Black Agenda Report-en argitaratua, 2022ko maiatzaren 3an
Desegin NATO orain.
Utzi bertan behera Ukrainako gerrarako adostutako 16.000 milioi dolarrak.
Estatubatuar inperialismoa bakerako, justiziarako eta herrien subiranotasunerako arriskurik handiena da.
Gaur egungo Ukrainako krisi eta gerrak mundua gatazka nuklear lazgarri baten arriskuaren aurrean jarri du. AEBetako eta mendebaldeko beste komunikabide batzuen gezur, propaganda eta desinformazioak AEBetako eta munduko milioika pertsona desinformatzeko helburua du, Errusia erasotzailetzat ikus dezaten, aldi berean AEBek gatazka honetan daukaten rola ezkutatzen duten artean. Manipulazio honen adibide nabarmena da mendebaldeko komunikabideak ez direla zintzoak izan era demokratikoan aukeratutako presidentea eraitsi zuen 2014ko Ukrainako estatu kolpea bideragarri egiteko AEBek izan zuten erabateko ardurari buruz, AEBen eta Europar Batasunaren interesekin bat egiten zuten indar neonaziekiko babesa bideratuz eta haiei Ukrainan boterea eskuratzen lagunduz.
Gu, AEBetan bizi garen beltzak, afrikar jatorriko herri zapaldua gara AEBetan
Guk, behean sinatzen dugun Beltzen Askatasunaren aldeko Mugimenduko eta AEBetan justiziaren alde borrokan diharduten herri mugimendu eta erakunde anitzetako talde eta banakakook dei egiten diegu giza-talde baketsu guztiei; beltzenak, kolorekoak eta indigenak, beraien gaitzespena eta aurkakotasuna adieraz diezaioten AEBek Ukrainan eta Europan duten esku hartzeari, zeina bideratzen duen bere interes anitzen bitartez, bai komertzialak eta bai politikoak, eta bere adar armatuaren –NATOren– bidez.
Gu, AEBetan bizi garen beltzak, afrikar jatorriko herri zapaldua gara AEBetan. Gure eskubideak ukatu izan zaizkigu, hots, etxebizitza, elikadura, botikak, aire garbia, ingurugiro osasuntsua, hezkuntza eta soldata duinerako eskubideak. Gure amonek hilero erabaki mingarriak hartu behar dituzte, argi-indarraz baliatzen jarraitu ala intsulina ordaindu. Estatubatuarren %13 izanik, poliziaren errepresio bortitz neurrigabea jasaten dugu eta AEBetako presoen %40 gara. AEBetako korporazioen eta elitearen klase agintaria osatzen duten indar horiek dira Errusiaren 20.000 kilometroko mugetan (hasi Erdialdeko Asiatik eta Ukrainan zehar, Europa Ekialderaino) NATOren zabalkunde politikak egituratzen ari direnak.
Gainera, AEBetako gobernuaren hipokresia agerikoa salatu nahi dugu, potentzia kapitalista, inperialista, patriarkal eta harrapakaria den aldetik, herri asko inbaditu eta ahuldu baititu erregimenak aldatzeko edota bestelako asmoekin, baina beti nazio horietako politika, aberastasuna eta baliabide naturalak kontrolatzeko helburuarekin. AEB munduko potentzia inperialista handiena eta boteretsuena da, eta behin eta berriz inbaditu ditu beste herrialde batzuk, hala nola: Granada (1983), Afganistan (2001), Irak (2003), Libia (2011) eta beste 21 herrialde, gutxienez, 1945etik. AEBek Afrikan daukaten adar militarrak Africom dauka izena eta bere egitekoa indarkeria eta ezegonkortasuna sustatzea da, horrela AEBetako enpresen interesei eutsiz Afrika osoan.
Gerra inperialista hauetan familia beltzak, kolorekoak, indigenak, langileen eta pobreen klasekoak dira dislokazioa, gertukoen heriotza eta beste agonia modu batzuk pairatzen dituztenak. Herrialde honetako beltzek Ameriketako Estatu Batuen gerra guztietan borroka egin dute, gure familiek gorrotoa, diskriminazioa, pobrezia, gaixotasuna eta heriotzak eragindako hondamena jasaten jarraitzen duten artean. Ukrainako gatazkan arrazakeriak bere aurpegirik itsusiena erakutsi du, gatazkaren endekatze eta bortizkeriatik ihes egin nahi duten afrikar eta beste ez-zuri batzuen migraziorako eskubidea ukatuz, baita Ukrainan bizi diren beste guztienak ere.
Afrika, Asia, Karibe eta Latinoamerikako beste herri batzuetako beltz eta kolorekoekin bat egiten dugu, defendatzeko nazio guztiek dutela subiranotasunerako eta segurtasunerako eskubidea, eta baita Errusiak ere, zeina indar inperialistek eta faxismoak behin eta berriro inbaditu izan duten XX. mendean zehar. Errusiako herriak milioika lagun galdu zuen Bigarren Mundu Gerran faxismoa garaitzeko, 1941ean Hitlerrek burututako SESBen inbasio naziaren aurka borrokatuz. Errusiak bizi izan duen inbasio historia hau, oraingo gerra eragin duen Ukraina/NATO zabalkunde planarekin batera, Errusiak bere segurtasunaren inguruan duen arduraren oinarrian dago.
Ukrainara bidalitako diru-laguntza militar hau AEBen barruko herritarren beharrak asetzeko birbideratu beharko litzateke
Dei egiten diegu justizia eta bakearen aldeko talde eta erakunde guztiei adierazpen honekin bat egin eta sina dezaten. Bertan eskatzen dena da Ipar Atlantikoko Itunaren Erakundearen (NATO) desegitea, AEBek Ukrainako gerra babesteari uko egitea eta Ukrainari eskainitako milioika dolarreko laguntza militarra bertan behera uztea. Ukrainara bidalitako diru-laguntza militar hau AEBen barruko herritarren beharrak asetzeko birbideratu beharko litzateke; osasun arreta unibertsalerako, haurren arreta unibertsalerako, etxebizitza eskuragarrietarako, hezkuntzarako, ikasleen maileguek sorrarazitako zor guztia kitatzeko, gutxieneko errentarako eta bestelako giza-beharretarako.
Honakoek sinatua:
- NBLM National Unity Initiative
- New African People’s Organization
- Black Workers for Justice
- Mapinduzi
- Black Alliance for Peace
- All African People’s Revolutionary Party
- New African Independence Party
- Lowcountry Action Committee
- Spirit of Mandela
- Cooperation Jackson
- Pan-African Community Action
- Hood Communist
- Imam Jamil Action Network
- Parable of the Sower Intentional Community
Eskerrik asko, Aitor, hau jakinarazi eta gehiago zabaltzeko aukera emateagatik.
EEBBek, beste behin gehiago dinamita jarri dio gizateriari.
EEBBek etsi.itsuan dihardute, orain inoiz baino areago, munduari su ematen.
Jabetu baitira, jabetu, jada ez direla América only ez First, baizik eta dekadentzia bidean amiltzera dihoazela.
Baina Munstro horren azken buztankadak den.denok ondora gaitzake betirako.
Erne!
Apokalipsiaren aurrean baikaude.