idatziko bazenu , askoz hobeto irakurleak ikuspuntu ezberdinak edukitzeko. Nire artikulua ez doa geopolitikaz. Erantzun nizun bai, baina ez nuen egin behar. Idatzi zure artikulu bat eta utzi eztabaidatzen hemen nire artikuluaren oinarria. Edo egin nahi duzuna, egingo duzu ala ere. Ondo izan!

Utzi iruzkina, izen eta abizenez

Azken artikuluak